http://www.hkreporter.com/talks/thread-1412170-1-1.html
OL逼住劏房 大學畢業又如何！
本港25至34歲青年入息中位數為11,000元。要揹家庭開支又要還資助貸款，經濟緊絀。想獨立生活，住屋又貴得驚人。那管粗眉大眼公仔佬，還是嬌小斯文OL，要住就要屈膝劏房。
公屋輪唔到 買樓唔使諗
小儀居住土瓜灣一個「一劏三」百餘呎的套房3年，「父母住緊嗰度連兄弟姐妹有成八個人，大個咗冇可能唔搬出來住」。小儀每月開支最少四千餘元，還要兼顧家用，每月僅得一千元積蓄。
選擇劏房，小儀說是情非得已，「一個舊樓單位嘅月租最少六千幾蚊，我住唔起。申請公屋又唔輪到我，買樓更加唔使諗」。
買一個百餘萬的舊樓單位，首期先付三十多萬元，以她月儲千餘元計算，足足要儲二十年，「儲到錢嚟啲樓價都升晒，始終都係買唔起，曾特首問我哋點解唔申請公屋？我除咗粗口之外，諗唔到點樣回應」。
小儀月入萬餘元，申請不到公屋又負擔不起貴租，無奈屈居劏房。
現時劏房集中土瓜灣、深水埗及油尖旺等舊樓。
每月儲$150 置業夢難圓
24歲的阿橙，以前住花園街一個80呎劏房，就近奪命大火地點。「如果我仲住嗰度，應該死咗」。「花園街一梯9伙，一個單位劏成3間劏房，公閘之後仲有鐵閘同木門，你唔會知出面發生咩事」。
搬到土瓜灣，一樓是網吧，二樓是一樓鳳，她住四樓，一個單位劏成六間房。阿橙與人合租其中一間，每月5,700元租金，「我都驚網吧同一樓一唔知幾時會有人爆格同打劫」。但一般單位租金，她負擔不起。「根據公屋計分制，要二、三十年先有機會上樓」。
她大學畢業，入息約一萬元，扣除日常開支與歸還學費貸款，每月只餘150元，根本無法儲錢置業。
土瓜灣的劏房單位月租平均由3000至4000元不等。
, that's the standard though...
sigh ...