溫哥華老友記討論區 - Powered by Discuz! Board

標題: 轉載旺角騷亂消息被捕市民遭警監控兩年決定移民 [打印本頁]

作者: Quest 時間: 2018-8-29 21:14 標題: 轉載旺角騷亂消息被捕市民遭警監控兩年決定移民

【161惡法】轉載旺角騷亂消息被捕市民遭警監控兩年決定移民

                                當網上言論成濫捕藉口，及早離去或是唯一出路。程先生（化名）前年疑因於社交平台轉載旺角騷亂現場消息，遭警察以不誠實取用電腦罪為由上門拘捕，糾纏兩年，警方終表示不予起訴。但他因此失去工作之餘，又遭網絡監控，生理心理飽受煎熬，已決定年底移民，逃離香港：「好多嘢不斷崩壞，我仲可以點樣留喺度呢？」



                                需要輪班工作的程先生憶述，當晚留意到旺角發生警民衝突，於是透過facebook賬戶轉載現場消息，「淨係話有啲動物喺邊度」，而該「動物」即是「龜」，不久後即收到家中妻子來電，指有警員登門尋人，不久後就在公司被數名警員鎖上手扣拘捕，「話我參與暴動同不誠實取用電腦」。



                                程先生稱，他因工作關係整晚未有離開公司，「有晒CCTV紀錄可以證明」，亦不知道留言有何違法，「除非你自己認係嗰種動物啦」。他被捕當晚，扣押助查逾17小時始獲准保釋離開，隨身電話、手提電腦及平板電腦則被收走，「結果第二日返到公司，老闆話唔使再返工嘞」。



                                失去工作仍可以靠散工度日，但每月到警署報到才是對生活最大滋擾，程先生指，報到每次都要花上數小時，「話等律政司意見，等極都冇聲氣」，而警員的問題更越來越深入，「會話見到你網上講過乜嘢，又話留意到我搞網店賣乜嘢」，他始知一直被網絡監控。



                                程先生想過踢保，「但如果佢真係夠料起訴我，隨時判得仲重」，至兩年後方獲告知不會檢控。事後他一度打算向警方索償，但聽取法律意見後打消念頭，「律師話唔係唔告得，但成本好高，攞番都可能得好少，可能得個名」。



                                生於70年代，程先生說，曾經深信香港警察及司法制度可保障市民，但經過事件後已不敢再有期望，「可以隨時拉一個人，然後話冇嘢，而我又冇得追究」，亦不敢再在網上批評政府或論政，「講吓飲飲食食咪算囉」。他現時已申請投資移民，最快年尾離開，「（對香港）信心冇晒啦，唔係點解要走啊？」



                                記者佘錦洪

歡迎光臨溫哥華老友記討論區 (http://loyaukee.com/forum/)