本帖最後由 jiujiujiu 於 2012-8-13 19:12 編輯
Romer's Burger Bar
兩個人撐枱腳...
哇哈哈哈哈~ 好多人都話Romer's Burger Bar 嗰D burgers 好好食, 而我自己都講咗好耐話要去試都仲未去, 我終於都同我老公去咗試lu~ 我就去咗佢哋响River District 嗰間, 我幾鐘意佢哋呢個location 啵, 最少唔駛好似Kits 咁要擔心泊位~ 食完仲可以响河邊散步, 都幾爽架!
我哋2個叫咗: Mango Mint Iced Tea, Pomegranate Cranberry Ginger Beer Splash, Magic Mushroom 同埋Man's Man Burger.
- Mango Mint Iced Tea: 好濃麥西哥芒果味(不過, 都應該係packaged 芒果concentrate 啦!), 薄荷味好濃, 成杯都有篤碎咗嘅薄荷葉! 好香, 但茶味就無乜喇~
- Pomegranate Cranberry Ginger Bear Splash: 呢杯呢, 我就無乜期望喇, 因為我只係唔想齋食包唔飲野所以就叫架咋~ 個味咪就係cranberry juice 加ginger ale 咁嘅味囉~ 但pomegranate 味就真係唔多覺, 但酸酸地甜甜地, 都好refreshing, 食完個包再飲都OK嘅~
- Magic Mushroom: 哇~ 超精彩! D牛肉味真係濃到化不開! 講到明係"all natural heritage farms range-fed Angus beef 啵~ 想無牛肉味都難啦! 加埋D菇呀, herbs 呀, cheese 呀, 同埋D caramelized onion .... 真係正到無嘢好講!
- Man's Man Burger: 呢個包呢... 舊肉都係好濃牛肉味, 塊厚切applewood bacon 都香到不得了, 不過就係因為咁, D bacon 味就蓋咗少少牛肉味囉~ 而個amber ale cheddar 都唔錯啵, 不過, 雖然我鐘意食mustard, 但係佢哋個whole grain mustard 就略嫌酸咗DD喇, 同埋塊茄搞到個包濕咗D囉~ 當堂搞到個包失晒色... 不過咁, 個包都仍然好味... 只係無個Magic Mushroom 咁好食囉~
Mango Mint Iced Tea
Pomegranate Cranberry Ginger Bear Splash
Magic Mushroom Angus beef with plenty of chopped BC portobellos, arugula, herb and garlic Boursin cheese, caramelized onion
Man's Man Burger Thick-sliced applewood bacon, local creamery amber ale cheddar, onion strings, smoked alder salts, vine-ripened tomato, whole grain mustard |
發表於 2012-8-13 18:51
| 
.gif)
，朝早四點，好肥餓啊….gif)
