溫哥華老友記討論區 - Powered by Discuz! Board

標題: 錢可以解決到嘅問題就唔係問題...？ [打印本頁]

作者: 大C姐 時間: 2013-2-5 12:37 標題: 錢可以解決到嘅問題就唔係問題...？

我發現每個人對解決問題嘅態度都好唔同，喺我朋友圈當中，咩職位咩年紀咩收入咩教育程度都有，但係一講到錢，其實絕大部份人都係分兩類：
１）錢可以解決到嘅問題就唔係問題
２）錢本身就係好多問題嘅源頭

而呢個概念同有錢冇錢唔係好大關係，基本上係up bringing對錢對問題嘅睇法差異。

點解我開呢個topic呢，我屋企由細到大都不停有呢個quote掛喺嘴邊（錢可以解決到嘅問題就唔係問題）。因爲好多日常瑣碎事其實用錢可以解決，大部份困難自己做唔到都請到人去幫你解決。咁只要你搵到方法去賺錢，其實其它問題根本唔係問題，唯獨是生老病死，某程度上錢係未必解決到。一日健在，其實錢係搵得返。

咁呢個概念對我係根深柢固到，我覺得我做人都算係唔計較錢銀，所以有好多人都以爲我作大，吹牛，扮嘢。其實我真係覺得錢係賺嚟洗，錢除咗用嚟享受就係用嚟解決問題㗎啦。

咁但係又有另一派，就係將個focus去諗點去慳錢。有咩問題出現除咗煩件事就更加諗＂死啦，今次又唔知洗幾錢！＂好簡單example，撞車，我呢派人心態就係，車冇咗最多整或買過架車，人冇事就得啦。但係好多人個though process係，架車又要整幾錢，諗吓點節衣縮食，旅行要告吹。將原本撞車嘅問題發到去日後生活嘅困難。

我已經算在意錢，比起我屋企人，其他人係更甚，根本唔會諗咁多，１２３俾整車錢，未整完已經move on咗，諗緊去邊到玩。因爲整車錢，係一次過，唔會anticipate再喺短期内發生。其實呢個個別例子同你平日支出或旅行嘅plan係冇衝突。我哋會諗啲錢就係儲嚟做咩呢？就係呢啲偶有發生嘅意外。所以基本上唔應該影響到生活。

講到呢度，我已經估到有人會駁我＂車，你有錢就緊係講得容易，一般人live on budget，就覺得問題大㗎啦！＂

我就係正正想講，我呢派人係諗點樣搵多啲錢，將個精神放喺未有事之前已經有buffer去cover呢啲expected costs。

另一派嘅人就係諗點樣攞住份人工去plan個budget。將個focus係點去balance啲支出，每個月啲錢用咗去呢度就冇錢去做另一啲嘢。所以如果有啲budget意外嘅支出，就死火啦，就會將成個plan破壞。個問題就牽連埋其他地方。

- 大C姐

作者: Nam 時間: 2013-2-5 15:21

自細嘅教育就係闊佬人哋孤寒自己，自己好閒但一定唔會cheap 係人哋到，真係無咩所謂！

自身方面我對自己要求比較高，學幫我按摩個女仔話我諗野好typical Chinese，好細過已經排好哂唔同嘅目標比自己，出嚟做野後，更加係新一年起已經budget好哂依一年嘅洗費同埋要大概儲存度幾多，學老人家話齋好天斬定落雨柴！

好多人都同我講，依㗎唔玩樂唔同老咗行動唔方便先玩，但我更怕臨老過唔到世，所以辛苦幾年，老年無咁辛苦嘛，不過閒還閒都係閒自己，身邊人，朋友同家人我一定唔會閒！

作者: chunsh 時間: 2013-2-5 16:26

辛苦幾年
Nam 發表於 2013-2-5 15:21

The question is, 幾年 means how many years?
many people keep thinking about that and then they got married and have children and BOOM!!!!!
reached over 65. Time to retired

作者: librazhy 時間: 2013-2-5 18:15

１）錢可以解決到嘅問題就唔係問題
２）錢本身就係好多問題嘅源頭
大C姐發表於 2013-2-5 12:37

呢個poll幾好，有探討價值

個人覺得，人一生要面對的問題何其多，衣食住行的問題-如果不涉及其他人的話，大部分都容易用錢解決。

錢不能解決的問題，可能係疾病纏身，絕症治療，或者是感情困擾，婚姻離異，或是子女分配的問題

以上純屬個人觀點

作者: 貓 時間: 2013-2-5 20:07

上面例子好似只係說明咗兩種唔同嘅洗錢模式，同用錢解決倒嘅問題就唔係問題以及錢本身係問題嘅源頭好似係兩樣嘢…

作者: sheep 時間: 2013-2-5 20:20

同錢唔係萬能
但係
無錢就萬萬不能
同一道理

作者: jiujiujiu 時間: 2013-2-5 21:07

雖則話錢買唔到健康, 但如果無錢的話, 真係連傷風感冒藥都買唔到....
如果話錢買唔到快樂, 連買個game, 買張飛睇戲, 食餐好少少既飯都無錢, 咁就好可憐...
買649都無錢就仲悲哀, 因為莫講話希望, 而且連奢望都買唔到, 咁做人係咪悲哀都極點呢....

作者: sheep 時間: 2013-2-6 07:50

個問題係你有冇錢

作者: sheep 時間: 2013-2-6 07:53

我相信大c姑感困惑係
點樣去用錢去解決冇錢呢個問題

作者: 布小熊 時間: 2013-2-6 09:49

well, problem that money can fix, you still have hope of getting the money some day.
problem that money can't fix, it's usually very hopeless and you feel helpless.
Health mostly...

作者: 大C姐 時間: 2013-2-6 10:24

自細嘅教育就係闊佬人哋孤寒自己，自己好閒但一定唔會cheap 係人哋到，真係無咩所謂！

自身方面我對自己要 ...
Nam 發表於 2013-2-5 15:21

以你形容自己，你應該係＂唔同意＂嗰批人。

我亦唔係話＂唔同意＂就代表孤寒，你都可以請人食飯，送嘢俾人，as long as你覺得嗰樣嘢值嗰個價錢你都唔係一毛不拔。

我覺得你呢批人係有一個特質，就係睇住自己個bank account越儲越多就好開心，開心過洗錢。但係要你攞啲錢出嚟投資，搏多好多錢，你又未必會。

作者: Nam 時間: 2013-2-6 10:40

本帖最後由 Nam 於 2013-2-6 10:48 編輯

以你形容自己，你應該係＂唔同意＂嗰批人。

我亦唔係話＂唔同意＂就代表孤寒，你都可以請人食飯， ...
大C姐發表於 2013-2-6 10:24

我投咗同意，同埋我都話啦，我只會慳自己唔會慳朋友！一直都覺得錢解決到嘅就唔係問題，但都要有錢先做到野㗎，同埋邊個話我唔投資？雖然我唔買股票，但都叫做有個單位收吓租咁，吓吓洗突又點有錢買樓呢？又或者咁講，我討厭負債，如果要我吓吓負債去享受，我會寧願遲啲先要，債可以有，但我會想係好債，例如同人夾錢做生意仔或者落美國買樓都OK

作者: 大C姐 時間: 2013-2-6 10:44

上面例子好似只係說明咗兩種唔同嘅洗錢模式，同用錢解決倒嘅問題就唔係問題以及錢本身係問題嘅源頭好似係兩 ...
貓發表於 2013-2-5 20:07

我俾幾個具體啲嘅例子你...

好似有啲人去旅行，最開心嗰part就係隔價。那怕只係争幾十蚊，都唔介意花幾個鐘，幾日，甚至幾個月去monitor。有直航唔搭，寧願轉機飛多幾個鐘，去到可能夜晚１１點幾為咗慳幾百蚊（但係徙咗半日寶貴嘅旅行時間）。

我呢派人係唔會因爲慳少少錢以浪費咗時間，影響到享受。所以我去旅行會隔價，咪就係睇吓飛AC定CX，啲時間夾得好唔好，就book㗎啦。唔會去花多過３０分鐘考慮。因爲時間對我嚟講係好值錢。我亦唔會話知道原來遲幾個禮拜CX做promo平啲而抌心，因爲洗咗嘅錢解決到我當刻嘅問題就OK，而我俾錢嗰一刻覺得我俾嘅價錢合理就得，我唔會返轉頭check吓自己有冇買貴機票。

好多人去vegas三日兩夜，但係去Bellingham上機，因爲機票平啲。呢個又係我呢派人唔會做。我覺得你去得兩三日，仲要徙時間渣車過關去Bellingham再泊車（Daily泊車場可能仲要好遠），又要驚途中有咩延誤，連機都上唔到。咁去旅行為乜？我又係覺得争嗰少少錢喺Vancouver上機咪算囉！

又有另一個好常見嘅例子。有啲人去某啲餐廳，知道叫＂水＂都要俾錢就寧願成餐飯口渴都唔叫水飲，直至食完飯先去隔籬7-eleven到買支水。仲要覺得好開心自己慳到錢。咁呢個我又係頂唔順。

作者: Nam 時間: 2013-2-6 10:44

The question is, 幾年 means how many years?
many people keep thinking about that and then they go ...
chunsh 發表於 2013-2-5 16:26

咁我又無話真係好刻薄自己，該洗得洗，又或者咁講，我比較享受遲來嘅快樂，吓吓都即刻要，咁我會無咩motivation

作者: 大C姐 時間: 2013-2-6 10:50

我投咗同意，同埋我都話啦，我只會慳自己唔會慳朋友！一直都覺得錢解決到嘅就唔係問題，但都要有錢 ...
Nam 發表於 2013-2-6 10:40

咁你誤會咗我嘅意思。唔同意係你會寧願麻煩啲，徙時間啲去解決日常瑣事，同你對朋友闊唔闊佬冇關係。

又或者掉轉，你會因爲洗多咗錢（買貴咗機票，買貴咗家俬，買貴咗衫）而好唔開心甚至去改變自己其它計畫去＂慳返＂嗰啲錢。

作者: Nam 時間: 2013-2-6 11:04

我從來都唔會因而咁而好唔開心，當然知道貴咗咪哎呀咁囉， like I said 該洗得洗，最多咪下個月咪cut 返啲expenses！咁！

咁講我唔知你有無試過窮，我生活未話去到好差，但係香港都叫做住半山，但頭幾年過嚟加拿大時，因為某啲原因，屋企真係無咩錢，一下子由係香港無憂無屢，突然間屋企只能用garage sales買啲好舊嘅家私，餐具！經過兩年啲咁嘅生活之後，我開始學識咩叫做好天打定落雨柴

作者: 大C姐 時間: 2013-2-6 11:19

我從來都唔會因而咁而好唔開心，當然知道貴咗咪哎呀咁囉， like I said 該洗得洗，最多咪下個月咪cut 返啲 ...
Nam 發表於 2013-2-6 11:04

我係會諗點搵錢，點洗錢令我自己同身邊人開心（當然唔係亂洗，冇錢走去借錢買嘢），但係我真係冇咩智慧去慳錢。

首先，你唔好咁抗拒＂唔同意＂呢個category。我覺得慳檢無罪，隔價有理。好似令一個post發現呢度咁多人有方法慳買餸錢，原來仲平過香港。我就真心佩服。

但係都係個心佩服啲人可以去完Walmart去Costco去完Superstore再落美國買平嘢，我就真係做唔到。

作者: reyes 時間: 2013-2-6 12:36

錢可以解決到嘅問題就唔係問題, 個問題就係搵唔搵到錢黎解決
醫食住行都可以用錢解決, 當然有好多病痛/傷用錢解決唔到

我都係個會諗點去搵錢, 之後洗錢, 但我對自己/知己就唔會去慳. 我又唔會充大頭鬼咩都要名牌之後係屋企食罐頭

作者: 大C姐 時間: 2013-2-6 13:06

錢可以解決到嘅問題就唔係問題, 個問題就係搵唔搵到錢黎解決
醫食住行都可以用錢解決, 當然有好多病痛/傷用 ...
reyes 發表於 2013-2-6 12:36

嗰啲冇錢走去買名牌係癲啦，同用錢解決問題冇關，只係製造更多問題。

學你話齋醫食住行都可以用錢解決,我只係會煩好多病痛/傷用錢解決唔到嘅嘢。嗰啲日常小事就算啦，打斧頭唔會邊富翁，剪coupon唔會變富戶，慳機票錢唔會慳到顯赫嘅身家。

作者: librazhy 時間: 2013-2-6 14:03

C打，以我愚見，財富既來源係收入減支出。你炫耀緊既係增加收入而罔顧支出，會否幼稚了一點呢？

作者: Nam 時間: 2013-2-6 14:14

嗰啲冇錢走去買名牌係癲啦，同用錢解決問題冇關，只係製造更多問題。

學你話齋醫食住行都可以用錢 ...
大C姐發表於 2013-2-6 13:06

會唔會變百萬富翁我就唔知，但就見識過TVB式嘅有錢人買得起貴車但為咗慳保險會叫個細佬落美國買架車然後去Alberta出牌

作者: ah3 時間: 2013-2-6 15:03

會唔會變百萬富翁我就唔知，但就見識過TVB式嘅有錢人買得起貴車但為咗慳保險會叫個細佬落美國買架車然後 ...
Nam 發表於 2013-2-6 02:14 PM

最驚同呢啲人打交道！

作者: samsung 時間: 2013-2-6 15:30

我都係情願用錢買方便

作者: samsung 時間: 2013-2-6 15:31

會唔會變百萬富翁我就唔知，但就見識過TVB式嘅有錢人買得起貴車但為咗慳保險會叫個細佬落美國買架車然後 ...
Nam 發表於 2013-2-6 14:14

我都好怕呢種人。。。同叫亞嬸買菜搭條蔥差不多乞我憎

作者: librazhy 時間: 2013-2-6 15:53

會唔會變百萬富翁我就唔知，但就見識過TVB式嘅有錢人買得起貴車但為咗慳保險會叫個細佬落美國買架車然後 ...
Nam 發表於 2013-2-6 14:14

一年慳幾多呢？

作者: lo_pak 時間: 2013-2-6 15:57

本帖最後由 lo_pak 於 2013-2-6 16:09 編輯

回復 25# librazhy

大富由天，小富由儉……

唔同人有唔同嘅理財觀念……

我又唔會話大C姐幼稚，只不過今次個命題同大C姐想表達嘅好似有啲出入……可唔可以refine-吓……

作者: mcjohnjohn 時間: 2013-2-6 17:58

我俾幾個具體啲嘅例子你...

好似有啲人去旅行，最開心嗰part就係隔價。那怕只係争幾十蚊，都唔介意花幾 ...
大C姐發表於 2013-2-7 02:44

去旅行, 我會用錢買時間, 邊班機時間好就揀邊間.
酒店, 如果係同屋企去, 我要住一間設施齊備D 既, 因為照顧小朋友都方便D.

餐廳叫"水"既問題, 如果"水"是要收錢, 我會加多少少錢去飲其他野, 因為應該會更好飲. 不過, 同家中長輩一起吃飯, 我會陪佢地寧願成餐飯口渴都唔叫水飲...

作者: mcjohnjohn 時間: 2013-2-6 18:00

C打，以我愚見，財富既來源係收入減支出。你炫耀緊既係增加收入而罔顧支出，會否幼稚了一點呢？ ...
librazhy 發表於 2013-2-7 06:03

支出是去搵收入的一大原動力...
對一些人來說, 搵收入比CUT支出更輕鬆.

作者: librazhy 時間: 2013-2-6 19:46

支出是去搵收入的一大原動力...
對一些人來說, 搵收入比CUT支出更輕鬆.
mcjohnjohn 發表於 2013-2-6 18:00

乜兩者兼顧好困難咩，multi-tasking嘛

作者: mcjohnjohn 時間: 2013-2-6 19:50

乜兩者兼顧好困難咩，multi-tasking嘛
librazhy 發表於 2013-2-7 11:46

支出是去搵收入的一大原動力.
沒有支出, 冇乜mood 去搵收入.

作者: librazhy 時間: 2013-2-6 20:09

支出是去搵收入的一大原動力.
沒有支出, 冇乜mood 去搵收入.
mcjohnjohn 發表於 2013-2-6 19:50

或者一樣米養百樣人啦

當賺錢機會來到，我會即時把握。講真邊會去計支出原動力夠唔夠強，有mood無mood都會盡左力先，機會唔係成日都出現。盡左力喇，試左喇，無悔咯。

作者: mcjohnjohn 時間: 2013-2-6 20:14

或者一樣米養百樣人啦

當賺錢機會來到，我會即時把握。講真邊會去計支出原動力夠唔夠強，有mood無 ...
librazhy 發表於 2013-2-7 12:09

舉個例, 如果你已經有足夠既錢讓你和家人以為生活無憂. 你仲會唔會不斷去努力搵錢?
其實我真係好佩服+x哥的.

作者: librazhy 時間: 2013-2-6 20:31

舉個例, 如果你已經有足夠既錢讓你和家人以為生活無憂. 你仲會唔會不斷去努力搵錢?
mcjohnjohn 發表於 2013-2-6 20:14

當然會。

作者: mcjohnjohn 時間: 2013-2-6 23:24

當然會。
librazhy 發表於 2013-2-7 12:31

我好大機會唔會再努力, 我會用時間去做想做既野, 例如同家人一齊等等.
人生匆匆, 我唔想, 更加唔會為左賺錢而放棄太多生活.

作者: ah3 時間: 2013-2-6 23:40

“錢可以解決到嘅問題就唔係問題”這個道理很多人都會講也明白
我認爲比起實際上有錢沒錢
怕錢不夠用這想法才是“問題嘅源頭”
很多人都會為自己的存款 set 個 minimum
當快用到 minimum 時明知縱使要動用到個 minimum 仍然可以一切照常或生活上只須作出適度調整
但心裏就是覺得不安
給自己很大壓力
這樣的心理壓力可能就是“問題嘅源頭”了
一個問題如果A須要用5%存款去解決
“錢可以解決到嘅問題就唔係問題”這個想法就相對地容易被接受
但同一個問題如果B須要用95%存款去解決之餘還要養家之類的
就算明明知道錢可以賺回來
可能也就沒那麽豁達了
這種瀟灑豁達須要歷練和勇氣

作者: librazhy 時間: 2013-2-7 00:57

時間係自己安排，無論幾忙，都可以兼顧家庭樂。賺錢機會來到，只管把握、只管盡力。睡眠時間，自己時間，家庭時間，安排得好既話，無衝突。加埋朋友時間又得，再加嗜好時間仲得，再再加埋試菜時間都仲得

作者: 大C姐 時間: 2013-2-7 10:37

C打，以我愚見，財富既來源係收入減支出。你炫耀緊既係增加收入而罔顧支出，會否幼稚了一點呢？ ...
librazhy 發表於 2013-2-6 14:03

我覺得你好諗得太非黑即白，幼稚嗰個可能係你...

我講咗千次，唔係話做人要揮霍無度，我入去超市攞住＄100要買我要買嘅嘢就走，我唔會去逐個item隔價，你可能end up直接支出係$70，看似慳到$30，但係油錢？時間？精神？

我會寧願將啲時間，心機去賺多啲錢，可能我隔價嘅時間已經賺到$50呢？

又或者咁講，掉轉頭，有好多人都會因爲平，因爲＂抵＂而去消費。你睇吓啲人幾鍾意去dine out，我就唔會去同人逼，啲食物又冇平日咁好食，我自己唔會因爲＂平＂以消費。咁你去dine out食３餐可能得一餐好食，我寧願出去食一餐自在啲又唔洗限時限刻，我冇錢唔去消費都冇所謂。

所以有時我呢個mentality唔一定洗多咗錢，而係用錢嘅概念就係買方便，買享受，解決問題。而唔係做人左度右度，咩都諗點慳啲，點樣平啲。

作者: 大C姐 時間: 2013-2-7 10:41

會唔會變百萬富翁我就唔知，但就見識過TVB式嘅有錢人買得起貴車但為咗慳保險會叫個細佬落美國買架車然後 ...
Nam 發表於 2013-2-6 14:14

真係有錢冇錢人都有呢啲好鍾意諗＂縮數＂。

我直頭覺得佢哋係享受慳錢，享受話俾人聽，＂你估我幾錢出車？＂

我覺得係做人嘅mentality，好多人未必覺得慳錢係辛苦㗎！有好多人係鍾意計埋人哋收入幾多，支出幾多，點解唔買樓，供好過租，住邊又點慳啲交通費，出邊張信用卡又會賺多啲分...記住係幫人哋諗埋！

作者: fibbi 時間: 2013-2-7 10:42

我覺得鐘意慳錢同鐘意搵錢係無衝突個喎。千析唔好認為有錢佬一定闊綽。有錢而孤寒縮骨嘅大有人在。

有提到bellingham上機去vegas慳嗰一百幾十好似唔着數，一個人就話嗟，兩個人就慳$400，夠酒店洗費。咁當然自己要有番咁上下嘅假期先會做啦。如果得三曰兩夜就無理由再花半曰落美國上機。有四、五日嘅話都ok啦。

我自己就鐘意我嘅支出要maximize我所得到嘅。如果同一個trip可以$300攪掂點解要洗$500？trade off？會有，做research嘅時間囉，但其實攞到/搵到good deals都可以係一種樂趣。

講返儲錢，有時真係好難預計。今年就經歷咗四次撞車，basement漏水，車房門壞，就連廁所都要整。咁你話要buffer幾多expense先夠？平時唔plan啲emergency fund點掂？

作者: 大C姐 時間: 2013-2-7 10:54

我覺得鐘意慳錢同鐘意搵錢係無衝突個喎。千析唔好認為有錢佬一定闊綽。有錢而孤寒縮骨嘅大有人在。

有提到 ...
fibbi 發表於 2013-2-7 10:42

你講到一個重點，就係你呢一派人係覺得慳到$200去旅行係樂趣。我就覺得我攞住$500去到我想去嘅地方就係樂趣，我唔係洗多咗錢，而係我覺得呢個價我afford得起又覺得值得去旅行咪去囉！

我冇錢又一定要去Vegas，我可能逼住都要去Bellingham上機，我唔排除呢個可能性。但係去旅行係享樂，又唔一定要去，咁我唔明慳啲咩啦。你唔慳嗰$200，係咪唔會去旅行先？

同埋好似又有人講落Portland shopping慳個税。呢啲又係我呢派人唔會做。真係點會山長水又遠去到Portland買平衫？首先，你未買衫已經洗咗車費，花咗時間，而且去到未必睇中嘢，分分鐘貪平買埋啲唔係真係咁鍾意嘅嘢得不償失。

儲錢就我都會儲嘅，我唔會叫人有幾多洗幾多。我再講一次，我未必洗錢多過你哋慳錢一族㗎。只係睇嘢方法唔同，我可能其他地方因爲怕煩而冇支出。

作者: 大C姐 時間: 2013-2-7 10:59

“錢可以解決到嘅問題就唔係問題”這個道理很多人都會講也明白
我認爲比起實際上有錢沒錢
怕錢不夠用這想 ...
ah3 發表於 2013-2-6 23:40

你講得好啱。真係唔關你有冇錢事。當然你真係財政上有困難就係基本問題啦，但係好多人冇財政問題，做人都係環繞住＂錢＂，差唔多每個出發點都係錢，好計較個錢點洗，係咪最抵最平，寧願浪費生命浪費青春（IMO）都唔想用錢買方便。

我覺得咁做人好大壓力囉。

作者: randommike 時間: 2013-2-7 11:37

But there are people who think saving money is fun, looking for the best deal is fun, etc. Go to forums like redflagdeals.com, fat wallet.com, etc.
What works for you might not work for others.

Personally, I value both time and money. I will shop at Safeway because it is right next door and I will go to the US outlets for deals because it is fun.

作者: Nam 時間: 2013-2-7 12:18

查實有無別要去標籤邊派人呢，各有各生存方式，唔啱你咪唔好做囉，simple as that. 再者凡事唔為過就得啦！再者，我想在座唔係個個都真係咁extreme, 好似你講個種人咁，唔係都唔會咁多人投同意啦！

就套用你講，我哋 "依派人" 諗野方式啦，事實上唔係個個好似大C姐咁叻，可以揾到錢，好多人好似我咁都只不過係個平常打工仔，每個月收入都係一樣時，能夠增加財富嘅就係減少支出咁，同埋你好似講都所有儲錢嘅人就一定係好踱縮咁，我又唔覺得係咁極端，我係慳但係我鐘意嘅野係從來唔睇價錢就買！學Fibbi 話齋，要有幾多buffer 呢？以我家人為例，好哋哋間屋可以漏水三次，仲要有一次個contractor破產走佬，前前後後洗成差不多六七萬，唔通天跌落嚟咩啲錢，唔通到時先諗去銀行借錢？好當你話去投資咪得囉，咁都要有本先投資㗎，當你每月收入都只夠cover 日常生活支出，如果你有細路的話，仲更加會想幫小朋友儲返個錢以防萬一！單身係好逍遙自在，但當有家人時，我唔知你會點！

唉，無獨有偶，講開依個topic時，我香港一個單身細姨原來仲有兩個月就加入失業大軍，年齡咁大又無大學畢業，香港又百物滕貴，幾年前都唔明點解阿姨咁慳，買部電話／電腦都踱住，依架諗返，好彩佢有積蓄，唔係真係唔知點算，

作者: 大C姐 時間: 2013-2-7 13:55

But there are people who think saving money is fun, looking for the best deal is fun, etc. Go to for ...
randommike 發表於 2013-2-7 11:37

呢個topic係冇啱定錯。我只係想知有幾多人好似我咁嘅諗法，又或者有人覺得我好浪費，好hea，好唔識精打細算，我係絕對唔抗拒㗎。

亦都明白好多人好鍾意look for deals，我亦覺得有啲人真係有需要去慳因爲日常生活都有困難。

但係我又覺得有好大部份人其實經濟係冇問題，有錢過我，不過好在意洗錢，好驚洗多咗錢（好驚上到飛機發現隔籬嗰張機票平啲），好唔鍾意俾錢人賺（＂我呢啲自己整都得啦！＂）

我覺得兩種生活態度囉。

作者: 大C姐 時間: 2013-2-7 14:05

查實有無別要去標籤邊派人呢，各有各生存方式，唔啱你咪唔好做囉，simple as that. 再者凡事唔為過就得啦！ ...
Nam 發表於 2013-2-7 12:18

呢個世家絕對有好多人係＂居安思危，居危思更危＂。係冇一分鐘俾自己放鬆。

我就唔會咁諗囉，因爲意外就係意料之外。我又唔會洗到一毫子都冇得淨，但係你問我點先夠，其實錢係冇話夠。你今日節衣縮食慳半份糧，都唔代表＂夠錢＂看門口。

都係嗰句，我覺得錢可以解決到嘅問題就唔係問題。漏水呢啲，首先我有insurance啦，咁你話俾deductable嘅話都係有限數啫，冇cash都有line of credit，冇咪最多加按囉。我覺得唔會話搵唔返啲錢，所以我唔會太擔心呢啲意外支出。

我唔算叻，亦唔係有錢，不過我會樂意俾錢去買自己快樂同安心，唔會牙痛咁聲。而且我唔會俾自己收入只係緊緊cover到生活費，呢個係我一開始做嘢已經有嘅心理態度。

作者: ricrick 時間: 2013-2-7 14:59

本帖最後由 ricrick 於 2013-2-7 15:00 編輯

呢個世家絕對有好多人係＂居安思危，居危思更危＂。係冇一分鐘俾自己放鬆。

我就唔會咁諗囉，因爲 ...
大C姐發表於 2013-2-7 14:05

C姐有咩錢賺錢好路數益下小弟？
-- 窮撚上

作者: 大C姐 時間: 2013-2-7 15:29

C姐有咩錢賺錢好路數益下小弟？
-- 窮撚上
ricrick 發表於 2013-2-7 14:59

冇咩好路數，都係勤奮向上，勞力工作，咁唔想淨係節流咪開源囉。做多份part time，又多份收入又少啲時間洗錢。要節流第一步就係平日唔好咁多壞習慣，食煙飲酒暴飲暴食呢啲徙錢又傷身最好唔好做。有時間唔好玩咁多玩具，買到一屋都係嘢又唔環保又對自己冇增值。

理財觀念要有啦，唔好成日話＂我數字白痴嚟㗎，投資我唔曉＂呢個世家冇人天生係專家，基本常識要有，唔識就要學要問。最緊要係輸得起！有智慧咁去投資同承受風險。唔好覺得投資就等如買大細，又唔好完全覺得俾人投資就自己一啲都唔洗理。尤其年紀輕嘅投資者，唔知點解又要跟啲老人家買大藍籌股，其實唔應該咁保守。

樂觀同自信都好重要，行出嚟你俾人感覺係承擔得起重任，承擔得起風險，人哋先會委以重任。如果做人斤斤計較，唔爽快，畏首畏尾，有時候會錯失機會。正所謂小財唔出大財唔入。

作者: 大C姐 時間: 2013-2-7 15:59

同埋講開工作賺錢，我覺得呢一代人成日講薪水低，講咩工作機會少，點點點...有幾多人真係問過自己有咩優勝有咩值錢嘅能力呢？

好多人話想做化妝師，咁走去讀個好乸貴嘅course。要上堂係無可厚非嘅，但係你上幾堂，幾個月，你唔係top of the class你唔係化到曉飛，你就要面對現實，你可能手又唔夠定，顔色又分唔到，創意又欠奉，點解人哋要俾錢你賺？你要自己問吓自己真係有冇料囉，唔好淨係自己想做咩就做咩。

作文你可以寫我的志願，係冇問題，我寫做女太空人做女特首，但係到某年某月某日就move on啦，唔好發夢。又有好多人鍾意做啲＂創意＂工作。邊個唔想做fashion，日日對住啲靚人，靚衫？但係你要問自己人哋點解要俾錢你去完成你嘅夢呢？唔通人哋前世欠咗你？呢個世界一定有工作係悶，冇人嘅志願係倒垃圾，做清潔，咁但係呢啲工作冇人想做先有人肯俾錢人做呀嘛！

又有啲唔想打工就去做生意，大多數都係零售，賣衫，我聽到就已經心裡有數。老實講，又係攞自己興趣出嚟做生意，希望人哋會資助你去做興趣，完全唔係由賺錢出發。咁我覺得同你鍾意畫畫，你希望有人會買你啲畫一樣，唔係冇可能性，不過好微囉。

好多人成日話返工好悶，出嚟做嘢好辛苦，唔通出糧俾你玩俾你開心？我唔係話做嘢要苦口苦面，但係人哋俾錢你係要解決問題，幫佢做啲佢唔想做，唔得閒做嘅嘢，咁當然唔會係好享受啦。唔通你老闆會叫你＂你幫我去咗呢個旅行啦，我唔想去，順便渣埋我架跑車，我唔多想渣＂。

人人都有優點，都有啲嘢係做得俾人哋叻，但係呢個優點係未必你最鍾意。即係好多人好叻計數但係唔特別鍾意計數，其實鍾意唱歌，咁你自己諗啦，你想做會計賺錢等你閒時唱K，抑或你其實唔叻唱歌但係硬要完成夢想去做歌手。

作者: reyes 時間: 2013-2-7 16:00

最唔錢就係24小時都係到做野, 好多同胞一黎到就做做做, 佢地係好快買到樓, 不過有冇命享就唔知

作者: librazhy 時間: 2013-2-7 18:06

美國財經雜誌《福布斯》全球富豪排行榜，墨西哥電訊大王亨斯利姆粗略估計，其家產足夠他在未來一百年內，每分鐘豪花一千二百美元。

但令人驚訝是，這位超級富豪過去幾十年從未亂花過一個仙，他一直居住普通民宅；對私人飛機、新款靚車同遊艇不感興趣，需要時就用旗下墨西哥電話公司的飛機或直升機。時至今日，年逾古稀的他，佩戴的依然是一隻膠錶，不像許多暴發戶般迷戀奢侈名錶，唯一吸引其目光的只有雪茄和藝術品。這位首富公開他的慳家秘訣，原來他從十二歲開始就每日進行記帳，提醒自己小心用錢。

更有富豪將其節省精神發揚為企業精神，印度第三富的資訊科技界大亨普雷姆吉，不只出差坐內陸機經濟艙，還住招待所或三星賓館，其慳的理念還延伸至提醒員工節省手紙，人離切電等，促進更大規模的慳家效應。

隨着中國經濟強勢崛起，華人面孔開始陸續打進這個全球最有錢的圈子，今年資產逾十億美元而成功入榜的內地及香港富豪迅速增至一百五十一人，人數僅次美國。不過不少華人富豪亦慳家有道，如位居內地豪富第三位的娃哈哈集團董事長宗慶後，據說其一年的總消費五萬人民幣有找，亦因為審愼理財，創立娃哈哈至今從未向銀行貸款。如此節儉行為，與時下年輕人過度依賴信用卡借貸，結果被借貸“吃掉”儲蓄，永遠“無錢剩”形成強烈對比。

慳，並非窮人的專利，其實不少富豪都是精打細算的消費者。如果想發達做富豪，就要先學習巨富們早早養成好的理財習慣，縱使有大把錢仍能忍得住手，賺到的錢能留得住，可能就是登上富豪榜的先兆

作者: B2L2 時間: 2013-2-7 18:23

Just read this from Facebook, hope to share LYK:

依然快樂 - 鄭丹瑞

小女兒上大學，揀選了考古這一科。一眾 uncle auntie、契爺契媽都暗地裏問我：「吓！你俾個女讀考古？第時佢出嚟做咩？點搵食呀？」

如果人原來只是為了「搵食」而生存，小時候逼她學琴學功夫學體操，都是為了將來可以輕鬆「搵食」，那做人豈不是很容易，但也很可悲？

我跟他們開玩笑說：「我未聽過讀完考古，畢業之後會餓死！」「但讀考古係唔會發達㗎噃！」「你睇吓阿邊個個仔讀 Finance 嘅，返嚟香港入啲大行做暑期工，閒閒哋三四萬人工！呢啲科至會發達㗎！」

他們苦口婆心勸我，還未及提出「金錢非萬能，發達無本心」的道理，又收到朋友來電：「有無搞錯！俾個女去以色列考古？你知唔知嗰邊打緊仗？」

我知！女兒在 Facebook 告訴我，每當聽到警報聲，全組同學就要躲入防空洞，「十分刺激！」女兒又告訴我，每天都挖得一面一身泥，日曬雨淋，「十分享受！」實在太危險了，領隊帶他們去了死海避避風頭，無端端多了幾天假期，「十分好玩！」

就憑女兒這三個「十分」的報告，已經再次肯定我讓她揀選考古這一科是做對了。

人生而要搵食，這個當然。但也有很多種「食相」，有人狼吞虎嚥，甚至食埋隔籬嗰份，結果人吃飽了，卻餓死了靈魂。我寧願我的女兒慢慢咀嚼，先餵飽靈魂。

2011年10月05日刊於香港經濟日報

作者: librazhy 時間: 2013-2-7 19:40

人若賺得全世界，卻喪失了靈魂

有人拼命掙錢，以爲錢是萬能的，其實金錢並不是萬能的。

作者: ricrick 時間: 2013-2-8 01:04

冇咩好路數，都係勤奮向上，勞力工作，咁唔想淨係節流咪開源囉。做多份part time，又多份收入又少啲 ...
大C姐發表於 2013-2-7 15:29

勤奮向上，勞力工作? 我同你都算相識一場，估吾到你甘樣敷衍我

-- 發窮惡撚上

作者: 大C姐 時間: 2013-2-8 10:25

如果想發達做富豪，就要先學習巨富們早早養成好的理財習慣，縱使有大把錢仍能忍得住手，賺到的錢能留得住，可能就是登上富豪榜的先兆librazhy 發表於 2013-2-7 18:06

睇完呢個報導我更加明白我點解仲係一個死窮鬼，因爲我完全冇諗過要做一個富豪！

如果要我攞住咁多錢，首先有錢人好難做（容後再講），我都唔可以享受，揮霍，咁真係何謂人生？

我嘅工作關係認識唔少富戶，我深深明白錢係好多問題嘅源頭。好似你可能賺到好多錢，你唔貪，你枕邊人可能貪。你枕邊人可能同你一切挨出頭來，都未必貪你啲錢，但係難保你啲仔女唔貪。我就算你好有家教，你啲仔女都唔貪你嘅錢，但係一定會招惹到啲朋友／親戚去慫恿貪你嘅錢。

我淨係見到好多有錢人連死咗之後嘅錢都要憂心，要諗定點樣保本，點樣分利息俾仔女，點樣留俾啲孫，又要驚有人打官司...我真係唔願做富豪。

我都係覺得錢係應該幫我解決問題而唔係增加我煩惱。做人匆匆幾十年，開心最緊要，最好死嗰日一毫子都冇得剩咁就最完美。

作者: Nam 時間: 2013-2-8 10:41

I think Mr. lee thinking
李嘉誠）教五年內買車買房.

假設你的月收入只有2000元，你也可以過得很好。我幫你把錢分成五份。第一份600元，第二份400元，第三份300元，第四份200元，第五份500元。

第一份，用來做生活費。這麼少的生活費，每天只能夠分到十幾元。早餐一份煮米絲，一個雞蛋，一杯豆漿。中餐一份快餐，一個水果。晚餐自己開個小灶，煮點飯，加倆菜，睡前一杯奶。這樣一月的伙食大概是500-600。不過，如果你還年輕，身體暫時還沒有太多問題，這樣的食譜，夠你數年內不會有健康問題。

第二份，用來交朋友，擴大你的人際圈。這就寬裕了。你的電話費可以用掉100元。每個月可以請客兩次，每次150元。請誰呢？記住，請比你有思想的人，比你更有錢的人，和你需要感激的人。
每個月，堅持請客，一年下來，你的朋友圈應該已經為你產生價值了，你的聲望、影響力、附加價值正在提升，形象又好，又大方。

第三份，用來學習。每個月可以有50元—100元用來買書。錢不多，買的書就要認真閱讀，學會學了就用的精神。每一本書，看完後，就把它變成自己的語言講給別人聽，與人分享可以提高你的信譽度，並且，提升親和力。另外的200元存起來，每一個月參加一次培訓。從不間斷。等收入高一些了，或者有額外的積蓄，就參加更高級的培訓。參加好的培訓，既可以免費結交志同道合的朋友，又可以學習平時難以領悟的道理。

第四份，用於旅遊，一年獎勵自己旅游至少一次。生命的成長來自不斷地歷練。參加那種自由行的旅遊，住進青年旅社，地球其實並不大，每年都出門，幾年下來，就可以把紅旗插到地圖上，許多美好的回憶，成為生命的動力，更加有熱情和能量，去投入工作。

第五份，用來投資。先存起來，也可以用來做進貨的本錢，小本生意很安全，去批發點產品來賣，虧了反正也不多，賺呢，既賺了金錢，又賺了自信和膽量，還賺來做事情的閱歷。賺的錢多了，就可以開始購買長期的投資計劃，使自己提早獲得一份長久的保障，保證自己和家人在將來，不論發生什麼事情，都有一份充足的資金來照顧，生活品質不會下降。

好了，這樣熬了一年，第二年如果你還在拿2000元的收入，那就是你的不是了，這麼不長進，活著也夠丟臉的，看看有什麼品牌的豆腐比較硬，買一點來，用頭去撞吧。
月收入在3000元以下的，一定要兼職賺錢，不要窮，還很有個性，挑三揀四的，這個不願意做，那個沒有興趣。收入不高，一定要非常勤奮，盡量去找跟銷售有關的工作，銷售等。這就是很不錯的兼職工作，既可以認識很多有價值的人，又可以鍛煉自己的信息收集能力和營銷技巧。

衣服啊，鞋子啊，這一年你是得盡量少買了。最好全部通過你的兼職賺的錢去買。當作獎勵自己的一種方式。額外多賺錢的時候，記得買個禮物給你的愛人，謝謝他/她支持你的財務計劃。很坦誠地告訴他/她，為何你那麼勤儉，告訴他/她你的夢想和努力的方向。
到處都有需要幫助的生意人，兼職幫他們做點事情，去磨練自己的意志、口才、和工作能力吧，加上你的理財技巧，第二年，你的收入至少要增加到5000元。最低也應該是3000元，否則你收入的成長還趕不上通貨膨脹呢。
無論你的收入是多少，記得分成五份。增加對身體的投資，讓身體始終好用，增加對社交的投資，擴大你的人脈，增加對學習的投資，加強你的自信，增加對旅遊的投資，擴大你的見聞，增加對未來的投資，增加你的收益。

保持這種平衡，逐漸你就會開始有大量的盈餘。這是一個良性循環的人生計劃。身體將越來越好，得到更多的營養和照顧。朋友會越來越多，存儲許多有價值的人脈關係，同時，你也有條件參加那些非常高端的培訓，使自己各方面的羽翼豐滿，思維寬闊，格局廣大，性格和諧。而你，也就能夠逐漸實現自己的各種夢想，購買自己的需要的房子、車子，並且給未來的孩子準備一筆充足的教育基金。
人生是可以設計的，生涯是可以規劃的，幸福是可以準備的。現在就可以開始。在你窮的時候，要少在家裡，多在外面。在你富有的時候，要多在家裡，少在外面。這就是生活的藝術。窮得時候，錢要花給別人，富的時候，錢要花給自己。很多人，都做顛倒了。
窮得時候，不要計較，對別人要好。富的時候，要學會讓別人對自己好。自己對自己更好。窮要把自己貢獻出去，盡量讓別人利用。富，要把自己收藏好，小心別讓別人隨便利用。這些奇妙的生活方式，是很少人能夠明白的。

窮的時候，花錢給別人看。富的時候，花錢給自己享受。窮的時候一定要大方，富的時候，就不要擺闊了。生命已經恢復了簡單，已經回到了寧靜。

年輕不是過錯，貧窮無需害怕。懂得培養自己，懂得什麼是貴重物品，懂得該投資什麼，懂得該在哪裡節約，這是整個過程的關鍵。別亂買衣服，少買一點，但是可以買幾件很有品味的。少在外面吃飯，要吃就請客，要請，就請比自己更有夢想的、更有思想、更努力的人。
一旦生活需要的錢已經夠了，最大的花費，就是用你的收入，完成你的夢想，去放開你的翅膀大膽地做夢，去讓生命經歷不一樣的旅程。

經典語錄
哈佛有一個著名的理論：人的差別在於業餘時間，而一個人的命運決定於晚上8點到10點之間。每晚抽出2個小時的時間用來閱讀、進修、思考或參加有意的演講、討論，你會發現，你的人生正在發生改變，堅持數年之後，成功會向你招手。

經典語錄:
無論你的收入是多少，記得分成五份進行規劃投資：增加對身體的投資，讓身體始終好用；增加對社交的投資，擴大你的人脈；增加對學習的投資，加強你的自信
增加對旅遊的投資，擴大你的見聞；增加對未來的投資，增加你的收益。好好規劃落實，你會發現你的人生逐步會有大量盈餘。

經典語錄:
過去的一頁，能不翻就不要翻，翻落了灰塵會迷了雙眼。有些人說不出哪裡好，但就是誰都替代不了! 那些以前說著永不分離的人，早已經散落在天涯了。收拾起心情，繼續走吧，錯過花，你將收穫雨，錯過這一個，你才會遇到下一個。

經典語錄:
被人誤解的時候能微微的一笑，這是一種素養；受委屈的時候能坦然的一笑，這是一種大度；吃虧的時候能開心的一笑，這是一種豁達；無奈的時候能達觀的一笑，這是一種境界；危難的時候能泰然一笑，這是一種大氣；被輕蔑的時候能平靜的一笑，這是一種自信；失戀的時候能輕輕的一笑，這是一種灑脫。

作者: 布小熊 時間: 2013-2-8 11:20

This has been reposted from many sites, blogs, fb (https://www.facebook.com/wfcdaily 11 hrs ago)
http://natalie.collect.life.com. ... index&sid=59223

The funny part is... you don't have to pay for basic living! no housing, transportation, none of the living cost is accounted. and you will have at least 50% salary increase after you work for 1 yr! yeah! $2000 increase to $5000 (or at least $3000), wah!

More responses are on the FB and blog site links. but yeah... i guess it's a concept. But the "用來交朋友" part is SO BAD and SO SAD!

作者: 大C姐 時間: 2013-2-8 11:22

I think Mr. lee thinking
李嘉誠）教五年內買車買房.

假設你的月收入只有2000元，你也可以過得很好。我幫 ...
Nam 發表於 2013-2-8 10:41

我又幾同意李嘉誠噃。

好多時我寧願攞錢請人食飯好過買嘢俾自己，反而自己食就食得好簡單。我覺得去social識人係一個最直接最得益嘅活動。好可惜，大部份香港人都係＂門口狗＂自己人面前就巴巴閉閉，一出去見陌生人就扮cool，其實就係唔想露底，出洋相。個defense mechanism就寧願唔出聲唔交流都唔寧願講錯嘢俾人搵到痛腳。西人呢方面就好好多，大部份西人都好懂得禮儀，＂你朋友嘅朋友就係我嘅朋友，我會好好招呼你＂。就算見到唔識嘅人都落落大方問吓你喺邊度住㗎，平日有咩興趣，做咩行業。

另外就係進修嘅概念。香港人讀書就淨係諗住攞張cert幫自己搵工。平日唔會睇書，就算睇，都係一啲講消費嘅書。當然，呢類書都係流行文化嘅一種，但係你透過呢類書認識嘅人咪就係嗰個level嘅人囉，電玩，研究手機，研究相機，研究足球。呢類topic喺你社交圈，同道中人之間無疑係conversation points。但係一出到去大場面，面對唔同層面嘅人，就缺乏宏觀嘅社會常識。更可悲嘅情況係，自己嘅知識不足令其他人覺得你＂無趣＂。人與人交流都係想另對方有所提升。

另外去旅行同投資就更加唔洗講啦。

作者: 布小熊 時間: 2013-2-8 11:33

人若賺得全世界，卻喪失了靈魂

有人拼命掙錢，以爲錢是萬能的，其實金錢並不是萬能的。 ...
librazhy 發表於 2013-2-7 07:40 PM

我寧願我的女兒慢慢咀嚼，先餵飽靈魂。

作者: BiscottiGelato 時間: 2013-2-8 15:25

Problem that money can solve is not a problem. Problem is to have the money. It's just logic.

In terms of how important money is. Money is a vehicle, in it self is worthless. If you spend the money and it trades you an equivilent or more in value of time, health and/or happiness, spend it. People who value money for the money itself is foolish and have lost track of what they actually want out of life. Unless... having an ever increasing net worth brings you more happiness than anything else that you can otherwise use the money to buy.

Well, and obviously there's present value of time, investment (into asset, into yourself, into future earnings ability, or into your relationship circle, anything forward looking), and risk management reasons why you don't want to blow through ur savings immediate, but otherwise i think the above principle of which money in itself being worthless is true..

作者: 大C姐 時間: 2013-2-8 15:43

Problem that money can solve is not a problem. Problem is to have the money. It's just logic.

In te ...
BiscottiGelato 發表於 2013-2-8 15:25

就係好多（香港）人覺得有錢就等如成功。

嗱，你問好多普遍香港人，睇完墨西哥富豪嘅故事，一定同人講＂成功之道在於節儉＂，資產有幾百億就好架勢啦。但係對我嚟講，坐喺金山上面係冇意思，啲錢帶唔走，我唔會臨死之前望住銀行balance嗰幾十個零覺得自滿，覺得做人好有成功感囉。

我亦唔係好明點解啲人咁鍾意儲埋咁多錢俾啲仔女，好老實講，錢係弊多於利，如果我有仔女，我只會供書教學，養育佢哋身心健康就算，一定唔會有錢剩比佢哋（除非天生有缺陷冇自理能力），頂多留自己間屋俾佢哋。

作者: reyes 時間: 2013-2-8 16:16

就係好多（香港）人覺得有錢就等如成功。

我亦唔係好明點解啲人咁鍾意儲埋咁多錢俾啲仔女
大C姐發表於 2013-2-8 15:43

呢個我都唔係咁明, 錢太多俾仔女多數令佢地變得洗腳唔抹腳. 我身邊睇得太多呢D例子

作者: BiscottiGelato 時間: 2013-2-8 17:28

就係好多（香港）人覺得有錢就等如成功。

嗱，你問好多普遍香港人，睇完墨西哥富豪嘅故事，一定同 ...
大C姐發表於 2013-2-8 15:43

If the few more 0s in their web statement really makes them truly happy, good for them. I suspect otherwise tho. Then that's just sad.

作者: 大C姐 時間: 2013-2-12 10:41

呢個我都唔係咁明, 錢太多俾仔女多數令佢地變得洗腳唔抹腳. 我身邊睇得太多呢D例子 ...
reyes 發表於 2013-2-8 16:16

先祝大家蛇年行大運，新春進步，身體健康，恭喜發財！

講返家長對仔女嘅呵護，好多家長看似幫緊仔女成長，其實係剝奪緊佢哋學習成長嘅過程。成日都話＂老豆老母唔會點條黑路你行嘅！＂你日日點住你啲仔女點行，衣食住行都管晒，你啲仔女係行到，不過呢一世都唔識睇地圖唔識搵路囉。

作者: ricrick 時間: 2013-2-12 12:26

有d仔女真係好死蠢，你點可以叫d父母放心比個(心目中)弱智的周圍走？

作者: reyes 時間: 2013-2-12 12:35

你同佢地講, 佢地又話養兒一百歲長擾99
之後死儲難儲俾仔女敗哂

作者: ricrick 時間: 2013-2-12 14:43

令子女敗家，罪魁禍首是自己

作者: 大C姐 時間: 2013-2-12 14:43

有d仔女真係好死蠢，你點可以叫d父母放心比個(心目中)弱智的周圍走？
ricrick 發表於 2013-2-12 12:26

所以呢個都係有錢人嘅咀咒，家財萬貫但係啲仔女係健全白痴，高級低能。

作者: BiscottiGelato 時間: 2013-2-12 15:54

令子女敗家，罪魁禍首是自己
ricrick 發表於 2013-2-12 14:43

Kids are shaped by their experiences. Aside from genetics, they start from a blank sheet. And who has the most ability to control their experiences? The parents.

Kinda like, there's no bad dogs, only bad owner. There's no bad kid, just bad parents. I agree with that. Not saying that it's easy to be good parents.

Take Warran Buffet. Rich doesn't make you have bad kids. It's more what kind of parents you are.

作者: 大C姐 時間: 2013-2-13 22:01

Kids are shaped by their experiences. Aside from genetics, they start from a blank sheet. And who ...
BiscottiGelato 發表於 2013-2-12 15:54

咁係人都知貓係動物，動物唔一定係貓。

但係好多富二代都有呢個通病，亦要講，窮小孩一樣有某啲共通缺點。

總之錢可以幫到你又會害到你囉，所以我唔願做有錢人。有錢最好唔好俾人知，有多餘錢就做善事或者洗咗去。

歡迎光臨溫哥華老友記討論區 (http://loyaukee.com/forum/)