"我在跟你爭執那時 狂得可以逆插起一束玫瑰
沒有花樽可以養活約誓 但有荊棘可使我淒厲
仍在想 想一齊 想華貴..."
我有一個朋有﹐化名露西﹐佢嘅愛情生活比我任何一個朋友都轟烈﹐有戲劇性。
露西有一鋪癮﹐就係鍾意一D唔應該鍾意嘅人。記得剛剛認識露西嘅時候﹐俾我嘅感覺係一個標準靚女。有樣有身材﹐甚至有腦。但係佢總係搭上一個又一個已婚嘅男人。開心嘅時後﹐就話晒俾D朋友聽﹐同個男人去邊度邊度旅行﹐送咩咩手飾俾佢呀。唔開心嘅時後﹐就顛晒問點解。我哋一班姊妹對呢D"隱形男友"其實一早已經睇淡晒。雖然間中露西有同一D正常單身嘅男人拍拖﹐但係佢哋永遠俾唔到佢愛情中嘅神秘﹐偷偷摸摸嘅刺激。
年幾前﹐露西又好雀躍公開一段新戀情﹐聽講係佢讀緊進修班嘅同學啵。知道佢摘偶一向獨特﹐我哋當然心知不妙啦。話雖如此﹐我哋估都估唔到﹐佢今次竟然會搭上一個癮君子。
世事如棋局局新﹐我諗最可笑又最諷刺係﹐佢哋兩個一齊讀緊心理學﹐主修嘅係"戒毒"。露西同我哋講﹐呢個男仔除左有食白粉呢個惡習之外﹐對佢都算係忠心。佢仲話俾我哋聽﹐"邊個無缺點? 我以前都有白粉癮啦。" 呢個我哋真係從來無聽過﹐不過佢咁講我哋咁聽啦﹐口買口賠。最戲劇性係﹐有一次露西去佢男朋友屋企﹐望見成檯都係粉﹐佢掙D控制唔到自己﹐食埋一份。其實唔好話佢﹐俾著我﹐當年望見吸左啦。唔通我又有白粉癮?
唔好撐太完﹐講翻露西﹐其實佢嘅故事我無繼續追看。只係知道﹐佢哋兩個搬左去Prince George﹐繼續讀書。過年前只係通過短信﹐講句happy new year。我諗﹐再見露西嘅時候﹐佢可能已經又搭上另一個人﹐有一個唔同嘅drama。
你可以會問﹐點解我會知咁多嘢。露西其實仲有一個怪癖﹐無論喺佢身上發生咩事﹐幾唔道德﹐幾有問題﹐佢都好樂意同朋友分享。我諗﹐佢真正上癮嘅係﹐愛情同生命中帶俾佢嘅不幸﹐同埋被人拋棄冷落之後做嘅受害者角色。
-- 夜生活女王大C姐
[ 本帖最後由 大C姐 於 2009-1-19 20:45 編輯 ] |
發表於 2009-1-19 19:35
| 
