溫哥華老友記討論區 - Powered by Discuz! Board

標題: [香港新聞] 無窗花兩歲女墮斃 [打印本頁]

作者: tiffiant 時間: 2013-1-15 06:44 標題: 無窗花兩歲女墮斃

無窗花兩歲女墮斃

無窗花窗門又變兒童死亡陷阱。由內地來港探望港商父親的兩歲單非女童，昨與同由內地來港的姨媽留在北角住所時，姨媽疑「擰轉背」搣紅棗核，女童攀爬客廳梳化，探頭出無窗花的窗門望街失平衡，由九樓飛墮樓下幼稚園天井平台。姨媽發現她「失蹤」始知墮樓，可惜送院返魂乏術。與愛女陰陽相隔的父母在醫院激動嚎哭，姨媽更悔疚自責哭道：「我點賠番個女畀我個妹！」警方事後將她帶署，東區警區重案組正跟進是否涉及疏忽。
墮樓女童姓炎，父親為港商，姓楊母親（三十一歲）及姨媽(四十二歲)是海南人。炎女隨母親居於深圳，母女定期來港探望父親。炎父兩年前租住七姊妹道雅利閣九樓一單位。據悉，單位客廳放置一張圓枱，窗邊放有一張深啡色梳化，但窗口無安裝窗花，離地一米高，梳化椅背高度與窗口平排。
隨內地母來港探父
消息稱，炎女四日前隨母親及姨媽來港探父，昨晨十一時許，父母結伴外出，炎女由姨媽照顧。當時姨媽坐於圓枱，背對窗口及梳化搣新鮮紅棗核，準備餵給炎女進食，期間她攀上梳化「紮紮跳」，並探頭出窗看風景，疑失平衡跌出窗外，飛墮一樓明慧國際幼稚園的天井鐵網頂，頭破血流，奄奄一息。

姨媽未幾發覺身後無聲息，始知姨甥女「失蹤」，查究下驚見她已墮樓，即激動得狂奔落樓，聲淚俱下向保安員狂呼：「呢次死人喇！」同時，幼稚園姓袁（二十五歲）女職員亦發現女童墮樓，於是報警。消防員趕抵救出炎女，送院搶救一小時不治。炎女的父母趕抵醫院，哭成淚人，母親一度撫摸着愛女冰冷的臉頰，喃喃自語：「點算呀？你叫媽媽點算呀？」聞者心酸，姨媽更加悔疚不已，哭喊：「嗚……我點賠番個女畀我個妹呀……」

警方封鎖現場調查，檢走炎女墮樓時壓毀的一支水喉通。在幼稚園操場上堂的男學生稱，事發時驚聞「砰」一聲：「好似有舊嘢跌咗落嚟！」其母接放學才知悉事件，稱校方未有通知她。該校校長陳杏稱，學生不能踏足天井，故事件無影響學校運作，若校方發現有學生情緒不穩，一定會作出輔導。

大廈住客對慘劇議論紛紛，蔡太頻呼好驚，指寓所即使裝有窗花，亦會加緊看管其兩歲愛女。林太稱：「好可憐！以後一定睇緊啲個孫！」

作者: tiffiant 時間: 2013-1-15 06:46

女童的父母離開醫院時，因傷心過度需互相攙扶。

墮樓女童的屍體移送殮房。

女童的姨媽被警方帶署助查。

涉事窗口無安裝窗花，探員在場調查。

女童疑由九樓住所攀窗墮下死亡（

幼稚園的天井鐵網頂被壓毀。

女童墮斃模擬圖
兩歲女童背着姨媽爬上梳化，探頭出窗門望街景，因窗門無窗花失平衡墮樓

作者: mcjohnjohn 時間: 2013-1-15 22:22

陰公...

作者: KittyLeung74 時間: 2013-1-15 22:44

照顧小朋友,一刻都不能放鬆!

作者: mcjohnjohn 時間: 2013-1-15 23:35

照顧小朋友,一刻都不能放鬆!
KittyLeung74 發表於 2013-1-16 14:44

一刻都不能放鬆的話, 是很辛苦的.

作者: KittyLeung74 時間: 2013-1-16 12:20

回復 5# mcjohnjohn

為人父母,就要好好保護仔女,辛苦都要啦!
仔女嗲你冧你時,幾辛苦都值得!

作者: randommike 時間: 2013-1-16 14:18

I thought all the windows have 窗花?

作者: mcjohnjohn 時間: 2013-1-16 17:53

回復 mcjohnjohn

為人父母,就要好好保護仔女,辛苦都要啦!
仔女嗲你冧你時,幾辛苦都值得! ...
KittyLeung74 發表於 2013-1-17 04:20

鐵人28 都會有唔夠電既時候, 更何況自己一定不是鐵人.
一刻都不能放鬆, "一刻"二字實在是太沉重了.

作者: mcjohnjohn 時間: 2013-1-16 17:55

I thought all the windows have 窗花?
randommike 發表於 2013-1-17 06:18

我外父母家原本都冇窗花, 靚D 丫麻...
但當我老婆大左肚, 就立即搵師傅裝晒窗花, 如果唔裝我果兩隻野一早已經跌死左.

作者: KittyLeung74 時間: 2013-1-17 09:39

回復 8# mcjohnjohn

無法,生得出,就希望小朋友安安全全,快快樂樂!
就算其他家居意外,都唔想發生!
小朋友咩都想試,唔知驚,睇少一眼,都唔知點,你就兩公婆take shift,可以抖一抖啦!

作者: mcjohnjohn 時間: 2013-1-17 18:16

回復 mcjohnjohn

無法,生得出,就希望小朋友安安全全,快快樂樂!
就算其他家居意外,都唔想發生!
小朋友咩 ...
KittyLeung74 發表於 2013-1-18 01:39

一個人睇兩個, 屋企都叫做可以 (因為屋企細), 但去到公園, 我通常都會放棄大果個, 只係睇住細果個, 到大果個真係唔掂叫救命我先去救佢...

作者: hker 時間: 2013-1-17 21:45

真系要小心，大人疏忽，細路就遭殃。

歡迎光臨溫哥華老友記討論區 (http://loyaukee.com/forum/)