溫哥華老友記討論區 - Powered by Discuz! Board

標題: 鬼魅魍魎異靈泣異之講鬼故 [打印本頁]

作者: 大C姐 時間: 2012-10-24 15:57 標題: 鬼魅魍魎異靈泣異之講鬼故

趁住就嚟Halloween應吓節分享吓啲身邊發生過，自己經歷過，或者由細到大聽過嘅靈異故事啦。

（我有幾個唔錯嘅故仔，等我組織吓先出擊。）

－大C姐

作者: Catpiano 時間: 2012-10-24 16:07

鬼魅魍魎

Ok .. I know the first two words .. 鬼魅 ... then ..

作者: rainbow-davie 時間: 2012-10-25 03:00

人比鬼更可怕.
無恥既人比厲鬼恐怖十倍.

作者: 大C姐 時間: 2012-10-25 10:10

人比鬼更可怕.
無恥既人比厲鬼恐怖十倍.
rainbow-davie 發表於 2012-10-25 03:00

好philosophical喎。

諗住講吓鬼故應節啫。

Vancouver都好多鬼故啦，Stanley Park當年關於一班華人嘅靈異故事都好聽啦，仲有Gastown出名見鬼餐廳，同埋某某凶宅......

講個香港我親戚嘅經驗啦。話說講返轉頭６０年代咁上下，當時啲人都係住唐樓７２家房客嗰種。咁當年我呢個親戚就做夜班，所以差唔多天光先返屋企。其實當時呢棟樓都有鬧鬼傳聞，有人覺得俾人跟上樓，又或者明明個單位冇人住但係又見到有人影坐喺度。甚至因為嗰時唔關門訓可能掛條毛巾就算方便通風，有人見到有冇腳嘅人影喺走廊行過。

我呢個親戚為咗搵食都冇理呢啲嘢啦，有咩恐怖得過冇飯開？而且工作日夜顛倒又好少同其他鄰居溝通。某一日，我呢個親戚放工超級攰行返上樓之際，見到一個瘦瘦嘅大叔瑟縮於樓梯間。我個親戚都知咩事，就直接問，＂有咩可以幫到你呀？＂

個大叔竟然識答＂我冇親人幫我擔花買水，而家冇上路錢，走唔到呀..."

我個親戚可能攰到唔知驚又答佢＂好啦，你要啲咩我過幾日燒俾你啦。＂

之後個大叔講咗幾樣衣紙就喺我親戚面前落樓梯。我個親戚好肯定咁話，佢行咗兩級就消失咗。

之後我個親戚就同啲街坊講，當然有人出嚟講話＂係呀，早排有個阿伯走咗呀！＂Anyway，最後個個夾咗少少錢燒衣，之後就冇再見到呢個大叔出現啦。

作者: fibbi 時間: 2012-10-25 10:18

人比鬼更可怕.
無恥既人比厲鬼恐怖十倍.
rainbow-davie 發表於 2012-10-25 03:00

that's actually the underlying meaning of <聊齋誌異>

作者: fibbi 時間: 2012-10-25 10:33

有一次喺UBC做lab做到好夜，差唔多兩點。我park喺Rose Garden。揸車沿marine drive出嚟，條路係彎彎曲曲嘅，嗰晚好大霧，所以我開得好慢，大約20km/h，揸揸吓車見到濛濛隴隴間有個白影，白色冷帽，白色hoodie，白色運動褲，喺度跑步。都睇唔到個樣。大佬呀，夜晚兩點，超級大霧，我諗得嗰兩，三度咁凍。。。著成咁跑步。。。嗰一刻我真係覺得好恐怖。。。雖然直到呢一刻我都唔可以話我見到嘅係定唔係。。。

作者: Catpiano 時間: 2012-10-25 11:30

跑步 at 三度 is very common wor .. are you talking PLUS 3 or MINUS 3? lol

作者: rainbow-davie 時間: 2012-10-25 12:19

that's actually the underlying meaning of
fibbi 發表於 2012-10-25 10:18

True. 好似青蛇白蛇, 有情有義, 只不過愛錯條死仔, 又有個固執既大和尚, 所以先咁悲慘. 好多都係人負鬼或妖, 多過鬼魅魍魎害人.

作者: 大C姐 時間: 2012-10-25 14:48

有一次喺UBC做lab做到好夜，差唔多兩點。我park喺Rose Garden。揸車沿marine drive出嚟，條路係彎彎曲曲嘅 ...
fibbi 發表於 2012-10-25 10:33

我覺得係人噃。

呢個世界好多屎窟鬼鍾意夜晚晚著＂黑衣黑如黑寡婦＂神出鬼沒跑出街惟恐天下不亂。

作者: fibbi 時間: 2012-10-25 14:55

回復 7# Catpiano

trust me....-3 in Van feels way different than -3 in Calgary....

-10 in Calgery feels like +10 here...

作者: mcjohnjohn 時間: 2012-10-25 21:55

我只有在大學時學會講鬼故... 通常都是關於大學的舊事, 目的是嚇一嚇身邊的女生, 然後...

話說HKU 有一間HALL, 是不會收身高5呎4 以下的土木工程科學生的, 事源是出於19XX 年, 宿舍大裝修有關. 話說當年是一件大工程, 跟地基有關, 所以要進行泥土磡探, 找來了一些土木工程科的學生來學野. 點知探探下, 竟然在地底內發現了三副棺材. 其實有棺材一D 都唔奇, 奇就奇在三副棺材(大, 中, 細)是排得很整齊, 最奇就是有人打開來看, 發現裡面什麼都沒有!

大家都冇為意, 於是就不了了之, 繼續工程啦! 可是, 工程完工, 近一屆宿生入伙, 就接連有兩個土木工程科宿生枉死(當然不是死在HALL 內那麼恐佈)! 大家開始覺得會不是跟棺材有關, 於是"研究"一下, 發現兩位死者既身高是剛好FIT 進"大"和"中"的兩副棺材! 還剩下來的, 就是那小棺材... 真是寧可信其有, 不可信其無.

-- 講故佬 MJJ

作者: Purpleheart 時間: 2012-10-26 11:40

你地身邊有冇人同我一樣都係成日見到的? 我細個既時候見到會問, 問完之後就俾人鬧, 所以我一路見到都唔出聲, 慢慢就習慣

幾年前的一個夜晚,我同兩個朋友溫完 final, 大概凌晨一點半左右返屋企, 當時係我渣車
當我經過一個 school zone, 突然大概兩個車位既距離, 我好清楚見到有個男人在路口跑出黎, 望都冇望過黎, 於是我即刻踩 brake, 朋友問我咩事, 我話我差D炒埋去條友度, 手指更指向個男人! 但係兩個朋友都話冇見到有人過馬路, 亦見唔到個男人!!

作者: Catpiano 時間: 2012-10-26 12:14

不會收身高5呎4 以下...
mcjohnjohn 發表於 2012-10-25 21:55

Include girls too ??

作者: ricrick 時間: 2012-10-26 13:33

我真係吾信有鬼，我就未見過，但d人見到鬼，同時都迷信鬼神學說
同埋見親鬼，d做型都同電影果d一樣，有無新意？
點解又得人鬼？無動物鬼無昆蟲鬼既呢？

作者: ricrick 時間: 2012-10-26 13:34

回復 12# Purpleheart

你有無興趣我幫你駒鬼？

作者: 大C姐 時間: 2012-10-26 15:08

我真係吾信有鬼，我就未見過，但d人見到鬼，同時都迷信鬼神學說
同埋見親鬼，d做型都同電影果d一樣，有無新 ...
ricrick 發表於 2012-10-26 13:33

都有聽過有人渣車見到馬鬼跑過馬路。

亦聽過一個故事有個女仔去咗日本留學，但係香港隻狗病死咗屋企人又唔敢講俾個女仔聽，驚影響佢讀書。點知個女仔喺日本見到自己香港隻狗跟住自己先反問屋企人隻狗點，先知道隻狗已經走咗。

作者: ricrick 時間: 2012-10-26 17:12

我想話d人見到的都是自己認知既野

作者: 大C姐 時間: 2012-10-29 09:42

講起halloween，香港有某啲個別有宗教背景嘅藝人投訴海馬公園，話佢唔應該慶祝萬聖節同鼓勵＂冥婚＂。

我聽到都覺得無聊，首先，呢個世界有幾多人去完鬼屋會拜魔鬼？有幾多人去完海馬公園會真係走去冥婚？根本毫無根據，如果連咁無傷大雅嘅節日都要投訴，咁以後唔洗拍鬼片啦！

其他極端宗教分子去講呢啲言論我都冇咁bothered，但係以藝人角度，應該明佢哋搞halloween party其實好似做show一樣，娛樂大眾啫！

作者: fibbi 時間: 2012-10-29 09:58

其實我都唔係咁鍾意celebrate halloween。ok，細路去攞吓糖，扮到得得意意無問題。但係扮到好恐怖嗰啲，我自己都接受唔到。

And yes, my Christian coworker actually does NOT celebrate Halloween...instead, the church has some fun activities for kids.

作者: 大C姐 時間: 2012-10-29 10:30

你驚入鬼屋唔去係你自由，但係你唔反對人哋去扮鬼啫。你驚過山車唔通又唔俾人玩咩。

我覺得你信仰唔容許某啲嘢，唔可以投訴人哋叫人哋唔好再搞哈老喂。

作者: mcjohnjohn 時間: 2012-10-29 17:55

我覺得你信仰唔容許某啲嘢，唔可以投訴人哋叫人哋唔好再搞哈老喂。
大C姐發表於 2012-10-30 02:30

咁好明顯我一定唔係乜野狂熱份子, 人地搞哈老喂我一定唔會投訴, 就算人地搞人老婆我都唔會投訴, 又唔係搞我果個, 我邊有權出聲.

作者: Ovaltine 時間: 2012-10-29 21:41

回復 6# fibbi

I was biking around Stanley Park at 3 am in the morning with no light on a moonless night. As I ride through the darkest section in the park, where the cliffs are, there is also a guy walking with a hoodie with no lights. I don't think he heard me coming, but we both were in a state of shock. When I saw him, his face is pale white like a ghost. Its a white ghost.

作者: 大C姐 時間: 2012-10-30 08:59

回復 fibbi

I was biking around Stanley Park at 3 am in the morning with no light on a ...
Ovaltine 發表於 2012-10-29 21:41

stanley park成日都鬧鬼，我真係冇見過，同埋我覺得有啲地方俾人講得多就會煞有介事，有隻雀飛過都話有妖孽。

作者: 大C姐 時間: 2012-10-30 14:18

上年分享過兩個鬼故，冇睇過的話我再post過（連我都差啲唔記得寫過）。

話說小C妹一位姊妹﹐別名阿肥﹐平日性格倔強的她有一次跟家人見一位隱世女高人。
這位女高人精通紫微斗數﹐而且聽說她的法力很靈驗﹐給她算過命的都大讚神奇地
準。阿肥家人得知這個女高人會到訪香港﹐於是便順便跟著朋友約見她。阿肥從不
占卜問卦﹐但既然家人已久仰大名﹐亦以獵奇心態去拜訪她。

因為這個是私人聚會﹐所有人都輕鬆地逐一問有關自己的自生及未來運程問題。終
於輪到阿肥一家﹐寒喧幾句以後﹐阿肥的家人問阿肥有甚麼想問。阿肥一直以八掛
心態到訪﹐根本沒有準備甚麼問題。但自知自己幾年來運氣非常麻麻﹐所以便問高
人未來運勢會否轉好。高人望一望阿肥便直言﹐你有墮過胎嗎?

阿肥雖然覺得唐突﹐但見人少少﹐便大方承認。阿肥的家人亦知數年前阿肥與前夫
曾經有過小孩﹐但因之後感情出現問題便決定做終止懷孕手術。離婚後阿肥除了身
心受創之外﹐工作亦突然被辭去﹐運氣的確從此變差。高人聽了之後面容依然帶有
疑惑。她繼續說﹐我想你應該曾經做過三次墮胎手術吧﹐我看到三個棄嬰的嬰靈在
你身後抓住你﹐難怪你一直事事不順...

阿肥的確總共三次意外懷孕並且墮胎﹐其餘兩次她並沒有向人透露過﹐連家人都毫
不知情。

---------------------------------------------------------------------------------------

香港地產行業一向有一個常規﹐每逢接到所謂凶宅的樓盤都會賣給或租給西人。因
為大多數人覺得西人不怕鬼﹐不會對凶宅忌畏。

但事實上﹐小C妹亦從西人朋友口中聽過有關凶宅的故事。駭人聽聞的事發生於佐治
的一對朋友M先生及S小姐身上。M和S是拍拖多年而且同居的戀人﹐數年前搬到某區
因為租金相對其他地方便宜。

搬到新居不久﹐S小姐已經覺得有古怪。因為M先生早上工作以後﹐大部份時間S小姐
都獨留家中﹐但卻覺得小小700多尺單位裡好像還有其他人似的。有時候在睡房午睡
會聽到廚房或廁所傳來水聲及開關櫃門的聲音。M先生起初聽到S小姐的投訴還以為
她郁悶﹐找籍口去發牢騷。

直到有天傍晚﹐M先生放工回家。他首先到洗手間﹐然後聽到隱約睡房那處有女聲叫
他﹐他以為是S小姐所以便走進睡房卻發然房裡空無一人。但他最詫疑的是﹐枕頭上
竟然浮現一個女人樣子的印。他不想想太多亦不敢告訴S小姐。

另一邊廂﹐S小姐已很久沒有獨自留在家中。平日早上都會出外直到M先生放工才回
家。事關她發現除了聲音之外﹐有時候出入家廳或房間都看到人影。有時洗澡的時
候還會感覺到浴廉背後有人看著她。S小姐實在不知道自己是否有精神錯亂﹐反正待
在家中會胡思亂想﹐倒不如到外面走走找朋友還好。

M先生和S小姐亦因為這些怪事而爭吵多次﹐雖然想搬﹐但租約未滿而且M先生只是一
名藍領﹐要找差不多租金的單位確是困難。不竟這區已是全市治安最差﹐樓價最低
的地區了。M先生因為這事亦請局外人佐治到他家﹐看看其他人有否感受到音何異象。
據佐治所講﹐他到那個單位時所有燈都著了﹐但他卻看到有些奇怪的光點飛來飛去。
佐治見事態嚴重﹐便介紹一位靈媒給他們。這位靈媒看過他們的單位後只是告訴他
們靈體不止一個﹐而且它們好像來自不同時代的。有個是印第安人﹐又有個是著20年
代服飾的女士﹐等等。靈媒沒有甚麼好方法把它們趕走﹐而且勸M先生和S小姐早點
搬走﹐事關這些靈體不像善男信女。

M先生和S小姐由驚到漸漸開始習慣。正所謂一物治一物﹐只要一直耍賴皮﹐裝著聽
不到看不見﹐可能靈體們不會再打攪他們。又過了好幾個月﹐M先生已經沒有再把全
家電燈長期開著的習慣﹐照常地在幽暗的客廳看電視。他一個人坐在沙發﹐但卻覺
得有東西不定在他附近走來走去。他本來裝著若無其事繼續看電視﹐但眼前見到一
些黑影在電視前閃過。他動也不動﹐賴皮地眼光光看著被半個身影遮蓋的映光幕。
過了一陣子突然感到氣溫驟降﹐M先生在沙發上聽都耳邊有人跟他說﹕我知道你是看
到我的...

M先生和S小姐租約滿後便立刻搬走了﹐而且往後佐治亦沒有再聽到他們談過有關這
單位的任何事了。

作者: somewhereintime 時間: 2012-10-30 15:01

Interesting stories, not that scary

作者: 大C姐 時間: 2012-10-30 20:44

Interesting stories, not that scary
somewhereintime 發表於 2012-10-30 15:01

你講幾個嚇到我死去活來嘅鬼故囉。

作者: mcjohnjohn 時間: 2012-10-30 22:01

本帖最後由 mcjohnjohn 於 2012-10-31 14:02 編輯

<<一條辮子姑娘>>

香港中文大學成立之初, 發生了一件恐佈既交通意外. 當年中大就只有火車(即現在的東鐵)可達, D 火車既安全設計又冇而家果D 咁好, 常常都有人因為要過對面月台, 而要在路軌上走來走去, 好多時都有驚險情況發生.

有一個剛入學冇耐既姑娘仔, 佢都係搭火車返學既, 咁佢係一個馬尾妹(即是一條辮果隻), 就是呢條馬尾, 令佢既人生變得短暫而又永垂不朽. 短暫, 係因為咁就瓜左; 永垂不朽, 係因為冇一個中大學生未聽過佢既故事...

話說有一日, 呢位姑娘仔o係大學溫書溫到好夜, 咁夜猛猛o係月台等火車啦, 唔知係唔係因為氣流影響, 定係因為大風, 個女仔條辮吹起左, 食住左車廂D "LAR"位, 咁架火車就連辮帶面皮成塊扯走左. 唔駛問呀貴, 個女仔當然唔流血死都痛死啦.

靈異既事就開始發生... 自從呢單野發生左之後, 中大有唔少人曾經試過夜晚o係車站月台上會見到一個紮左一條辮女仔等車, 一直在等車, 從來都唔會上車! 更奇怪既係從來都冇人見過佢既樣, 因為每次D人都只係見到佢既背隻. 當然, 知道呢單意外, 冇人敢去搞呢個女仔, 因為大家都覺得有D 古怪. 不過, 呢個世界總有D人係好好奇而又膽生毛. 有一個後生仔, 想去睇下個女仔仲乜成日o係度唔上車, 更加想睇下佢係人定鬼, 個樣係乜野樣. 個後生仔同佢個朋友講左聲, 佢咁就行過去睇下啦, 但行到去個女仔冇反應, 於是個後生仔行去另一面睇下個女仔個樣, 順便問下佢做乜企嚮度咁耐啦... 行到過去, 個後生仔終於頓悟, 知道自己今次玩火了... 個後生仔, 乜樣都見唔到, 只係見到D 頭髮... 呢個時候, 一條辮子姑娘出聲了:"學弟, 我等左咁耐, 終於有人來幫我了, 可不可以幫我找一找我的面皮?" 條膽生先既後生仔已姐嚇到腳震唔郁得, 但把口都命識講野, 口震震咁講: "師姐, 我諗大家都想幫你, 但你成日搵過背隻對住人, 叫人點幫你呢?" 一條辮子姑娘話: "其實我一直望住大家", 一條辮子姑娘將條辮拎開, 血淋淋既面就露出來. 一條辮子姑娘再講:"其實我搵左好耐先搵返條辮, 搵來搵去都搵唔到面皮, 所以我先企嚮度咁耐, 等D 火車經過, 睇下見唔見到我塊面乍. 又因為怕嚇親大家, 所以用條辮遮住我塊爛面呢! 你可唔可以幫我搵, 其實我都唔想企咁耐的." 呢個時候, 一條辮子姑娘終於難開, 因為佢覺我有人幫佢搵, 而個後生仔已經驚到瀨尿, 之後仲好似神志不清咁, 好彩佢個朋友覺得唔對路, 咁叫做救返佢一命. 有傳呢位膽生毛既後生仔大部份魂魄已經比一條辮子姑娘拎左去, 要幫佢搵面皮, 所以就搞成咁.

因此, 中大就流傳了呢一個傳說, 大家都知道, 如果嚮大學站見到有一個背對住自己, 又留了辮的姑娘, 就要當自己時運高, 乜都睇唔到了.

作者: Ovaltine 時間: 2012-10-30 23:03

回復 23# 大C姐

People think I am insane, I took friends there once, told them we can walk in the park its very safe. They freaked out..as Davie said human and society are probably more scary than ghosts.

作者: somewhereintime 時間: 2012-10-31 07:55

回復 27# mcjohnjohn

Good story, MJJ

作者: 大C姐 時間: 2012-10-31 09:09

香港中文大學成立之初, 發生了一件恐佈既交通意外. 當年中大就只有火車(即現在的東鐵)可達, D 火車既安全 ...
mcjohnjohn 發表於 2012-10-30 22:01

我聽過嘅版本唔係咁㗎噃。

以我所知，辮子姑娘係由大陸搭火車偷渡落嚟，去到大學站附近被人發現。當啲差人追到佢走投無路，佢就開咗個窗跳火車。千鈞一髮嘅時候佢條辮卡住咗個窗框，佢一邊跳，火車一邊繼續全速前進...　個火車車窗吊住條辮同血淋淋嘅頭皮，而個姑娘就生死未知亦冇被捕。

作者: 布小熊 時間: 2012-10-31 11:06

我聽過嘅版本唔係咁㗎噃。

以我所知，辮子姑娘係由大陸搭火車偷渡落嚟，去到大學站附近被人發現。 ...
大C姐發表於 2012-10-31 09:09 AM

I heard that same version too.

作者: mcjohnjohn 時間: 2012-10-31 17:55

我聽過嘅版本唔係咁㗎噃。

以我所知，辮子姑娘係由大陸搭火車偷渡落嚟，去到大學站附近被人發現。 ...
大C姐發表於 2012-11-1 01:09

呢個係小弟修改過既version, 是不是更精彩? 更嚇人?

-- 古靈精探 MJJ

作者: Purpleheart 時間: 2012-10-31 21:24

People think I am insane, I took friends there once, told them we can walk in the p ...
Ovaltine 發表於 2012-10-30 23:03

唔係成個 park 都係 ghost 的, 不過其中一段路最猛, 信不信由你

作者: somewhereintime 時間: 2012-11-1 05:32

Many people saw headless bikers along sea wall

作者: 大C姐 時間: 2012-11-1 08:50

唔係成個 park 都係 ghost 的, 不過其中一段路最猛, 信不信由你
Purpleheart 發表於 2012-10-31 21:24

係咪hollow tree果度？

作者: 大C姐 時間: 2012-11-1 08:51

Many people saw headless bikers along sea wall
somewhereintime 發表於 2012-11-1 05:32

我都聽過！

同埋見到好多鬼吊住喺樹上面。

作者: sheep 時間: 2012-11-1 11:08

本帖最後由 sheep 於 2012-11-1 11:10 編輯

回復 33# Purpleheart[youtube]?feature=player_embedded&v=q6yyWKzPBCM#![/youtube]

作者: Purpleheart 時間: 2012-11-1 21:10

Many people saw headless bikers along sea wall
somewhereintime 發表於 2012-11-1 05:32

呢個係真的, 我上次渣車見到, 嚇到我本能反應下踩大油走, 唔理佢咩 max 30 km/h

作者: Purpleheart 時間: 2012-11-1 21:11

係咪hollow tree果度？
大C姐發表於 2012-11-1 08:50

hollow tree o個邊我未見過有野

作者: 大C姐 時間: 2012-11-2 11:36

但係Waterfront Station係被選為Vancouver最猛鬼地方噃，有冇人見過有嘢？

作者: zuesel 時間: 2012-11-6 14:16

本帖最後由 zuesel 於 2012-11-6 14:29 編輯

for those of you who like ghost stories...there are tons on youtube.

恐怖熱線加拿大山墳個案
[youtube]TDsdUA6teWU[/youtube]

凶宅今集-聽眾來電 ( 好鬼死好聽! ) 妓女被殺案鳳姐
[youtube]y1lMajafX9I[/youtube]

舊恐怖熱線個案之加拿大寄宿學校
[youtube]B3_yQHeRy1k[/youtube]

恐怖在線(第1025集) 首播亞洲靈異節目撞鬼片段
[youtube]ofo1jq7fuHU[/youtube]

作者: zuesel 時間: 2012-11-6 15:11

If you have/come across other links, pls share!

作者: jiujiujiu 時間: 2012-11-6 15:11

回復 40# 大C姐

Waterfront 就無見過喇, 但若干年前, 我就响Granville 街見過~
話說個陣夜晚9點幾, 我同我細佬妹車緊個朋友去DT, 我地行到四十幾街(大概41同49之間啦), 我細佬突然响馬路中間停車, 因為我地見到有個著住白衫白褲既老太婆J walk 緊過馬路, 我妹就問我細佬, 做咩無啦啦停車, 我咪話有個阿婆J walk 過馬路囉, 但我妹同我地個friend 就咩都見唔到, 我同我細佬仲指住個阿婆俾佢地睇, 但佢地就都係咩都見唔到囉~

作者: zuesel 時間: 2012-11-6 16:15

溫哥華凶屋,高街鬼屋,EVP錄音,摩星嶺靈探
It's in Richmond...anyone know where exactly it is or seen it?
[youtube]xbVtpTStelc[/youtube]

作者: 大C姐 時間: 2012-11-9 15:38

恐怖熱綫好妖言惑衆...　

好多嘢講但係啲故事又唔係特別動聽。啲客好似想問自身運程多啲。

歡迎光臨溫哥華老友記討論區 (http://loyaukee.com/forum/)