溫哥華老友記討論區 - Powered by Discuz! Board

標題: 竊竊C語之C姐講鬼故 [打印本頁]

作者: 大C姐 時間: 2009-10-29 23:14 標題: 竊竊C語之C姐講鬼故

嚟到天寒地凍嘅萬性節﹐除左攬住隔嚟果件"衣泣"﹐就緊係講鬼故啦。

其實嚴格D講﹐我係想講兩單近日發生嘅靈異事件... (燈光校暗﹐落echo) 首先﹐我想講做左其個月嘅<超級巨星>同<亞洲星光大道>。呢班10幾20歲o靚妹o靚仔air time多過爭緊視后嘅袁詠儀同郭可盈。明明以為做到最終段﹐但係二奶台諗到無嘢好諗﹐揾均大江南北請D茄哩啡上去又PK﹐又模仿大賽。對面大婆台見人哋未有準備殺科﹐又好似要鬥做得耐加個借屍回魂復活戰﹐擺到明長拖長有。呢一招疑似翻炒當年今日睇真D解剖外星人。以呢個勢嚟睇﹐呢兩個節目起碼做到下年年中﹐超級巨星大戰miss chan chan。

第二件事真係有少少靈異。話說岩岩香港返嚟渣車經過Davie Street﹐竟然俾我發現一間KFC。我諗我有幾年無喺Vancouver見過有KFC﹐香港過D都執得就執﹐邊晒做元祿﹐元氣﹐元人... 我唔知過個location係咪新啦﹐我好少行果邊所以無留意。但係我想講﹐打從80年代尾90年代初我已經好少食KFC。大家仲記唔記得當年香港流傳過一個傳說﹐話KFC嘅"炸雞"係老鼠做。當時真係好多人信以為真﹐KFC生意即時跌到BA BA聲。但係其實以前鍾意去KFC係鍾意食個薯蓉﹐你喺香港唔係去到大酒店大西餐廳當年其實係好難揾到mash potato。但係反而嚟到Vancouver係好多地方都無﹐得potato salad。

講開urban legend﹐其實仲有好多。有機會講埋銅鑼灣狐仙現身﹐大埔猛鬼橋﹐午餐肉有手指等等...

Happy Halloween,
鬼魅兆魂大C姐

作者: ricrick 時間: 2009-10-29 23:25

(嗲聲)我好驚驚啊~，C姐快D安撫下我啦呀喲~

作者: skaterwaye 時間: 2009-10-30 00:17

Davie St KFC has been there for long time lor~~~

作者: fibbi 時間: 2009-10-30 00:22

本帖最後由 fibbi 於 2009-10-30 01:30 編輯

1# 大C姐

I also like mash potato from KFC. But the KFC here is too "up dup"...I rarely go now.

其實我都好小睇鬼故，我呢啲弱小心靈唔受得咁大刺激。

銅鑼灣狐仙都好似聽過，係唔係美心皇宮酒樓？

作者: Surreal 時間: 2009-10-30 00:34

KFC都係蘑菇飯最好食

呢度既salad....未try過
不過
見到都唔係太想食

作者: ricrick 時間: 2009-10-30 00:51

when there is churchs chicken, i never go kfc

作者: siumaibb 時間: 2009-10-30 01:16

鑼灣溫莎公爵大廈狐仙顯靈, 81年成一時佳話既異聞一九八一至八二年,

溫莎公爵大廈大廈低層是多間商店,在三樓有一間大集團經營既酒樓,

平日已座無虛席,夜間更是擺喜宴壽酒的好地方,客人都欣賞它夠高貴,

有體面. 擺滿月酒惹禍狐仙事件始末是這樣的一個晚上.

有兩夫婦包下該酒樓全場來擺兒子既滿月酒,所有親朋戚友都相當高興,

兩夫婦尤其開心,能抱著一個月大的兒子和親友慶祝,對傳統的中國人來說,是大吉大利既事.

高興過後,夫婦帶著眾多禮金同兒子回家,心想這一下可以訓一個又好又甜既覺了.

可惜先生入睡後,太太卻開始發惡夢. 紅眼睛尖牙狐仙報夢太太夢見自己訓在床上,

但身體不能郁動,忽然,她看到一隻很大,樣子相當可怕,眼睛發紅,滿口尖牙既狐狸在床邊走來走去,

一直自著自己,驚慌的她大叫:「你是誰?你要做什麼?」那大狐狸聽到聲音後停下來,

唾液流了大地.太太心想,莫非這狐狸想食了自己?! 那狐狸像知道她想什麼,用很尖的聲音說:

「你地係我既地方擺滿月酒,高高興興咁慶祝,也不敬我一杯,即唔尊敬我!我要食左你的小孩!」

之後這狐狸快速跑去用口咬住太太的小孩,一下子把小孩咬死,狐狸更是滿口鮮血!

太太在夢中狂叫:「不要食我兒子!不要食我兒子!」跟著就從夢中驚醒,也把先生嚇醒,

她把惡夢的內容告知先生,先生安慰她那隻是一個夢而已,不用擔心.

不過他們下意識地走到嬰兒床看看兒子, 一看之下把夫婦嚇壞,因為嬰兒面自發青,

而且已經停止呼吸.兩夫婦一見這情況,馬上把嬰兒送到醫院,送到醫院後證實嬰兒突發性死亡!

大理石現狐狸頭太太回想起那個惡夢,又隱約想起一些東西,

於是清晨一早便乘車回到昨日擺滿月酒既溫莎公爵大廈,

竟看到酒樓外一幅大理石牆上有一個像狐狸頭似的東西!

作者: siumaibb 時間: 2009-10-30 01:17

事源於１９８１年，於虎豹別墅，同時好像沒人提到「溫莎公爵大廈」

頂層有幾隻？他們只說「虎豹別墅」有七隻，是資料錯誤？

所以把「溫莎公爵大廈」有七隻的事件搬到「虎豹別墅」去說嗎？

我記得「溫莎公爵大廈」應該是有七隻，他們所指的某間酒樓，

應該就是指「溫莎皇宮」，起初我也沒有想過要去八掛，

後來因為嬰兒死亡事件發生，事件傳得越來越誇張，

所以某個同學便決定要去追查究竟，於是便發起探索行動。

當日我們相約放學後一起到「溫莎公爵大廈」去看過究竟，

當時心情既興奮又緊張，到達目的地後，只看見一大群人在仰望並手指指的，

由於當時年紀尚輕，高度不及成年人高，而且人山人海，根本沒法仔細看清楚，

於是我們決定一起跑上酒樓門口的露台，來一個近距離接觸，

當時我還在問我的同學，為什麼他們不上來看？

這裡又近人又少不用擠來擠去，我同學說：「不知道，可能他們怕死，

又或者可能不想上來，怕影響酒樓做生意吧。」

當我們上到酒樓門口外面的露台一看之後，大家都議論紛紛，

不約而同地說：「好似呀！」牆(雲石)中清晰可見每隻頭像所呈現的型態及表情，

只是當時根本分不清它們是狐狸還是狼，只有頭沒有身，而且是黑白的，

看上去不似畫的，像雲石本身的花紋，每隻表情都不一樣，

七隻之中我認為最恐怖的是中間那隻，如果我沒記錯的話，

有眼珠、口是半張開的(好像還有牙齒)，如果幻想一下，

它的模樣有些像火焰型態的撤旦(沒有角)，口像小丑嘴般尖尖的那種感覺，

由於當時是近距離觀看，每個狐狸頭都很大(可能小時候看每件東西感覺都會很大)，

估計頭像大小和我當時高度差不多，總之不是小面積，

看後心裡也有點不寒而慄的感覺。很多人都只提及狐狸，

但並沒有提及一樣東西，除了七隻狐狸以外，其實還有一隻類似小兔的東西，

它的出現位置剛好就是(中間)我認為最恐怖的那隻下面，雙眼是緊閉的，

如果要用幻想來形容，它的表情是痛苦的，因為我之前沒有來過，

只是嬰兒死亡事件後才來查究，所以我當時見到的情景是七狐一兔，

事後亦有人說，之前其實只得七狐，其型態亦和我當時見到的不同，

並沒有小兔的東西存在，那隻小兔的東西是在嬰兒死後才出現的，

所以當時有傳言這隻小兔就是那個嬰兒，由於所謂的吸收了日月精華，

以至狐狸的型態/表情也續漸明顯起來。

作者: siumaibb 時間: 2009-10-30 01:23

而上年８月，有聽眾緻電恐怖熱線爆料，
自稱是皇室堡的卡拉ok員工，因貪玩曾上到頂樓，
並困著同事於天台，而該名同事出來黎，神色驚惶，立刻辭職。
而他說頂樓是棄置的遊樂場。事後他問保安主任，
保安主任道頂樓並不是予人玩，是給死去的小孩玩（狐仙事件死去的）

作者: siumaibb 時間: 2009-10-30 01:26

為何崇光百貨(SOGO)不設8樓

　　除了電梯是不會停在八樓之外，如果你搭電梯時，於七樓至九樓之間，會經過一層所謂的"八樓"，那層
”八樓”只有百多二百呎的面積容納另一條電梯往九樓，這層的其他地方是完全密封，用兩塊大鏡分隔開。每
次經過"八樓", 大家只會見到鏡中的自己...

　　但是為何好端端會沒有了八樓呢？

　　Sogo員工一直都有談論，而且大家都知道這層"八樓"好邪。

　　話說起初SOGO只是用得著七層，所以八樓至九樓都是空置的，但是後來因為需求擴大，SOGO決定採用
八樓用做售賣寢室用品，但當所有貨物搬置完畢後，第二日所有貨品竟然都會移位，好像打完仗般.....零．亂
．不．堪........

　　還有，有時侯保安員於晚上搭乘電梯時，無論按多少層，電梯都只是會停於八樓，還會打開電梯門，一
直維持了一個星期都是一樣，大家都心知不妙，所以SOGO高層員工一致決定請風水大師來看個究竟...

　　大師說原來八樓根本全層都被冤魂侵佔了，由於數目太多，無法趕走，亦恐怕觸怒了它們，再而引起好多
可怕的後果，所以大師建議把全層八樓封住，建議加兩塊大鏡"鎮封"著它們，另它們不會接觸到其他層數，SO
GO高層員工最後唯有決定跟著照做。

　　所以八樓便一直都沒有用到了... 大家逛訪時，不妨去一下傳說中的銅鑼灣"SOGO”八樓"，看看個這個異．
度．空．間~~~

作者: myversa 時間: 2009-10-30 07:33

scary...

more stories please.

作者: Littleprince 時間: 2009-10-30 08:35

好窩﹐好多未聽過。。。大家繼續講啊。。。

作者: zuesel 時間: 2009-10-30 08:52

5# Surreal

I love HK KFC "po tart"!!! Better than bakeries!

作者: zuesel 時間: 2009-10-30 09:09

Thanks for the stories! love them!

作者: CWong 時間: 2009-10-30 12:15

好窩﹐好多未聽過。。。大家繼續講啊。。。
Littleprince 發表於 30/10/2009 08:35

舊闻喎，好多未聽過？？

妳都同我一齐咁多年咯，妳估妳家陣仲细咩！

作者: Littleprince 時間: 2009-10-30 12:19

妳估妳家陣仲细咩！
CWong 發表於 2009-10-30 13:15

無這樣的暗示﹐你想多了。。。我只係想話我見識少遮﹐拍謝拍謝~~~

作者: starbug 時間: 2009-10-30 12:22

7# siumaibb
唔知有冇人記得當日嘅異象? 我响尖東個office 突然見到個天黑到夜晚咁, 睇吓表原來先係下午四点, 個天越睇越唔對路, 尤其係對面海銅鑼灣嗰忽, 十足拍災難片咁.

作者: B仔 時間: 2009-10-30 12:33

7# siumaibb
唔知有冇人記得當日嘅異象? 我响尖東個office 突然見到個天黑到夜晚咁, 睇吓表原來先係下午四点, 個天越睇越唔對路, 尤其係對面海銅鑼灣嗰忽, 十足拍災難片咁. ...
starbug 發表於 2009-10-30 13:22

原來你咁。。。。成熟年幾架喇？！

估唔到呀～～～ 1981你已經返緊工～

作者: starbug 時間: 2009-10-30 12:53

係呀, 老餅嚟架.

作者: B仔 時間: 2009-10-30 13:06

係呀, 老餅嚟架.
starbug 發表於 2009-10-30 13:53

但係我地冇代溝～
哈哈哈

嗰日真係咁恐怖呀。。。？！你見到咁嘅天，有冇諗過真係有邪野發生？

作者: starbug 時間: 2009-10-30 15:07

純粹動物本能覺得唔多妥, 跟往第二日就聽到出事咯.

作者: 大C姐 時間: 2009-10-30 16:47

本來唔係真係想講鬼﹐但係見大家咁想聽﹐我又不防講多個啦。

話說灣仔某卡啦OK(落Basement果間﹐唔開名)﹐好猛。不時透過門上面塊玻璃見到一D"吉房"裡面有人唱歌跳舞。話說有一次有班男仔去飲酒﹐去廁所途中"裝"到其中一間房裡面有一個女仔好似high左嘢自己一個人跳舞。個男仔之後同其他朋友諗住入去搭訕﹐但係一開門個女仔唔見左。

不過講開KFC﹐除左老鼠雞自外﹐仲成日傳D"雞"係變種雞﹐無頭無腳。但係我想講﹐如果KFC科研咁勁﹐就唔洗做快餐啦。

-- 繼續鬼魅大C姐

作者: Littleprince 時間: 2009-10-30 19:04

事源於１９８１年，於虎豹別墅，同時好像沒人提到「溫莎公爵大廈」

頂層有幾隻？他們只說「虎豹別墅」有七隻，是資料錯誤？

所以把「溫莎公爵大廈」有七隻的事件搬到「虎豹別墅」去說嗎？

我記得「溫莎公爵大廈」 ...
siumaibb 發表於 2009-10-30 02:17

唔知當時有無拍下照片呢﹖ 我很想看看啊。。。

作者: sheep 時間: 2009-10-30 22:33

純粹動物本能覺得唔多妥, 跟往第二日就聽到出事咯.
starbug 發表於 2009-10-30 16:07

我都記得
不過我想係咁啱啫
就將兩件事拉埋泥講

作者: CWong 時間: 2009-10-30 23:38

当笑话咁嚟聽，根本都唔当一会事！当時电視台都有到現場拍過，得出结論係啲人太有想像力！

作者: Surreal 時間: 2009-10-30 23:48

冇頭冇腳何來雞腿啊大C兄

作者: siumaibb 時間: 2009-10-30 23:48

我果時仲細，不過都記得係搞到好大件事。
我試過search當時幅雲石牆既相，但係search唔到。

作者: 大C姐 時間: 2009-11-1 02:17

当笑话咁嚟聽，根本都唔当一会事！当時电視台都有到現場拍過，得出结論係啲人太有想像力！
CWong 發表於 2009-10-31 00:38

我覺得好似獅子山同望夫石﹐你覺得似咪係囉...

不過又講開電視台﹐當年關於五台山嘅鬼故都唔少。關於當地風水問題亦廣泛流傳。不過好多人唔知﹐時至今日﹐TXB搬到去將軍澳都不時有鬧鬼傳聞。有某位有陰陽眼嘅藝員透露過(非常可靠)﹐16廠出面個男休息室有好多靈體聚集。如果有朋友係果間電視台嘅工作人員不仿問一問證實。

-- 靈婆C

作者: CWong 時間: 2009-11-1 02:54

嗰亭嘢鈡意睇戲嘛！

作者: 大C姐 時間: 2009-11-2 18:48

爭D唔記得講地鐵靈異事件。

第一件係某一個站月台上面發生。當年轟動一時﹐因為車長同月台上面其他乘客都目擊一位少女向住埋緊站嘅地鐵跳軌。車長即刻煞制﹐亦有人即刻叫救護車同消防員救人。點知所有人去到月台唔見有傷者﹐起初以為少女捲入車底﹐但係擾釀個幾小時都揾唔到血跡或屍體......

-- 嚇餐矇大C姐

歡迎光臨溫哥華老友記討論區 (http://loyaukee.com/forum/)