溫哥華老友記討論區 - Powered by Discuz! Board

標題: 許文彪-道出咗家陣香港無數小業主嘅心聲 [打印本頁]

作者: heykevin 時間: 2009-10-23 20:46 標題: 許文彪-道出咗家陣香港無數小業主嘅心聲

[youtube]fBuVZ1yiQTA[/youtube]「佢哋只係拎少少錢出來，拎少少時間，炒起個樓市就不停喺度賺大錢，咁叫公平咩？你出去問吓人，是但問一個人，問吓佢哋想要啲乜嘢。佢哋答案好簡單，只係想要一間好普通好普通嘅樓。點解佢哋要用成世人嘅時間去供一層樓呀？因為啲有錢佬喺度玩嘢呀！越有錢就越有得玩呀！呢個世界公平咩？呢個世界公平咩！」

隔牆有耳： CCTVB河蟹再現

無綫電視「 CCTVB」再度施展香港中央電視台風範，緊跟中央領導政策，確保香港特區嘅和諧穩定。八方何出此言？最近樓市升溫，無牙政府係咁意要求銀行調低豪宅按揭敷衍民意，網民為咗表達不滿，借用咗無綫劇集《創世紀》一段情節，諷刺社會冇公義。點知 CCTVB做嘢效率奇高，片段流傳一日咁多，就極速被河蟹殺掉！
無綫要求 YouTube刪片

「佢哋只係拎少少錢出來，拎少少時間，炒起個樓市就不停喺度賺大錢，咁叫公平咩？你出去問吓人，是但問一個人，問吓佢哋想要啲乜嘢。佢哋答案好簡單，只係想要一間好普通好普通嘅樓。點解佢哋要用成世人嘅時間去供一層樓呀？因為啲有錢佬喺度玩嘢呀！越有錢就越有得玩呀！呢個世界公平咩？呢個世界公平咩！」呢段對白係唔係好熟呢？係出自無綫 10年前嘅高收視劇集《創世紀》，由陳錦鴻飾演嘅許文彪講嘅。佢完全道出咗家陣香港無數小業主嘅心聲，所以正值呢段樓價狂升嘅時候，有網民即刻將條片上載喺 YouTube，借舊片諷時弊。前日朝流傳出嚟， facebook同各大討論區即刻俾人推爆，個個都讚許文彪講得好。CCTVB確係名不虛傳，呢條《許文彪，講得好！》嘅短片只係流傳咗一日咁大把， YouTube就應無綫申訴，極速刪除咗。網民好嬲， CCTVB竟然連一啲洩憤嘅空間都唔留畀佢哋，紛紛上網聲討。有網友猜測，一定有人報寸，同 CCTVB投訴。八方思疑， CCTVB設有一支維和部隊，以網特身份出巡各大主要網站，專門消除任何不利社會穩定嘅因素，否則點會高效能成咁。無綫外事部曾醒明話，要求 YouTube刪除片段，純粹出於版權維護，班網民諗多咗啫，不過河蟹網特出手之快，曾生都好愕然咁話。
有人隨即上載內地網站

話就話維護版權，之但係 CCTVB嘅節目，《美女廚房》、《蘇 Good》等等九千幾段短片，喺 YouTube日播夜播又唔見 CCTVB要求刪除喎？好在香港背靠祖國，有 13億網民嘅強大支援，當呢段片喺 YouTube慘遭河蟹嘅同時，已經有人上載到內地短片分享網站《優酷》。睇怕 CCTVB要上報中央，出手全國禁播先得囉。mailto:[email protected]

作者: Lik 時間: 2009-10-23 22:49

一條道盡打工仔心聲嘅好片、一段一矢中的嘅冷嘲熱諷。講得咁中，小弟又點可以唔推吓佢呢？

香港特衰政府嘅施政、CCTVB 嘅壟斷同無恥...今日嘅香港真係一塊福地...

-力

作者: CWong 時間: 2009-10-24 01:10

除非返去老毛時代啫，家陣边个地方唔係有錢佬話晒事？
鬼叫你窮呀，顶硬上啦！

作者: rainbow-davie 時間: 2009-10-24 12:34

soli peter, what do you guys think?

作者: ricrick 時間: 2009-10-24 14:07

唯有鬥地主

作者: RayRay 時間: 2009-10-25 17:04

歡迎光臨溫哥華老友記討論區 (http://loyaukee.com/forum/)