Kelly傷痛流產女人最痛

三十八歲的陳慧琳因腹中孖女出現早產跡象，在主診醫生何永超建議下，入住瑪麗醫院頭等病房，由駐瑪麗的港大醫學院婦產科教授何柏松醫生接手，希望保住孖胎。可惜，瞓床五日的 Kelly，情況卻急轉直下，醫生更作了最壞打算，兩個只能活一個，但情況遠比預期嚴重，胎兒先後停止心跳，胎死腹中。

孖女在腹中夭折，傷心的 Kelly還要經歴生仔劇痛，醫生建議她盡快生下死胎，否則會危害母體健康。
「醫生話唔可以開刀攞死胎，一定要 Kelly打催生針進行自然分娩，當時嘅情況，就等同做咗一次生育過程，遺憾係見唔到 BB健康出世，過程比生仔劇痛更加難受。」