噚日許志安「躺着也中槍」，被人認錯做杜德偉（Alex），仲畀人話佢寸囉！
噚日有張相喺網上瘋傳，原來有位網民喺自己facebook寫道：「喺球場見到杜德偉先生，不過條友好寸，叫佢杜生都唔啋人。」唔通杜德偉真係咁寸？再睇真啲張相，呢位網民原來同「杜德偉」合照，不過呢個「杜德偉」，其實係許志安至真，真係笑爆嘴。
安仔冇陰功，畀人認錯之餘，仲無啦啦畀人話佢寸，而許志安都喺fb轉發呢張相，當時佢亦幽自己一默：「你叫我杜生我點回應你呀阿哥？」至於陳奕迅亦搭訕話：「下次等你同佢單獨嘅時候先再叫佢，佢怕羞o架！平時多人佢死都唔認o架。」
咁另一位當事人──即係杜德偉，又點睇回應呢張相呢？今日近五點，Alex都轉發呢張「合照」，Alex就話：「『去球場遇到杜德偉先生、可是這個人好嗅跩（好寸）、叫他杜先生他都不理！』。 老大、我是許志安我也不會理你吧！」
*轉自爽報 |
發表於 2013-9-9 22:31
|