溫哥華老友記討論區 - Powered by Discuz! Board

標題: 再談相處 [打印本頁]

作者: Yui 時間: 2009-9-4 21:18 標題: 再談相處

我有一個難題想大家俾d意見。

我同70幾歲既老爺奶奶同住，拒地住樓下，我同老公住樓上，大致上大家都有自己既生活空間。本來無問題，但兩老（尤其奶奶）愛屋及烏，待我好好，事事照顧周到，但關懷程度令我同老公都感到吃不消，隨便舉例如下：

1. 奶奶喜歡煲湯帶上來給我同老公飲，但同一煲湯會分幾次上來，第一碗系熱湯，可以立刻飲；第二次拿上來的可放雪櫃；第三次拿上來的湯是經過她精心挑走油分的剩余湯尾。。。每次都有好詳盡既解釋拒花左幾多時間撇油。。。拒亦好緊張我地有無第一時間飲，會睇住我地飲完就好滿足甘落樓下。有次老公開緊電話會議，拒叫左幾次老公無理到，拒就大聲話‘D湯arm飲啦，凍左無益啊’，然後將碗湯隊系老公口邊。

2. 我宜家無返工，午餐都會自己煮，多數食粉飯麵，好間唔中會做三文治。有次做三文治當lunch，食完無耐奶奶上來問：
“食左飯未阿？”
“食左啦，我食三文治。”
“噢，唔怪得我系樓下聽左成朝都聽唔到油wok聲啦。”

3. 食左飯未阿？’ 系老人家同人打招呼常常聽到既，最平常不過。但我每日不論個任何時間俾人問5-8次，系咪人都癲？

其實問題系咪出系我身上？明知對方系出自關心既表現，但點解我會覺得甘反感同抗拒？

想聽下你地既意見。

作者: ricrick 時間: 2009-9-4 21:30

一個字，煩
對於一D愛心爆炸的老人家，真係吾知點算

無計，唯有不厭其煩，飲多碗湯，講多次食左

作者: tofu 時間: 2009-9-4 21:37

are they bored? maybe they just need someone to talk to

作者: Yui 時間: 2009-9-4 21:41

一個字，煩
對於一D愛心爆炸的老人家，真係吾知點算

無計，唯有不厭其煩，飲多碗湯，講多次食左
ricrick 發表於 2009-9-4 22:30

rickrick你好勁，講中灑我心個句。

但我既耐性已經被磨滅得7788，我怕終有一日我會對老人家爆粗。

作者: ricrick 時間: 2009-9-4 21:51

教你一招絕的，就是鬥~長~命~ 仲吾實食無黐牙？

作者: Purpleheart 時間: 2009-9-4 21:57

Yui, 其實我覺得你好幸福 wor....
好少奶奶唔單止錫個仔, 仲錫埋個媳婦~~
其實一結左婚老爺奶奶就會好緊張幾時有孫抱
可能係你奶奶想你地食飽o的然後努力造人o者~~
and 佢想第時有個肥肥白白既孫......

好似我男朋友媽咪, 次次開飯都特登將o的肉 / 扒放o係我男朋友面前, 然後菜同豆腐就狂推俾我食, 叫我"食啦, 食多o的菜啦", 驚死我食晒o的肉我男朋友冇得食
真係頂唔順, make me 反感同抗拒

作者: Yui 時間: 2009-9-4 22:12

Purpleheart, 有時我都會唸如果我奶奶系一般正常既阿媽，不好甘熱情，不洗甘週到，甚至錫仔唔錫新抱，我會唔會無反而覺得好過D呢？因為甘我可以擺明同拒保持一個舒服既距離。

但系因為拒對我好好，好得來卻好煩好厭悶，你唔想接受又唔知點同拒講，相處耐左真系會有無形既壓力。

作者: khaki 時間: 2009-9-4 22:49

有Ｄ奶奶過份熱情，過曬火攪到人家慢慢覺得煩。有時自己覺得好既行為，套用響人家度就會變得好討厭，因為人人都不一樣。最好方法就係搬開啦，gum又唔會得罪老人家又唔會爆粗哈哈。

作者: Littleprince 時間: 2009-9-5 00:43

同意樓上所說的﹐若覺得太煩最好唔好一齊住﹐廢事耐性磨盡會會磨擦﹐到時仲死

作者: yokult 時間: 2009-9-5 05:17

好有同感。

我未結婚﹐男朋友呀媽對我好好﹐驚我唔夠湯水﹐拒會煲D 湯叫男朋友拎比我飲。
我都知係好意﹐但係我覺得唔需要囉。

一早同男朋友講左結左分一定唔會同拒地住。

作者: B仔 時間: 2009-9-5 14:22

對呢D AUNTIE／UNCLE／99／62，一定唔好一齊住。最好連係佢地屋企食飯都唔好，一齊食就出街食。所以我覺得自己好幸福，因為呢六年來，我未試過係我愛人媽媽的家食過一餐飯，因為她不煮飯的。我地次次都係出街食，或者係我係我自己屋企煮比我愛人一家食。

有關煲湯。。。有時佢媽媽會煲完拿比我地飲。有時係我煲完叫佢過嚟飲。方便，少麻煩，冇拗叫。

關心方面，唯一我有少少唔耐煩的是，一有甜品就係咁叫我食。雖然，我出哂名大食，又愛食甜，不過我唔係樣樣甜點我都會想執手尾架嘛～～係，我可以自己食4舊CHEESECAKE，或3個流沙包，或4個高麗豆沙加多糖。。。但係有時我真係好飽架嗎。有時我未食完第一個，你就叫我清埋剩餘的5個，我聽完都冇MOOD食啦～所以我有時我會話我真係好飽，食唔落。OR，有時我會話，我唔係淨係鍾意食甜野，我係鍾意食好味嘅野囉！

另外一樣我覺得自己算幸福的就係，我愛人屋企冇話特別對我好，冇話特別錫我，同時亦都唔會話唔鍾意我。我諗佢地嘅態度係，"呢個女人係我地個仔揀的，唔到我地揀"。就係咁簡單。有時D人話，當係自己父母一樣看待，但係，有幾多係真係做得到？唔係話我唔想，只係家家溝通不同，你對著另一半的父母，人地都冇話當你係自己女咁CLOSE，你又點會有FEEL當佢地係自己父母咁CLOSE呢？點都會有點尊敬的避忌嘅～

作者: Purpleheart 時間: 2009-9-5 18:31

係，我可以自己食4舊CHEESECAKE，或3個流沙包，或4個高麗豆沙加多糖。。。B仔發表於 2009-9-5 15:22

B 仔講大話!!!

如果你都食到4舊CHEESECAKE，或3個流沙包，或4個高麗豆沙加多糖既話, 我咪食到20舊CHEESECAKE，或15個流沙包，或20個高麗豆沙加多糖???? 唔信!!

作者: B仔 時間: 2009-9-5 18:39

B 仔講大話!!!

如果你都食到4舊CHEESECAKE，或3個流沙包，或4個高麗豆沙加多糖既話, 我咪食到20舊CHEESECAKE，或15個流沙包，或20個高麗豆沙加多糖???? 唔信!! ...
Purpleheart 發表於 2009-9-5 19:31

紫芯HUNNIE，
我冇誇大架。
我去食CHEESECAKE，我要叫AT LEAST 2至三件。
去海港同愛人媽媽食野，我真係可以食三個流沙包。
如果去滬江，D高麗豆沙，我可以食三四個，仲要叫WAITRESS比多一碟靚靚粉紅色糖比我自己一個倒落口架。。。
返工，一日可以掃一袋CALBEE，一盒POCKY，朱古力，餅餅，雪糕。。。

CREMEDELACREME係叫我做"大食B...ITCH"。俗稱"BIG EAT"。。。

作者: sheep 時間: 2009-9-5 20:58

到有朝一日
你想有人煩你
同你傾偈
但係冇
你就知點解

作者: ricrick 時間: 2009-9-5 22:18

瓜左

作者: Yui 時間: 2009-9-5 22:25

本帖最後由 Yui 於 2009-9-5 23:43 編輯

到有朝一日
你想有人煩你
同你傾偈
但係冇
你就知點解
sheep 發表於 2009-9-5 21:58

假設你阿媽每2-3個鐘打次電話來問你食左飯未，你系咪會覺得好幸福？

羊生唔洗甘婉轉，簡單D講，你系想話我唔懂得珍惜，順便寸下我他日現眼報無人理就與人無尤諸如此類。

無所謂，我寫得出系難題就系因為我都好矛盾，內心都會自責點解有人對自己好仲要‘sung'。

但內心感覺騙到人騙不到自己，甘系咪俾人煩到影響到正常生活都值得幸興同應該好enjoy？甘咪心理變態？

作者: sheep 時間: 2009-9-6 16:50

有冇聽過
新任父母一聽到BB喊
就抱到佢唔喊怕喊壞佢
但係佢目訓到凜哂果時
冇聲你又驚佢有事
聽倒佢喊又會安心D
人就係甘矛盾

作者: ricrick 時間: 2009-9-6 18:30

如果係自己阿媽，你可以大叫“你米煩啦”
人地阿媽就真係無計
你嫁人包括嫁埋阿媽媽
但你呢D婆媳關系實在小兒科
算吧啦，認佢米當日常工事

作者: myversa 時間: 2009-9-8 09:38

Your hubby's parents are better than my mom.....

At least they just cared for you. Maybe you should find them some companions.

作者: 小叻 時間: 2009-9-8 10:17

我諗你老爺奶奶幾孤獨下~ 不如得閒帶佢地出去行下~識下其它公公婆婆~打下麻雀~無甘悶咪唔會成日走上黎煩你囉~ 你地又係咪無乜理佢地丫? 兩公婆二人世界係好..但係講真...老人家都老啦...有時間就真係應該多D陪下佢地...唔係將來會後悔架﹗ (注﹕我係同老爺奶奶住既)

作者: siumaibb 時間: 2009-9-8 10:30

你咪每半個鐘打電話俾佢同佢講你食左飯囉

作者: siumaibb 時間: 2009-9-8 10:33

20# 小叻

老爺奶奶？
你結左婚啦？恭喜晒喎! 一切順利？

作者: 小叻 時間: 2009-9-8 12:13

22# siumaibb
thx ~ 上個月結左啦~ 一切順利

作者: Littleprince 時間: 2009-9-8 13:26

22# siumaibb
thx ~ 上個月結左啦~ 一切順利
小叻發表於 2009-9-8 13:13

congrats~~~

作者: Yui 時間: 2009-9-8 13:28

本帖最後由 Yui 於 2009-9-8 14:33 編輯

小叻，你同老爺奶奶相處得好唔好啊？

我老爺OK既，拒有自己既鄉里朋友，得閑會出去逛下街。

但我奶奶就真系好孤癖，一個朋友都無，我同老公鼓經常勵拒出去參與多d老人活動識多幾個朋友，但拒會好抗拒，無知怕乜。拒既comfort zone只系局限系距離間屋5個街口既范圍， 20幾年都系甘，所以拒既生活話題只系圍繞住一日三餐，飲湯，打掃同洗衫。出面發生任何事情都與拒無關亦不感興趣，好自然我地既共通話題系非常有限。

我同奶奶既婆媳關系唔算好差，連埋未結婚既日子，我地都相處左10年有多，只系同住既相處明顯有大大小小既問題。呢個階段我只系想保留番一D私人空間，同兩老保持住客客氣氣既關系同距離，大家都舒服。正如B仔所講，要做到待老爺奶奶如自己親生父母，暢所欲言，系我個case系無可能發生。

作者: 小叻 時間: 2009-9-8 13:53

25# Yui

我同老爺奶奶相處得唔錯~ 平時得閒會同佢地打下麻雀甘啦~ 老爺奶奶亦無要求我做D咩家務呀等等~ 又唔會話吹我地食飯.. 飲湯甘既~ 佢地每個禮拜都去圖書管打麻雀~ 好似番工甘~幾忙下~ hahaa~ 所以我覺得你老爺奶奶生活悶左D~無野做先上黎搵你地傾計~有野做好似趕住去打麻雀...佢地先唔理你地D後生呀﹗
但係如果你依家都覺得煩~第二時你生BB後仲煩﹗同埋你都識講奶奶20幾年都系甘...好難會改到架啦~ 唯有就住先啦~ 講多句食左啦~飲左啦~ 會啦~
個個屋企既生活習慣不同~ 互相遷就係最重要既~ 同埋唔係個個老爺奶奶都好相處架~ 要珍惜~ 好多婆媳糾紛都係因為唔忍讓而起火頭架﹗
你都唔想老公難做架~ 係咪?

作者: Yui 時間: 2009-9-8 14:34

如果我奶奶太煩太長氣既時候，我老公都好會悔氣，反而我就會就住就住唔想令老人家難堪，有時我老公仲會叫我唔洗同拒阿媽講甘多，只須要答“食左啦~飲左啦~ 會啦～系啦～知啦”就可以。因為經驗話拒知嘗試同拒阿媽溝通同講道理最後只會激親自己，你話系咪好搞笑？

講到生BB，到拒出世後我想我會把樓上既門長期上鎖，因為我完全睇到潛在既問題同嚴重性，我真系唔想有產後憂鬱。。。

作者: 雪姬 時間: 2009-9-8 15:02

As elders grow older by the year, it just means one less year we'll see of them. Keep that in mind, and it might help sooth your understandable frustration. Keep up your hard work!

作者: starbug 時間: 2009-9-8 15:12

如果我奶奶太煩太長氣既時候，我老公都好會悔氣，反而我就會就住就住唔想令老人家難堪，有時我老公仲會叫我唔洗同拒阿媽講甘多，只須要答“食左啦~飲左啦~ 會啦～系啦～知啦”就可以。因為經驗話拒知嘗試同拒阿媽溝 ...
Yui 發表於 2009-9-8 15:34

話你知,呢D叫做老嘢一族之陰謀, 係基於善心, 無聊, 同佔有幾個出發点, 好難話啱定錯, 只有頂唔頂得順.

作者: Yui 時間: 2009-9-8 15:42

話你知,呢D叫做老嘢一族之陰謀, 係基於善心, 無聊, 同佔有幾個出發点, 好難話啱定錯, 只有頂唔頂得順.
starbug 發表於 2009-9-8 16:12

就系甘至考起，拒地做所有事情都系出於關愛，但唔明有時過分關心同呵護就令人抗拒。

話到底，我同老公都唔系細路仔。系好難頂但都會繼續頂，不過系屋企都要將EQ維持系高位，過中壓力不足為外人道。

作者: khaki 時間: 2009-9-8 16:59

好多阿爸阿媽就算個仔做埋老豆都仲覺得拒係細路仔，呢樣野我都覺得好無奈

作者: fibbi 時間: 2009-9-9 10:13

本帖最後由 fibbi 於 2009-9-9 11:17 編輯

1# Yui

呢啲婆媳問題真係好難攪，我覺得由你老公出面同奶奶講會好啲。不過要婉轉啲。話時話，你奶奶喺你哋未結婚之前係唔係咁對佢個仔嘅呢？定係宜家先至（事事關心）？

有時可以諗下，如果你有個仔，你會點對佢呢？會唔會好想佢飲咗碗湯，而成日敲佢到門呢？

作者: siumaibb 時間: 2009-9-9 10:28

租多d劇集俾佢睇，再唔係教佢上網

再唔得就出絕招
。
。
。
。
。
。
就係生個孫俾佢湊

作者: siumaibb 時間: 2009-9-9 10:33

25# Yui

我同老爺奶奶相處得唔錯~ 平時得閒會同佢地打下麻雀甘啦~ 老爺奶奶亦無要求我做D咩家務呀等等~ 又唔會話吹我地食飯.. 飲湯甘既~ 佢地每個禮拜都去圖書管打麻雀~ 好似番工甘~幾忙下~ hahaa~ 所以我覺得你 ...
小叻發表於 2009-9-8 13:53

成個幸福小新抱咁喎。。。

你老爺奶奶都幾犀利。。去圖書館打麻雀。。

作者: 布小熊 時間: 2009-9-9 10:38

租多d劇集俾佢睇，再唔係教佢上網

再唔得就出絕招
。
。
。
。
。
。
就係生個孫俾佢湊
siumaibb 發表於 2009-9-9 11:28 AM

I think 教佢上網 works! My mom goes online a few hours everyday now. After my bro taught her how to use IE and setup enough links for her to go to her favourite site.
She watches Chinese opera clips on youtube and read chinese online newspapers. She also enjoy browsing photos online and is learning a little bit about photo editing now.
other old ppl interested links: cooking sites (e.g. so see wong cook shows), gardening sites, entertainment news sites, skyp/other internet phone to call relatives in HK?!

作者: fibbi 時間: 2009-9-9 11:06

One thing...it could take tremendous effort to teach older generation to use COMPUTER. Took me almost 3 to 4 hours to TEACH MY MOM TO NAVIGATE WITH THE MOUSE. No kidding! It's another task to test patience!

作者: B仔 時間: 2009-9-9 11:06

教佢打中文。
我係咁教我媽咪架（不過唔係因為佢煩，而係佢學吓呢D新科技係好事）。我要佢得閒EMAIL我，嚟PRACTICE。
叫佢如果佢想你飲湯，就打中文MSN／EMAIL比你當做功課。叫佢上網搵D新RECEIPE煮。。。
我連D 扮靚SITE都SEND比我媽咪睇。我細佬買左部EEC PC比佢，我媽咪不知幾爽。連夏天去霸位睇煙花都帶埋去，一路等，一路插住HEADPHONE睇劇集。

我講真，唔係講笑。

作者: khaki 時間: 2009-9-9 11:29

教佢打中文。
我係咁教我媽咪架（不過唔係因為佢煩，而係佢學吓呢D新科技係好事）。我要佢得閒EMAIL我，嚟PRACTICE。
叫佢如果佢想你飲湯，就打中文MSN／EMAIL比你當做功課。叫佢上網搵D新RECEIPE煮。。。
我連D 扮 ...
B仔發表於 2009-9-9 12:06

你阿媽好似你gum後生靚女梗係易攪啦！老人家到左某個年紀拒地會怕試新野，我都試過叫老爺學上網呀，拒怕喎

作者: B仔 時間: 2009-9-9 11:45

你阿媽好似你gum後生靚女梗係易攪啦！老人家到左某個年紀拒地會怕試新野，我都試過叫老爺學上網呀，拒怕喎
khaki 發表於 2009-9-9 12:29

我媽咪唔後生架喇～不過我會迫佢KEEP得唔好咁老餅STYLE咁解。

再唔係，買部Wii，包掂！我媽咪過嚟我屋企玩，玩到唔捨得走架有時！
容易用，又有野學，又健康，又唔洗出街，又可以同D後生嘅有共同話題。

作者: Yui 時間: 2009-9-9 12:53

多謝你地既題議，不過，我奶奶連洗衣機都唔識用（拒用手洗衫）加上識字有限，教拒上網同打字既難度等同教拒揸飛機。電視拒有睇，但1-2個鐘就會眼痛，行唔通既。

其實上個星期五我老公同阿老爺奶奶反應過，呢幾日已經少左上來問長問短，我有重獲自由既感覺。或者拒地會有唔開心，但事情總要有一個解決方法，甘做法總好過我到頂唔順既時候會向拒地講D收唔反既說話。

歡迎光臨溫哥華老友記討論區 (http://loyaukee.com/forum/)