[香港新聞] 即食麵代理商涉強迫加價 代理商, 店, 深水埗

Lik

http://hk.news.yahoo.com/%E5%8D% ... 3%B9-220920580.html

即食麵代理商涉強迫加價
星島日報星島日報 – 7小時前

(綜合報道)(星島日報報道)當局早前提出大幅度修訂《競爭條例草案》，其中一條款欲杜絕大企業「欺」小企業；深水埗一間新開張雜貨店，早前將一暢銷品牌即食麵售價，調至低於代理商「建議零售價」以吸引顧客，詎料竟遭大型超市投訴及向代理商施壓，如不提升售價，便會停止供貨。雜貨店東主批評，有關代理商做法橫蠻，亦剝奪消費者選擇權，令人氣憤。

　　報稱被即食麵代理商欺壓的雜貨店，位於深水埗區，九月開張，售賣多種糧油麵食等食物，由姓文「八十後」兄弟合資經營。

　　割價售賣不獲供貨

　　文表示，區內不少低收入居民，故開張後為招徠顧客，將貨品售價調得較低，希望薄利多銷；如其中一款暢銷品牌即食麵，他便標價每包三元，較代理商的「建議零售價」十元三包還便宜。

　　不過，文聲稱，自從以每包三元賣麵後，該品牌代理商的一名營業員，最近突致電向他表示，其店所售該公司的即食麵零售價太低，要他即時取消每包三元價錢賣麵，否則會採取行動，「即食麵代理商的Sales話，佢哋收到其他連鎖商號投訴，如果我哋唔賣番十蚊三包，就唔會再供應貨源。」

　　疑超市施壓劃一價

　　文續稱，他欲以薄利多銷手法做生意，但恐代理商不再供貨，無法營業，只好被逼就範；故十月中取貨後，便將該品牌的即食麵售價，跟隨代理商的建議賣十元三包，即與大型商號所售價錢相同，惟在調升價錢後，生意亦大減，十分無奈，早前遂向立法會議員求助。

　　本報致電有關即食麵代理商了解，該公司客戶服務部一名女職員表示，供貨問題是公司與顧客之間商業往來，有關資料不便公開。記者 陶法德

mcjohnjohn

繼可樂之後, 即食麵都有類似情況. 唔知下次會係乜野呢?

Lik

繼可樂之後, 即食麵都有類似情況. 唔知下次會係乜野呢?
mcjohnjohn 發表於 2011-11-1 23:36

下次咪你繼續讚領匯點好點好、繼續撐點樣有大財團大石壓死蟹先至可以幫你將個商場活化，小商戶點樣俾人恰、俾人趕絕、淪為犧牲品都係無可避免嘅市場定律。然後你香港本來已經係貧富懸殊最大嘅城市，問題變得更加嚴重囉。

呢啲野一環扣一環，解俾你聽你又懵剩剩...

繼續享受你嘅溫水煮蛙啦？

-力

mcjohnjohn

下次咪你繼續讚領匯點好點好、繼續撐點樣有大財團大石壓死蟹先至可以幫你將個商場活化，小商戶點樣俾人恰 ...
Lik 發表於 2011-11-2 16:04

每樣野都有利有弊, 最重要係有一個平衝. 係人都知呢個世界任何野都可以一環扣一環, 所以你將領匯扣去即食麵我都唔想叉零廚你. 當然, 我完全唔否認香港商界係比大財團控制, 呢個對於小市民來講唔會係一件好事, 可惜香港實在係靠住呢個自由既經濟體系既定位而生存, o係呢個遊戲規則裡面, 大財團既優勢係太明顯, 而家既問題係, 點樣可以有效控制呢個情況, 而又唔會令香港既經濟發展受負面影響呢? 你諗得到, 我諗特區政府會頒個大紫荊比你.

Lik

問題點樣去解決其實再明顯不過，打倒地產霸權、官商勾結、解散功能組別呢幾樣野我都講到口臭啦？係香港人無種又短視先至唔敢做嗟。

五毛黨成日插美國點衰點衰，但響反競爭法呢樣野裡面，老美真係有個唔錯嘅 track record。由 70年代嘅拆散 AT&T，到90年代用 anti-trust laws 來搞 Microsoft，老美就真係有種、有眼光去唔俾你啲大工司、大財團坐大喇。當年發生嘅時候啲人都可能會好驚、擔心搞lum個市，但今日我地就睇到 AT＆T拆散咗先至為電訊業帶來幾多競爭；Microsoft唔能夠一幫獨大，所以今日電腦界先至有百花爭艷嘅局面。偏偏香港就太多人好似你咁，只顧眼前貪果少少平、果少少方便就縱容、姑息啲大財團繼續坐大，無種去打老虎，又無眼光，搞到養虎為患...

-力

mcjohnjohn

問題點樣去解決其實再明顯不過，打倒地產霸權、官商勾結、解散功能組別呢幾樣野我都講到口臭啦？係香港人無 ...
Lik 發表於 2011-11-2 16:51

力兄, 香港既情況邊有得同美國比丫...

香港果d 所謂霸權, 基本上係地產佬. 而香港成個經濟真係咁仆街地靠哂班地產佬, 真係佢地一仆街就成個香港一齊仆街. 8萬5 有版你睇, 政府擺明想隊林班地產佬, 結果比人調轉槍頭隊林左, 連小市民都鬧政府仲乜鬼整林個市. 香港既情況真係好獨特, 我覺得一般既野係唔會work.

btw, 我真係會貪平貪方便, 而且我同大財團都冇乜牙齒印, 諗唔明點解要無啦啦去打佢地.

Guy

回復 2# mcjohnjohn


    Real estates