重記唔記得細個時先生教我哋寫呢個字，正確嘅寫法應該係寫［麪］，而唔係［麫］，亦唔係［麵］，而呢個［面］就一般都覺得係留翻嚟〔洗〕嘅。
喺小學嗰時，先生一直提醒我哋：［中國人要正確咁運用中文字，有好多大人都會用錯同寫錯架］，當時先生亦提到：［現代嘅小學生錯別字實在太多，你哋都要記住正確嘅用法，先至唔會喺第日用錯咗畀人哋笑］。不過，先生就唔會知道，之後嘅學生錯別字問題越來越嚴重，如果當年寫［麵］或者［麫］就會畀人笑，咁依家識得將正確嘅［麵］或［麫］寫出來嘅人已經越來越少。而我哋自己亦從來未真正搞清楚點解真正嘅寫法係［麪］。
［麪］點解係咁寫呢？因為［麪］呢個字係從［麥］同埋［丏］而來嘅，而［丏］呢個字有遮蔽、或唔見咗嘅意思。［麪］係麥磨成嘅細粉，容易散失唔見。所以，字形上就將［麥］加上［丏］，合起來就係［麪］；另外，屬於［麥］類嘅嘢，所以左邊用［麥］嘅字形，我哋一睇就知道呢樣嘢嘅來源，而右邊嘅［丏］，就成為呢個字嘅讀音［min5］，呢種字就叫做［形聲字］。
當然，依家［麫］、［麪］、［麵］呢幾個字都通用咗，而呢個［面］字亦有好多人會攞嚟〔洗〕同埋攞嚟〔食〕添。
細個時，先生一定要我哋知道中文字嘅正確寫法，重話咁樣先至可以保持中國文化嘅精髓〔耳提面命〕。喺當時覺得，係好古板嘅提醒，喺依家睇來，佢哋又真係意味深長。中國文化係要透過真正瞭解精神同精髓去真正承傳，而唔係只係有形無實，只係學寫字形而唔知字意，只有文字嘅軀殼而冇曬精神意涵嘅。
文：大塋學習［Ｎ年前］
| 歡迎光臨 溫哥華老友記討論區 (http://loyaukee.com/forum/) | Powered by Discuz! 7.2 |