All about money

smt

想分享三個小故事。暫時撇開其他唔講﹐淨係講錢。

阿 A 嘅 bf﹐唔長進﹐冇前途﹐微薄薪水只僅僅夠洗。
結果當然儲唔到錢﹐戶口唔知有冇三位數字 (個男仔話就係咁話﹐不過睇佢洗費﹐儲唔到錢真係唔出奇)。
A 自己人工唔高﹐不過都高過個 bf﹐
但出街洗費男友俾晒﹐亦投訴 bf 儲唔到錢。
A 同 bf 講﹐何不長進點﹐找份 part-time?
A's bf 話﹕咁咪冇 life 囉﹖寧願留喺屋企瞓覺。
雖然係冇錢﹐但 A 個 bf 亦好錫 A﹐就得 A 脾氣之餘亦好肯洗錢喺 A 身上。
佢自願俾 A 一張附屬卡 (A 只會用黎買下 groceries﹐唔係豪洗)
行街睇戲食飯個 bf 俾晒﹐亦會送下禮物 (有貴有唔貴)
另外亦有幫 A 俾埋電話費。
(據聞電話費係 A *要求* 個 bf 俾嘅)
撇開行街睇戲食飯呢啲 “比較正常嘅洗費” 唔計﹐
雖然電話費同 groceries 貴極有限﹐但係 A 呢頭洗人錢﹐呢頭話人儲唔到錢﹐係咪唔係太好呢﹖
不過嗰幾廿蚊﹐又係咪會 make much difference 呢﹖而且佢 (the bf) 冇錢都供架貴車啦。
呢兩個人計劃結婚了。佢地會幸福嗎﹖定係會貧賤夫妻百事哀呢﹖

阿 B 係個已到了適婚年齡嘅女仔﹐想找個好男人結婚。
阿 B 嘅 bf (now ex) 嘅薪水唔錯﹐
係個孝順仔﹐俾好多錢屋企﹐所以自己都唔係太多積蓄。
阿 B 自己薪水唔多﹐不過賺錢買花戴之餘都有一筆儲蓄。
一件令 B 好介意嘅事﹐就係呢個 bf 好孤寒。
即使佢肯俾飯錢﹐亦係心不甘情不願。
除左食飯﹐另外好多林林審審嘅事﹐令 B 覺得呢個 bf 好孤寒﹐連朋友都覺得。
(例如送花﹐但又開口同 B complain 話 “幾十蚊一紮花貴”﹐B 索性叫佢唔好送)
兩人前排分手了。
雖然除左“孤寒” 呢個原因外﹐佢地係有好多好多其他問題導致分手下場﹐
不過聽到最多投訴係 “男方孤寒”。
但聽聞分手前﹐呢個 bf 雖然自己眼鏡唔啱戴了﹐
寧願用公司醫療保險 claim 左副四百幾蚊嘅太陽眼鏡俾 B 做情人節禮物﹐自己都唔 claim 去買眼鏡。
Bf 冇向人 complain 過﹐最多係話而家副眼鏡好煩。
當朋友同 B 傾返﹐B 話係 bf 自己提出要送﹐個 bf 自己冇話過需要換眼鏡﹐B 根本唔知佢需要新眼鏡。
其實﹐平日雖然孤寒﹐但就呢份心意﹐仲算唔算孤寒﹖
分手後﹐從呢段感情上﹐B 覺得自己更了解自己底線﹕
自己最受唔住嘅﹐就係男仔孤寒﹐下下計住。
有太明確嘅 criteria﹐係咪好事呢﹖
將來會唔會因為呢啲 criteria 而被矇閉了﹐連其他好處都睇唔到﹐繼而錯過一些好男人呢﹖
不過 B 本人就話﹐呢個係受唔到﹐就係受唔到。
至於呢個 “底線” 係咪受好友 A 同 A's bf 影響就唔知了。

阿 C 同 bf 拍左好多年拖。
阿 C 係學生 (而家都仲係)﹐冇收入﹐不過屋企算中上﹐所以生活無憂。
佢個 bf 以前入息十分微簿﹐生活好艱苦﹐所以兩個出街一直係 AA 制。
直至而家﹐C 個 bf 因為上進﹐所以收入穩定了﹐生活亦大大改善。
BF 買左唔少嘢去改善自己生活﹐例如遊戲機咁﹐終於有返啲 life﹐
不過就係冇車。 (兩人出街係用 “C 家車”)
而家兩個人出街仍大部份時間都係 AA﹐bf 通常俾多啲﹐
亦會間唔中負責食飯行街嘅洗費﹐可能五日會有一日吧﹐
間唔中都會買些小禮物送俾 C﹐例如毛公仔。
阿 C 雖然仲係個學生﹐冇收入﹐
不過行街都情願自己行或者同女性朋友行﹐唔要同 BF 行街﹐
因為 C 知道 bf 會 offer 送嘢俾自己﹔阿 C 唔想咁。
阿 B 就覺得阿 C 有點傻﹐而家 C 個 bf 有唔錯收入 wor﹐但 C 自己冇錢架 wor﹐食飯點解要AA﹖
阿 C 其實真係唔係好介意。
因為佢想 bf 快點儲錢買樓。 BF 寄人籬下太多年了﹐一直好想有自己地方。
而且﹐如果將來真係要結婚的話﹐都希望兩夫婦有自己嘅天地﹐即使係 studio 都唔介意 (反正容易打掃)。
有人認為 C 係為大家嘅將來著想﹐幫 bf 儲錢係好事﹐反正將來兩個人嘅一切都係屬於同一個家嘅。
有人認為 C 係放長線﹑釣大魚﹐想嫁個有樓之人﹐並唔係真係咁清高。
有人認為 C 呢種係“高危投資”﹐因為佢兩個拍拖咁多年﹐卻對婚姻隻字不提﹐如果沒緣份做夫妻的話﹐C 就乜都冇了。
阿 C 其實係咪好傻呢﹖

Catpiano

So common wor ....

smt

So common wor ....
Catpiano 發表於 2009-9-29 12:49

係呀。本來就係幾個很普通﹑很平淡嘅故事。
就係平凡嘅故事﹐先反映到不少適婚年齡嘅女性嘅心態吧﹖
純粹想睇大家對感情同金錢有咩睇法。

fibbi

先講A嘅case：
開講有話，一個願打，一個願挨，如果選擇得呢個人，就要接受呢個男人嘅缺點，藉係佢冇乜上進心，唔徙旨意有好好嘅物質享受，要有嘅話就要自己儲蓄。咁就要睇吓個女仔願唔願意咁做勒。咁我都覺得個男仔呢方面算唔錯，起碼佢夠大方，自己冇都肯provide個女仔嘅支出。但係個女仔就要預咗同個男仔挨。其實只要個男仔對個女仔好嘅話，挨吓都會好開心嘅。不過當然，最好夠生活啦，如果交完租得番＄500淨（2 個人計算），就真係唔掂。

講到結婚，其實再無分咩男仔嘅＄，女仔嘅＄，係一個家庭嘅＄，如果係個男仔負責開支嘅話，個女嘅就應該負責儲蓄啦。

fibbi

B's case:
"即使佢肯俾飯錢﹐亦係心不甘情不願。"
This is kinda ridiculous wor...
Plus, I don't even consider the $400 sun glass gift is "generous". It's not from his pocket!!! It's from the insurance $!
我覺得佢孤寒嘅程度係只要唔係自己錢就ok，但係out of his own pocket 就免問。當然，我只係從你嘅description 去comment，可能有啲唔公平。會唔會佢覺得唔practical嘅野所以唔想洗錢呢？好似花，可能好多人覺得唔抵買；唔出錢食飯，會唔會唔願俾fine dining 呢？哩層我唔知。如果佢連＄10 ＄20 一餐都唔願俾嘅話，真係飛得。因為呢個唔單只係孤寒，仲係小家嘅表現。

B仔

難得有D現實嘅故事睇吓，冇三腹屁，D字又唔懶係有文彩。。。多謝你呀SMT。

ANYWAYS。。。。

A唔成熟。ABF都唔成熟。
我覺得ABF寵壞了A。兩個人一起生活，生活開支要一齊付出。大家都有份工，如果要幸福，必須兩人CONTRIBUTE。婚禮唔係講就得，如果戶口連少少錢都冇，咁佢憑咩去交MARRIAGE LICENCE FEE呢？

女人有點錢就高傲。唔明？睇吓LYK嘅女王就係一個最佳人板。
我自己覺得，孤寒，唔緊要。唔好孤寒人地豪洗自己。千其唔好寒酸就得喇。有D人，孤寒，好聽D叫慳。同埋，係一段關係咩叫孤寒先？係咪大部份洗費都要個男人比哂先叫GENTLEMAN？？

每人拍拖方式唔同，唔可以話C傻嘅。那些負面COMMENTS嘅人比亞C現實姐。
邊個話，拍得拖耐係必然要結婚？

fibbi

C's case:
"因為佢想 bf 快點儲錢買樓。 BF 寄人籬下太多年了﹐一直好想有自己地方。"
If C's bf is actually saving $ for the house, it's great. However, if he'd rather spent $ on his personal enjoyment than gf's "basic" expense, then I think it's not as great.

"有人認為 C 係為大家嘅將來著想﹐幫 bf 儲錢係好事﹐反正將來兩個人嘅一切都係屬於同一個家嘅。
有人認為 C 係放長線﹑釣大魚﹐想嫁個有樓之人﹐並唔係真係咁清高。"
I don't think C is bad at all, if no place to stay after married it will create some problems too.

"有人認為 C 呢種係“高危投資”﹐因為佢兩個拍拖咁多年﹐卻對婚姻隻字不提﹐如果沒緣份做夫妻的話﹐C 就乜都冇了。"
咁我覺得C應該開心見誠同男友講吓將來嘅plan，如果覺得BF無心結婚嘅話，而C又係個啲想有家庭嘅話，就好應該諗清楚同為自己打算。無謂徙大家時間，尤其女仔唔係有好多時間。