溫哥華老友記討論區 - Powered by Discuz! Board

標題: 日本冬遊滑雪之旅／末日後新年寄語 [打印本頁]

作者: 大C姐 時間: 2013-1-8 12:21 標題: 日本冬遊滑雪之旅／末日後新年寄語

本帖最後由大C姐於 2013-1-8 12:23 編輯

大家好，新年快樂！

我百忙之中抽胸嚟講幾句説話，講完就要撇。事關喺日本旅遊途中突然有人搵我合作做嘢，對方非常爽快，兩個禮拜已經傾好簽埋約，２０１３年我將會多份工作／多個新商機。所以嚟緊半年都會俾多啲時間落新公司，而且我仲有份＂正職＂要兼顧，所以我又要退隱一段長時間。

Anyway，呢啲大家毫無興趣，我只係解釋點解自己將會失蹤。講返冬遊日本，今次由南玩到北，幾個禮拜去咗好多個城市，從唔同角度去欣賞呢個國家。以前去日本東京都係去好短時間，而且都唔會一次過去好多城市，頂多尤新宿去六本目，由涉谷去台場，都係留喺東京area。其實由一個城市去另一個城市，中間嘅旅程都好值得體驗。好開心應邀去咗好多當地唔同城市嘅一啲festival同party等等。

比較值得講（其實係講唔晒所有去過嘅地方）就係北海道温泉滑雪編。尤其係當我支力到想死，行街行到腳斷，去到北海道一個寧靜白色嘅國度，所有嘢都慢啲，優雅啲。最緊要係租車啦，唔洗行就差好遠。識我嘅人都知我係好驚死，所以對租車都有一定要求，四驅加雪呔走唔甩。但係去到北海道，周圍都係啲細車＆麪包車，啲車轆係幼到呢...　smart car條呔咁上下，我唔明點解可以行到。不過鏟雪真係鏟得好快，大部份＂公路＂時速亦唔係好高，所以相對安全。

我第一次去日本滑雪，今次去（niseko/ hirafu），比想象中大，同好滑。其實去開whistler blackcomb都會覺得其他地方好難有得揮，事關又方便，你去瑞士法國嗰啲係遠離主要城市好遠㗎嘛。咁日本唔算太遠都係within 2-３個鐘車程（from 札幌），而且去到個ski village，雖然冇whistler咁熱鬧，但係都有嘢食，有嘢飲有啲值得去嘅餐廳同bar，玩幾日絕對唔會悶。嬴whistler嘅地方係一，冇咁多人，二有night ski（可以滑到夜晚８點８點半）。所以如果你係hardcore skier/ boarder，你可以滑好多個run，滑到淋冧凜。

另外我又去咗幾多地方浸溫泉啦，講到日本溫泉文化真係冇得輸！景靚，優雅，細心，乾淨，好多仲一日開２２個鐘，半夜想浸都得。試想吓落住雪喺一個日式庭園裡面浸住啲溫泉水欣賞大自然景觀同日本人精心設計嘅花園...　幾咁賞心樂事。你想要有privacy亦得，我又試過私家溫存，可以飲住酒，敷住mask，聽住歌浸又正。

同埋今次落重本食咗兩餐懷石料理。點解話落重本呢，事關對上一次喺京都食過一次懷石料理雖然唔係平，但係唔係頂級價錢，啲嘢真係一分錢一分貨，普通過普通。今次死人都要喺末日前食盡佢，我覺得終於食到日本懷石料理嘅精髓。我發現香港人食呢啲懷石料理一係就喺自己酒店房食，一係就要包場食。因爲香港人嘅attention span實在太短，要坐定定食幾粒鐘係冇可能。食兩度菜又去影相，又去走嚟走去，又要上網又要追大太監，又要去廁所又要食煙，又要飲酒又要講電話...　好彩我係喺private room同包咗間餐廳食，所以先避免失禮。

溫馨小貼士，去北海道唔好盡信GPS嘅ETA，可以同現實差一個鐘。同埋一定一定要着winter gear鞋，因為會跌死。

２０１３年寄語，都有少少嘢特別想講，我自己就覺得同一般＂香港人＂開始有gap。事關我發現香港人好鍾意鬧爆，仲要逼你or鼓勵你同佢哋一樣鬧爆其他人。好似屋企有個case係某親戚娶新袍，佢就唔係好成熟啦，廿幾歳女態度好差啦（so i heard）。其實都屢見不鮮，咁呢啲情形都係要慢慢溝通，結婚都唔夠一年你唔可能祈望一個人結咗婚就即刻變成熟同好有責任感。咁long story short，一班長輩就喺whatsapp不停講佢嘅壞話，數佢不是。我嘗試講啲中庸啲嘅説話降温，冇人聽入耳。但係一有人鬧爆所有人（包括我自己覺得一向好理性嘅長輩）都俾＂like＂。

我覺得好多地方香港人都好鍾意鬧爆，好似對強國人咁，我覺得已經係對人唔對事。老實講，自由行嚟買嘢，其實唔係錯啫？幾多人北上掃平貨，深圳羅湖城東門咪一樣迎合你哋班香港蛋散。去到日本都一樣見到有menu有標誌係寫中文同韓文方便遊客，你又唔好話日本人比強國化叫佢哋寫返日文？

再講，你喺香港好多大餐廳，過去數十年得法文同意大利文嘅menu，又唔見啲人投訴？點解有簡體字就E嘩鬼叫？你哋香港人去其他地方移民做生意大大隻中文字做招牌又有冇西人叫你哋返鄉下？

就連Vancouver都唔係自己地方，都要＂維護＂香港文化，覺得richmond係香港人所有，強國人＂侵佔＂同＂攻陷＂呢個地方。喺另一個post啲LYK講嘅嘢，恕我直言，真係霸道到不得了，衰過好多強國人。個hidden message係越嚟越多人講普通話好似好唔啱咁，講廣東話先係richmond傳統文化同official language。好多老華橋淨係講廣東話就冇問題，喺Vancouver或喺香港講普通話問路買嘢就好＂忍受唔到＂？根本講唔通。

點解依家啲香港人咁唔理性咁盲目去＂保維＂香港文化。我又唔覺得香港人以前滿口英文嘅時候又有人出嚟保護廣東話。其實我想講，一切都係過程，香港回歸中國係既定事實。中國化係好理應發生嘅事，等如英國一樣注入佢哋嘅文化入香港一樣。當然文化差異係有，但係我又唔太驚會變壞，我真心覺得大陸越嚟越開放就會越嚟越文明。香港人要放鬆啲，胸襟大啲去教育返啲遊客。好似你去日本搭車唔准講嘢，當你見到其他人好靜，你自己大聲啲都覺得面懵啦。最緊要係唔好歧視，唔好成日話強國人咩強國人乜，大把鄉下嘅人冇受過教育，亦有大把國内人係知書識禮，比香港時下o靚仔level高幾十級。

我嘅寄語係＂放下，自在＂。唔放下偏見，怨恨，永遠唔會懂得欣賞別人好處。對政府一樣，個個嚴人寬己，捉人錯處就容易，反對其他人就落力，寒窗苦讀落手落腳從政，有意去做特首又有幾多人？

最後都祝各位新一年開心啲，搵到自己嘅幸福，多啲包容同感恩。

－忙到甩轆嘅大C姐

作者: randommike 時間: 2013-1-8 18:35

+10000

作者: 嘉嘉 時間: 2013-1-8 21:42

我都9月尾去完北海道黎
雖然無雪景，但真係好好玩
因為成個trip都好relax，無咁繁忙，風景又靚
時間有限只去到3-4個地方，下次一定要再去

懷食料理食到我跪低咗
好豐富........好好食，食唔哂又對唔住自己同餐飯~

作者: lo_pak 時間: 2013-1-8 22:25

回復 3# 嘉嘉

小食多滋味……

話時話，懷石料理可以食得飽人真係比較小聽見……

又或者，養你真係好容易，食小小就飽……

作者: lo_pak 時間: 2013-1-8 22:48

本帖最後由 lo_pak 於 2013-1-8 23:14 編輯

回復 1# 大C姐

好一篇文章……

但係，還是只談風月好了……

如果政制公平，大家還可以加上—句"共勉之"……

政治，對於天真嘅人黎講，只會換來創傷……尤其是，當對手是"中共".……
政冶說到底不外乎連橫合縱……今天可能是朋友，明天可能"就"是敵人……

中共繼續不譲香港民意洩洪，港獨意識一抬頭，覆水難收，悔之恨晚…

作者: 嘉嘉 時間: 2013-1-8 23:57

回復嘉嘉

小食多滋味……

話時話，懷石料理可以食得飽人真係比較小聽見……

又或者，養你真係好容易 ...
lo_pak 發表於 2013-1-8 22:25

唔係呀，我成日比我朋友話我大食架
例如鹿苑o個碗麵，我自己一個成碗食哂連湯飲埋架

我o個次o個餐︰

作者: 大C姐 時間: 2013-1-9 10:34

回復大C姐

好一篇文章……

但係，還是只談風月好了……

如果政制公平，大家還可以加上—句"共勉之"… ...
lo_pak 發表於 2013-1-8 22:48

你可以話係正中下懷，講咗好多香港人劣根性thought process。

我係講對人鬧爆，唔包容，歧視，根本呢啲就同政治毫無關係。打你尖嗰個阿嬸逼你讀洗腦班呀？去香港買奶粉啲C拉封鎖你言論自由咩？唔通所有講普通話嘅人都係共產黨員？

我想講係，好多香港人去到一個＂對人唔對事＂嘅情緒。總之中共有咩睇唔順眼就將負面情緒放落所有中國同胞到。你喺richmond見到有強國人公眾大便係佢唔啱，但係同＂中共繼續不譲香港民意洩洪＂係兩樣嘢。

如果咩都混爲一談，咁你同大陸冇受教育嗰啲暴民因爲釣魚島而燒日本車，搗亂日資公司有咩分別？

香港人對大陸人有偏見屢見不鮮，係事實就要承認，唔好不斷俾藉口自己去歧視別人。你要去反對某啲政制有你嘅自由，但係向普羅市民發放負面能量，無理嘅挑剔，莫雖有嘅指摘，放大其他人缺點５０步笑１００步就好缺德。

作者: 大C姐 時間: 2013-1-9 10:41

回復嘉嘉

小食多滋味……

話時話，懷石料理可以食得飽人真係比較小聽見……

又或者，養你真係好容易 ...
lo_pak 發表於 2013-1-8 22:25

我諗你冇食過真正懷石料理，起碼１０度菜而且好多時都有飯or粥所以份量唔會少。況且食得慢，其實會飽啲。

我嘅體驗係食到唔想食（有啲眼訓），連碗三文魚子都食唔落。

不過你去旅行一日食４－５餐，寧願質數高啲其實唔洗食到咁飽。

作者: lo_pak 時間: 2013-1-9 11:51

本帖最後由 lo_pak 於 2013-1-9 12:00 編輯

回復 7# 大C姐

如果能夠公平，公開，公正咁討論固然係好……
奈何，自由嘅空氣越嚟越稀薄……

作者: lo_pak 時間: 2013-1-9 12:03

回復 8# 大C姐

温哥華本土嘅真係幾呃錢架……

作者: B2L2 時間: 2013-1-9 12:42

時間有限只去到3-4個地方，下次一定要再去
嘉嘉發表於 2013-1-8 21:42

Japanese Yen is in a much better rate now...

Hope it drop another 10% more..

作者: reyes 時間: 2013-1-9 14:05

我諗你冇食過真正懷石料理，起碼１０度菜而且好多時都有飯or粥所以份量唔會少。況且食得慢，其實會 ...
大C姐發表於 2013-1-9 10:41

懷石我係香港食過(算正宗呱), 份量OK啦, 不過我都食哂
咁女性方面係食唔哂的

作者: reyes 時間: 2013-1-9 14:06

回復大C姐

温哥華本土嘅真係幾呃錢架……
lo_pak 發表於 2013-1-9 12:03

本土係食魚生先抵

作者: 大C姐 時間: 2013-1-11 14:43

懷石我係香港食過(算正宗呱), 份量OK啦, 不過我都食哂
咁女性方面係食唔哂的 ...
reyes 發表於 2013-1-9 14:05

男女都一定食得飽...

[img

[/img]
[img

[/img]

作者: sheep 時間: 2013-1-11 15:53

回復 14# 大C姐

一鑊上哂
冇驚喜
搞到冇哂胃口
點食幾粒鐘

作者: 大C姐 時間: 2013-1-11 16:13

回復大C姐

一鑊上哂
冇驚喜
搞到冇哂胃口
點食幾粒鐘
sheep 發表於 2013-1-11 15:53

啲相係喺website嘅promote，真係食嗰陣係一度度菜上，每度菜都有驚喜。

再講，淨係啲碗碟都好精緻，而且佢time好時間入嚟唔會打攪你食嘢同傾偈。好細心㗎！

作者: 大C姐 時間: 2013-1-14 10:09

回復大C姐

如果能夠公平，公開，公正咁討論固然係好……
奈何，自由嘅空氣越嚟越稀薄…… ...
lo_pak 發表於 2013-1-9 11:51

好多人將言論自由變成將問題無限放大嘅藉口。當有平台去公平，公開，公正咁討論嘅時候，好多人浪費呢個機會去抱怨，惡言相向，打壓異見，甚至發放暴力欺凌負面嘅訊息。

我諗要有多啲有理念又有前瞻性嘅人物出現，唔係空口講廢話，倒呢個，反嗰個。而係真正懂得政治事務，有領導能力嘅人去從政。

只會每日哭哭啼啼嘅人，同被老公瘧打而又唔肯離婚嘅女人一樣。

作者: fibbi 時間: 2013-1-14 14:16

回復 17# 大C姐

I bet even there is a person 真正懂得政治事務，有領導能力嘅人, he/she won't like to step up. Whatever he/she likes to do still need grandpa's approval.

作者: reyes 時間: 2013-1-14 14:32

啲相係喺website嘅promote，真係食嗰陣係一度度菜上，每度菜都有驚喜。

再講，淨係啲碗碟都好精緻，而且 ...
大C姐發表於 2013-1-11 16:13

一之過上哂真係一睇就唔夠, 不過慢慢上又真係會覺得食飽

作者: reyes 時間: 2013-1-14 14:33

回復大C姐

I bet even there is a person 真正懂得政治事務，有領導能力嘅人, he/she won't like ...
fibbi 發表於 2013-1-14 14:16

總之而家邊個上場都要聽阿爺講, 而家最緊要選個夠聽話

作者: fibbi 時間: 2013-1-14 14:44

Japan was on my top travel list BUT....not any more...
I'm still afraid of the radiation level ... small children would be affect more by radiation so I won't go there in a few years time...too bad...

作者: 大C姐 時間: 2013-1-14 15:15

一之過上哂真係一睇就唔夠, 不過慢慢上又真係會覺得食飽
reyes 發表於 2013-1-14 14:32

我住呢間酒店係sell健康同精緻，唔係暴飲暴食。老實講，人大咗食嘢都好節制，寧願食得好啲都唔寧願食得過量。人哋係唔會預你食唔晒樣樣食剩啲，佢仲問我哋夠唔夠，可以送多個course俾我哋。

我本人覺得已經好豐富，尤其有和牛，食兩啖都覺得好膩，切忌眼闊肚窄。

作者: 大C姐 時間: 2013-1-14 15:21

Japan was on my top travel list BUT....not any more...
I'm still afraid of the radiation level ... s ...
fibbi 發表於 2013-1-14 14:44

冇得驚，我上年去咗幾次日本。

其實要驚都唔知可以點避，係咪連日本米，日本魚都唔好食？

雖然我都好怕死，但係日本人都唔驚，去幾個禮拜怕邪唔死得人啩？

作者: fibbi 時間: 2013-1-14 15:25

回復 23# 大C姐

As I said, just for myself, I'm ok. But with little one, as a parents, will try to avoid.
And yes, I don't eat Japanese rice...and I think even sashimi here is using local fish?

作者: chunsh 時間: 2013-1-14 15:37

In addition to the reason of avoiding contaminated Japanese food, many people are now boycotting J ...
peter236 發表於 2013-1-14 15:32

Peter......
LOL, I admire u, in some way

作者: 大C姐 時間: 2013-1-14 16:07

回復大C姐

As I said, just for myself, I'm ok. But with little one, as a parents, will try t ...
fibbi 發表於 2013-1-14 15:25

冇辦法啦，都唔知去邊度旅行好，歐洲好多地方經濟差，啲扒手黨好似好倡狂。

本來想去埃及同土耳其但係政局又不隠。今年如無意外會去德國。

作者: chunsh 時間: 2013-1-14 16:10

冇辦法啦，都唔知去邊度旅行好，歐洲好多地方經濟差，啲扒手黨好似好倡狂。

本來想去埃及同土耳其 ...
大C姐發表於 2013-1-14 16:07

how much u spent for the trip?

作者: fibbi 時間: 2013-1-14 16:28

回復 28# 大C姐

Germany and Austria are good! Wanna re-visit in some days.

作者: 大C姐 時間: 2013-1-14 17:01

本帖最後由大C姐於 2013-1-14 17:04 編輯

how much u spent for the trip?
chunsh 發表於 2013-1-14 16:10

你講去日本？

計唔到...因爲今次好多都唔洗我俾錢，有sponsor，我諗最貴都係食懷石嗰間溫泉酒店，咁一晚連晚飯＋早餐＋private onsen都係＄５００CAD啫，都唔貴。

其他好似去滑雪，ticket同rental價錢同cypress差唔多，一定平過whistler。

反而食蟹宴就貴少少，但係每次去日本都一定要食蟹膏壽司同蟹sashimi。真係其他地方食唔到。我會預＄１５０＋／head連酒水（其實食蟹宴通常係揀一個set包好多嘢，另外再加a la carte咁大家share)可能多人食除開又好似低啲。兩個人可能覺得貴？

機票就睇你坐咩class同咩airline啦。內陸機（JAL）由東京搭去北海道大概＄３５０CAD，都係唔貴。

我唔覺得日本貴。唔知點解好多未去過日本嘅人成日都話日本好貴。

作者: 大C姐 時間: 2013-1-14 17:15

Due to the current political tensions with Japan, buying Japanese products is like helping them buy ...
peter236 發表於 2013-1-14 16:05

我最近嗰次去日本都驚有啲歧視，有啲唔係好歡迎啲中國人呀咁。我又覺得冇嘢喎，同平日一樣好service，有過之而無不及。

你咁講，你睇hollywood film，用iphone係咪幫緊美國打伊拉克？美國幫緊日本，係咪間接幫敵人打自己人？

作者: 嘉嘉 時間: 2013-1-15 00:24

你講去日本？

機票就睇你坐咩class同咩airline啦。內陸機（JAL）由東京搭去北海道大概＄３５０CAD，都係唔貴。大C姐發表於 2013-1-14 17:01

我坐air asia，$170 US round trip

去日本的確ok唔貴呀，睇你主要想做咩囉
好似我咁，淨係想睇風景同影相，間唔中豪兩餐，住民宿
5日4夜既食宿/租車/少少手信，只係用咗$600 CDN.....

作者: 嘉嘉 時間: 2013-1-15 00:27

我最近嗰次去日本都驚有啲歧視，有啲唔係好歡迎啲中國人呀咁。我又覺得冇嘢喎，同平日一樣好service ...
大C姐發表於 2013-1-14 17:15

我去o個排就電視日日講緊釣魚台，所以我都有o的驚
但去到後，完全無o野。個個人都好nice，好friendly

作者: reyes 時間: 2013-1-15 01:21

你講去日本？

計唔到...因爲今次好多都唔洗我俾錢，有sponsor，我諗最貴都係食懷石嗰間溫泉酒店， ...
大C姐發表於 2013-1-14 17:01

有sponsor 真好

去日本平有平玩啦, 真係睇下你去邊同食乜

作者: reyes 時間: 2013-1-15 01:23

我去o個排就電視日日講緊釣魚台，所以我都有o的驚
但去到後，完全無o野。個個人都好nice，好friendly ...
嘉嘉發表於 2013-1-15 00:27

你估個個都好似中國咁咩
東京被選為最有禮貌城市頭幾位

作者: 大C姐 時間: 2013-1-15 09:50

我坐air asia，$170 US round trip

去日本的確ok唔貴呀，睇你主要想做咩囉
好似我咁，淨係想睇風景同影 ...
嘉嘉發表於 2013-1-15 00:24

你講得啱，我覺得好多西人係咪唔識路又搭的士又用漫遊打long distance？

除非你日日蒲Roppongi or 銀座嗰啲高級cafe/ restaurants，which嗰啲價錢同其它主要城市都係差唔多。

要平，你又冇要求的話，去family mart同lawson幾百yen都食到一餐，老實講，你去呢度7-eleven囉住＄３－４CAD都唔知買到啲乜？

我想知你去咗邊度住民宿？

作者: satil 時間: 2013-1-15 11:42

你咁講，你睇hollywood film，用iphone係咪幫緊美國打伊拉克？美國幫緊日本，係咪間接幫敵人打自己人？
大C姐發表於 2013-1-14 17:15

唔係間接, 用iphone係直接支持日本經濟, iphone本身有超過半數的零件是日本做的. 唔見佢即刻掟爛部機.

作者: satil 時間: 2013-1-15 11:54

你講得啱，我覺得好多西人係咪唔識路又搭的士又用漫遊打long distance？

除非你日日蒲Roppongi or ...
大C姐發表於 2013-1-15 09:50

如果食拉麵又大約乜價位?

作者: 嘉嘉 時間: 2013-1-15 13:28

你估個個都好似中國咁咩
東京被選為最有禮貌城市頭幾位
reyes 發表於 2013-1-15 01:23

但o個排大陸好多反日既報導
所以都驚會有o的有色眼光，好在佢地又無咩對號入座

作者: 嘉嘉 時間: 2013-1-15 13:36

你講得啱，我覺得好多西人係咪唔識路又搭的士又用漫遊打long distance？

除非你日日蒲Roppongi or ...
大C姐發表於 2013-1-15 09:50

高級cafe/ 餐廳/酒店就真係唔駛預我~~貴之餘無咩特色~~~

我地真係朝早去便利店搵早餐食
買盒奶買個包都係3百幾yen......

我地o係富良野住咗一晚，唔包野食，3千yen一個人一晚
個地方超乾淨企理舒服
最後一晚o係美瑛住，地方舊咗少少，但間房都係好乾淨舒服，包早餐，5200yen一個人一晚

頭一日就o係札幌住酒店，除返開都係3千零一個人
第二日就小樽住溫泉酒店，包早晚餐，萬3一個人

都係o係依個網搵~~
http://www.jalan.net/

作者: 嘉嘉 時間: 2013-1-15 13:37

如果食拉麵又大約乜價位?
satil 發表於 2013-1-15 11:54

睇你咩地方啦

一般700-900 yen
多料o的大碗o的就通常千零

作者: 大C姐 時間: 2013-1-15 15:09

睇你咩地方啦

一般700-900 yen
多料o的大碗o的就通常千零
嘉嘉發表於 2013-1-15 13:37

我啱啱都想講拉麵７００yen起，不過其實搵到５００yen，只要你冇要求。另外呢個價錢食到好多嘢，例如一般普通牛肉飯（松屋嗰啲）。

soba嗰啲就過千yen，通常跟tempura。

作者: peter236 時間: 2013-1-15 17:54

本帖最後由 peter236 於 2013-1-15 17:57 編輯

唔係間接, 用iphone係直接支持日本經濟, iphone本身有超過半數的零件是日本做的. 唔見佢即刻掟爛部機. ...
satil 發表於 2013-1-15 11:42

iphone 亦有零件是韓國做的.
我地可以做到嘅，就係盡量抵制佢哋嘅牌子，盡量唔好送錢俾東瀛人買子彈,買船。

作者: mcjohnjohn 時間: 2013-1-15 18:23

我啱啱都想講拉麵７００yen起，不過其實搵到５００yen，只要你冇要求。另外呢個價錢食到好多嘢，例如一般 ...
大C姐發表於 2013-1-16 07:09

700 yen 的拉麵, 係唔係只有一兩塊叉燒...?
去日本, 我最LIKE 食蟹, 去果D 食蟹既專門店食, 如蟹將軍, 蟹道樂, 全部都是蟹, 又不是很貴, 吃得很開心. 反而果D 懷石料理呀, 神戶牛呀, 天婦羅呀, 鰻魚飯呀, 乜地壽司呀, 我都唔覺得有乜野咁好食. (我已經叫做去D 名名地既店去食)

作者: 嘉嘉 時間: 2013-1-16 02:24

700 yen 的拉麵, 係唔係只有一兩塊叉燒...?
去日本, 我最LIKE 食蟹, 去果D 食蟹既專門店食, 如蟹將軍, 蟹 ...
mcjohnjohn 發表於 2013-1-15 18:23

食咗一次700 yen 的拉麵。o個日想食拉麵，求其經過有間就衝咗入去~

間舖有o的舊，人流又無乜，但最緊要係平同好食~

作者: 嘉嘉 時間: 2013-1-16 02:28

本帖最後由嘉嘉於 2013-1-16 02:29 編輯

我啱啱都想講拉麵７００yen起，不過其實搵到５００yen，只要你冇要求。另外呢個價錢食到好多嘢，例如一般 ...
大C姐發表於 2013-1-15 15:09

松屋好似係日日有special，勁抵食!!!!
仲要係好食到有o的感動......TuT (我好易滿足XD)

就算係快餐，都一樣整得好好，唔會求求其其~~

作者: 大C姐 時間: 2013-1-16 09:58

700 yen 的拉麵, 係唔係只有一兩塊叉燒...?
去日本, 我最LIKE 食蟹, 去果D 食蟹既專門店食, 如蟹將軍, 蟹 ...
mcjohnjohn 發表於 2013-1-15 18:23

我諗你好少食拉麵，其實喺日本去邊間食，得６個counter位嗰啲或者係大型連鎖店，都係得兩三塊＂叉燒＂。分別只係靚抑或唔靚。

食拉麵個主打向來都係啲麵同個湯底！

作者: 布小熊 時間: 2013-1-16 10:21

食拉麵個主打向來都係啲麵同個湯底！
大C姐發表於 2013-1-16 09:58 AM

agree!
My last trip was in 2008... been so long.
I had lots of good food in Kyoto and some OK food in Tokyo. (guess I did more research for the Kyoto part so I find better restaurants to visit)
HAVE to go to an onsen on my next trip!

作者: 大C姐 時間: 2013-1-16 14:36

agree!
My last trip was in 2008... been so long.
I had lots of good food in Kyoto and some OK food ...
布小熊發表於 2013-1-16 10:21

我覺得東京人多地貴，可能都影響到食物質素，老實講，雖然日本好多好嘢食，但係東京平均比起其它日本城市係水準偏低。因爲食肆多，有啲真係混水摸魚，拉低咗個平均綫。不過，識搵食的話依然搵到好嘢食，如果唔介意排隊的話。

作者: BiscottiGelato 時間: 2013-1-16 16:00

For someone that does not have a free place to live in HK. I can say travel to Japan is cheaper than staying in HK, given you do similar type of activities and live in comparable quality accomodations.

HK vacation...? No thx. Asian destination direct from now on. Maybe HK side trip just to meet friends.

作者: mcjohnjohn 時間: 2013-1-16 17:51

我諗你好少食拉麵，其實喺日本去邊間食，得６個counter位嗰啲或者係大型連鎖店，都係得兩三塊＂叉燒 ...
大C姐發表於 2013-1-17 01:58

小弟真係唔識食, 去日本食拉麵, 通常只係睇下邊款最貴, 貴既程度AFFORD 得起就會叫最貴果隻, 貪佢應該會多料D. (註: 小弟日文程度是RPG 程度, RPG 外的字一定看不懂, 所以如果冇圖畫我就唔會知道是什麼材料)

食拉麵個主打向來都係啲麵同個湯底, 呢點我完全明白, 但呢套對我唔WORK, 我只愛吃料...

-- 牛趙牡丹 MJJ

作者: reyes 時間: 2013-1-16 19:27

回復 50# mcjohnjohn

你唔飲埋D湯架? 咁好浪費

作者: mcjohnjohn 時間: 2013-1-16 19:55

回復 mcjohnjohn

你唔飲埋D湯架? 咁好浪費
reyes 發表於 2013-1-17 11:27

如果係豬骨湯底我會飲, 味曾同醬油我就唔會飲.

作者: 嘉嘉 時間: 2013-1-16 22:38

如果係豬骨湯底我會飲, 味曾同醬油我就唔會飲.
mcjohnjohn 發表於 2013-1-16 19:55

我愛原味.......(鹽味) ^.^

作者: mcjohnjohn 時間: 2013-1-16 22:55

我愛原味.......(鹽味) ^.^
嘉嘉發表於 2013-1-17 14:38

這是我的"最不愛"的味道...

作者: 嘉嘉 時間: 2013-1-16 23:10

這是我的"最不愛"的味道...
mcjohnjohn 發表於 2013-1-16 22:55

豬骨湯我都鍾意
最唔鍾意係醬油同味噌 >.<

作者: mcjohnjohn 時間: 2013-1-16 23:31

豬骨湯我都鍾意
最唔鍾意係醬油同味噌 >.
嘉嘉發表於 2013-1-17 15:10

其實, 可以的話我一定想食豬骨湯底...
不過, 有鑑於日文程度有限(加上本人不思進取, 完全冇想過去學), 所以, 基本上叫左乜都唔係咁清楚, 絕大部分情況都是叫左先, 黎左D 乜都好, 我都會認命. 好彩我叫做乜都食, 有得食飽就得.

BTW, 引申另一個問題, 唔知係唔係我大食, 一碗冇乜料既麵我一定唔會飽的, 但又唔想咁悶食多碗. 我諗呢個係小弟麻麻地喜歡食拉麵既原因.

作者: 大C姐 時間: 2013-1-17 10:12

其實, 可以的話我一定想食豬骨湯底...
不過, 有鑑於日文程度有限(加上本人不思進取, 完全冇想過去學), 所 ...
mcjohnjohn 發表於 2013-1-16 23:31

又錯，我發現你真係好唔識食。

首先，喺日本通常只有兩個時間會食拉麵，一係當宵夜，飲完蒲完食個拉麵頂一頂（或者之後再蒲過）。二就係當你好趕住shopping又有啲肚餓，去食碗拉麵頂肚，快靚正。

同埋老實講，如果你係要食到好飽的話，其實日本真係唔啱你。我諗你都係落美國cheesecake factory嗰啲大大碟質飽你嗰啲餐廳算啦。

我唔夠膽講我叻叻聲，但係我鍾意食嘅嘢我係一定識講，無論係日文，法文，義大利文，我實記得。

作者: mcjohnjohn 時間: 2013-1-17 18:13

又錯，我發現你真係好唔識食。

首先，喺日本通常只有兩個時間會食拉麵，一係當宵夜，飲完蒲完食個 ...
大C姐發表於 2013-1-18 02:12

我完全認同我真係好唔識食的~

宵夜食拉麵? 我一早瞓左... 真係要等夢遊先有機會去食.
當你好趕住shopping又有啲肚餓? 我不會趕住shopping, 我去玩一向慢條斯理, 一定唔會令自己趕.

咁, 我可唔可以食拉麵?

-- 越唔比食越想去食既 MJJ

作者: 大C姐 時間: 2013-1-18 10:41

我完全認同我真係好唔識食的~

宵夜食拉麵? 我一早瞓左... 真係要等夢遊先有機會去食.
當你好趕住shopping ...
mcjohnjohn 發表於 2013-1-17 18:13

你直頭唔好去旅行啦。你咁求其又唔享受，留喺屋企攬住老婆仔女食餐蛋麵算啦。

作者: mcjohnjohn 時間: 2013-1-19 08:16

你直頭唔好去旅行啦。你咁求其又唔享受，留喺屋企攬住老婆仔女食餐蛋麵算啦。 ...
大C姐發表於 2013-1-19 02:41

小弟去旅行從來都唔係以食物為重點.

歡迎光臨溫哥華老友記討論區 (http://loyaukee.com/forum/)