琴日睇o左DVD,近年來我覺得最恐怖o既剎人戲
以下有少少comment:
1.一開場個大口青,未死個樣已經好恐怖...
2.何超儀做得好好,以前佢未試過做呢d 角色,今次好大膽演出
3.何超儀o係戲入面o既工作係負責cold call 搵人借錢,對白好生活化,經常比人問候屋企人
4.編劇故意安排陳奕迅係一個有婦之夫,本來以為葉旋係佢老婆,所以何超儀要動殺機.其實諗諗o下,應該係搭電梯o既時候發現o左佢老公成日唔o係屋企去o左包二奶,覺得佢屋企容易落手...另一個諗法係,何超儀唔鐘意d 有老公o既女人,因為陳奕迅同佢只係秘密情人o既關係,永遠唔見得光
5.另一個諗法係以為何超儀殺o左葉旋一家,令間屋變o左凶宅,可以買平d.但係留意佢睇屋果陣,間屋係無傢俱o既吉屋,所以葉旋個單位,唔係佢想買o既單位
6.殺o左11 個人o既過程,要幾嘔心有幾嘔心,真係兒童不直
7.個結尾好寫實,終於買o左間屋,但係間房放到張床放唔到依櫃..
8.除o左佢親手殺o左11個陌生人,仲唔救佢老豆,令到佢死o係自己面前,果一場,其實先係最殘忍 |