Board logo

標題: 關注組成員被掟落地 「警察當睇唔到」 菜園村施工變戰場 [打印本頁]
作者: Lik    時間: 2011-1-20 17:45     標題: 關注組成員被掟落地 「警察當睇唔到」 菜園村施工變戰場

本帖最後由 Lik 於 2011-1-20 17:48 編輯

http://www1.hk.apple.nextmedia.c ... amp;art_id=14892014

關注組成員被掟落地 「警察當睇唔到」
菜園村施工變戰場


港鐵承建商工人昨到菜園村暴力施工，影片顯示，朱凱迪（紅圈示）被保安員擲向地面。

昔日恬靜隱世的菜園村，淪為暴力收地的血肉戰場。
港鐵承建商工人昨日入村施工「血拆」菜園村，
關注組成員朱凱迪遭三度襲擊，保安員把他飛擲撞向硬地，
遍體鱗傷。當時數十名在場警員對襲擊視若無睹，
港鐵反指有保安員受傷，警告村民勿再干擾工程。

港鐵昨日再到駐村辦公室外施工。朱凱迪憶述，
現場約 30名工人、 70名保安員。
一名壯漢指揮保安員在工地排成方陣，方便工人入內動工，
在一排鐵枝上加建圍板，其後約 50名警員到場增援，
並警告在場 20多名村民及巡守隊員，「『亂嚟』就係刑事毀壞」！

過程被巡守隊拍下村民奮力突破方陣阻止施工，朱凱迪從後趕上，被上述壯漢拖離人群，
朱站穩後再趨前。巡守隊拍攝的片段顯示，壯漢又把朱撞向圍板，
朱被夾在中間時大叫：
「你撞我！盲咗呀？」壯漢答：「冇，我跣親啫。」
朱又質問冷眼旁觀的警員，「你哋係咪差人嚟 o架？」

該名壯漢協助其他保安員抬起巡守隊員時遭朱阻止，
壯漢又抓起他，轉圈飛擲到地上，過程再被巡守隊拍下。
朱凱迪憶述：「佢 fing起我，感覺好似飛起咗，再撻落地，
痛到坐唔起身。幾十個警察目擊，襲擊我嘅保安主管一直企喺度，
由得佢施施然由其他保安護送離開。」
一名被村民痛罵的警員敷衍稱「重案組會查」。

最後，朱的手部縫了三針，腰部附近軟組織及頸肌肉受創，
「條頸郁唔到，行路趷吓趷吓」。
但他拒絕報警，藉此抗議警方罔顧市民安危。
菜園村連日遭暴力滋擾，村民目擊朱遇襲後都惶恐不安，
「收地暴力一次比一次升級，受襲嘅人傷勢一次比一次嚴重，
警察竟然當睇唔到。村民知道冇乜嘢可以做，所以好驚」。
港鐵發言人反指衝擊期間有保安員受傷，呼籲「有關人士」遵守法紀，
「切勿再強行闖入工地範圍衝擊在場工作人員」。

警方回覆警力適當

警察昨望着保安打人坐視不理，警察公共關係科昨日以不足 100字回覆本報查詢。
警方不肯回答派了多少警員到菜園村，發言人稱：
「警方調派了『適當』警力在現場維持公眾秩序。」
對於會否主動調查襲擊事件及曾否向現場人士問話，發言人答：
「警方一向尊重市民和平集會和遊行及發表意見的權利。
如有涉及刑事成份的行為，警方會進行調查。警方今日並無拘捕任何人。」
作者: Lik    時間: 2011-1-20 17:59

starting from 2:30

[youtube]rV0bwsyMsQc[/youtube]
作者: Tinon    時間: 2011-1-20 18:26

提示: 作者被禁止或刪除 內容自動屏蔽
作者: mcjohnjohn    時間: 2011-1-20 18:30

施工都要搞成咁, 班友點做野架?
地盤工程範圍內, 點可以容許一d 冇安全設備既人入內? d 工人應該報警話有閒雜人進入地盤範圍, 之後就交比警察去清場. 清場呢d 專業野就交比警察去做會更妥當.
作者: Prelude    時間: 2011-1-20 21:51

Agree, they should ask the police to remove those people first.
Or even charge them for enter unauthorized area.
作者: Lik    時間: 2011-1-20 22:04

Entering "unauthorized area"? 你無病呀化？家陣係邊個進入邊個嘅地方，最少一定有得坳。就算真係上到法庭，特衰政府既然未曾履行對村民許下嘅承諾，咁響合約精神之吓，村民自然亦未需要遵行佢地般走嘅承諾。

要拉，應該係拉非法入村拆野嘅工人同嚴重失積嘅朝廷鷹犬。

-力
作者: mcjohnjohn    時間: 2011-1-20 22:20

Entering "unauthorized area"? 你無病呀化？家陣係邊個進入邊個嘅地方，最少一定有得坳。就算真係上到法庭，特衰政府既然未曾履行對村民許下嘅承諾，咁響合約精神之吓，村民自然亦未需要遵行佢地般走嘅承諾。

要拉，應該係拉非法入村拆野嘅工人同嚴重失積嘅朝廷鷹犬。
Lik 發表於 2011-1-21 14:04

事情發展到呢一步, 港鐵去工地做工程, 我諗佢地唔會明目張膽咁去做一d 非法既野, 好有理由相信佢地係合法o係呢個地方施工. 告上法庭只會造成雙輸, 我唔信菜園村既村民可以贏得到, 咁樣只會令工程延誤, 會減少香港市民對佢地既同情. 而家擺明打同情牌既時勢, 我唔覺得佢地會咁傻行呢一步.

究竟點先可以雙贏呢? 可惜小弟才疏學淺, 真係諗唔通.
作者: Lik    時間: 2011-1-20 22:53

港鐵就唔會做嗱渣野？你無病呀化？定係患咗嚴重失憶症呀？

http://www.loyaukee.com/forum/viewthread.php?tid=18188

今時今日嘅香港，你估仲有公義同司法嘅咩？

-力
作者: mcjohnjohn    時間: 2011-1-20 23:21

港鐵就唔會做嗱渣野？你無病呀化？定係患咗嚴重失憶症呀？



今時今日嘅香港，你估仲有公義同司法嘅咩？

...
Lik 發表於 2011-1-21 14:53

唉... 唔係話唔做嗱渣野, 只係覺得佢地唔會明目張膽咁去做一d 非法既野.
至於係唔係有病, 我懷疑比你頂得多所以有幾聲咳咁law...

我絕對覺得香港有司法既! 不過司法係唔係次次都維持到公義, 就真係見仁見知. 小弟細細個已經知道有錢人可以玩法律玩得好出神入法. 窮人只可盡量明節保身...
作者: Guy    時間: 2011-1-21 04:44

They keep on yelling 不要傷害村民

but they dont saying 村民不要傷害自己
作者: soli    時間: 2011-1-21 07:38

條片在 2:33 度俾人cut 過﹐中間應該發生左D事﹐也許是朱凱迪先動手打人﹐工頭只是自衛﹐所以在場警察沒去理會﹐而朱凱迪亦唔敢拿條片去報警。
作者: Lik    時間: 2011-1-21 10:31

http://hk.news.yahoo.com/article/110121/18/mcfr.html

政府指菜園村事件有人發放刪剪影片誤導公眾
(商台)2011年1月21日 星期五 22:56

菜園村關注組成員朱凱迪，聲稱在昨日港鐵收地時，被外判商工人摔倒地上受傷，要送院治理。運輸及房屋局    回應指，從港鐵和承建商提供的未刪剪片段所見，是有人首先推開保安人員，保安人員作出自衛。當局懷疑有人發放經刪剪關鍵情節的影片，誤導公眾，對此表示遺憾。
作者: Lik    時間: 2011-1-21 10:34

港鐵係有片嘅話就攞出來對一對質囉。睇吓件工頭係自衛定係防衛過當，有無需要撻沙魚咁去掟朱凱迪。

-力
作者: peter236    時間: 2011-1-21 12:49

The construction people did the right thing.
作者: Lik    時間: 2011-1-22 22:10

不停講狗話嘅 PK，睇片啦～ (可以由 5:10 開始睇。)

[youtube]9lbslLcmjpY[/youtube]

好明顯朱凱迪係一直都捉住件武警保安隻手，再慢慢拉開佢（等佢搞唔到對年果個護村人士？）。但件實蕉見自己隻手被拉開，又正正被朱凱迪抱到實，所以佢就來手一招標準柔道噠，掟朱凱迪落地，而引至佢受傷。

而唔可以忘記嘅就係，果處家陣俾港鐵咁搞咗一輪，話晒都係半個地盤。響工地聯咁重手掟人落地，地下有舊石、有口釘點算？呢件食蕉人來㗎？

-力
作者: mcjohnjohn    時間: 2011-1-23 17:55

不停講狗話嘅 PK，睇片啦～ (可以由 5:10 開始睇。)



好明顯朱凱迪係一直都捉住件武警保安隻手，再慢慢拉 ...
Lik 發表於 2011-1-23 14:10

兩睇啦... 朱凱迪捉住果個工程人員, 跟住就將重心傾向前. 而工程人員一轉腳位, 大家既重心就不穩, 朱凱迪向前衝, 而工程人員向後閃, 於是趁機一個閃身, 將朱凱迪一本了...

呢個角度好睇得多, 同埋攝影機對手定好多. 港鐵都幾叻仔, 人地影, 自己一定要影, 比人擺上台都有d 本錢還擊.
作者: Lik    時間: 2011-1-23 20:54

兩睇啦... 朱凱迪捉住果個工程人員, 跟住就將重心傾向前. 而工程人員一轉腳位, 大家既重心就不穩, 朱凱迪向前衝, 而工程人員向後閃, 於是趁機一個閃身, 將朱凱迪一本了...
mcjohnjohn 發表於 2011-1-23 17:55

有片為證你都可以將個故仔如此扭曲，我都不得不讚吓MJJ你終於可以擺脫牆頭草嘅身份，而全身投入無恥賤人嘅行列。

-力
作者: mcjohnjohn    時間: 2011-1-23 21:44

有片為證你都可以將個故仔如此扭曲，我都不得不讚吓MJJ你終於可以擺脫牆頭草嘅身份，而全身投入無恥賤人嘅 ...
Lik 發表於 2011-1-24 12:54

呢d 叫做旁觀者清, 當局者迷.
你自己試下睇清楚d 先講啦! 我就起碼睇左5次先至出到我既結論. 當然我唔係專家, 最好有d 成日格鬥既專家分析一下~

-- 不偏不椅 MJJ
作者: sheep    時間: 2011-1-23 22:41

回復 18# mcjohnjohn


    你嘅講法
出自大狀會較有說服力
普通人就有狡辯之嫌
作者: mcjohnjohn    時間: 2011-1-23 23:02

回復  mcjohnjohn


    你嘅講法
出自大狀會較有說服力
普通人就有狡辯之嫌 ...
sheep 發表於 2011-1-24 14:41

羊羊兄,

我都只不過係表達自己既意見, 只係唔滿意力兄話我將個故仔如此扭曲jel. 其實唔arm 自己聽既野就當人地扭曲自己, 生活o係呢個世界會唔會開心d? 做人有原則係一件好事, 太有原則最多都係死板少少, 但有原則到連人家既意見都唔接納既話, 我覺得咁樣好難進步.

-- 諗唔到為左乜野去狡辯既 MJJ
作者: soli    時間: 2011-1-23 23:22

保安員自衛很合理
作者: mcjohnjohn    時間: 2011-1-23 23:51

保安員自衛很合理
soli 發表於 2011-1-24 15:22

人地自衛你都知?
作者: sheep    時間: 2011-1-24 07:27

保安員自衛很合理
soli 發表於 2011-1-23 23:22
人地自衛你都知?
mcjohnjohn 發表於 2011-1-23 23:51


係自謂
作者: Lik    時間: 2011-1-24 23:35

呢d 叫做旁觀者清, 當局者迷.
你自己試下睇清楚d 先講啦! 我就起碼睇左5次先至出到我既結論. 當然我唔係專家, 最好有d 成日格鬥既專家分析一下~

-- 不偏不椅 MJJ
mcjohnjohn 發表於 2011-1-23 21:44

柔道專家嘅意見。唔該你MJJ收口。而其他賤人就唔該你地去PK死。

-力

註：李嬪係香港柔道學會嘅女將，而黃柱光教練就係前港隊代表及香港冠軍。
[youtube]8ykrTRIWxqY[/youtube]
作者: mcjohnjohn    時間: 2011-1-25 18:03

柔道專家嘅意見。唔該你MJJ收口。而其他賤人就唔該你地去PK死。

-力

註：李嬪係香港柔道學會嘅女將，而 ...
Lik 發表於 2011-1-25 15:35

好地地仲乜人收口wor...
由頭到尾我都只係用自己既分析, 而家有專家分析當然好好多啦~
唔知呢d 專家既分析可唔可以用作呈堂證供? 係就快d 去告果個港鐵工程人員蓄意傷害他人身體, 到時睇下個官會點判law. 文明人唔駛出手既, 用法律去解決咪算law.

-- 不偏不椅又敢言既 MJJ



歡迎光臨 溫哥華老友記討論區 (http://loyaukee.com/forum/) Powered by Discuz! 7.2