有性無愛有愛無性 -- 大C姐同你解構性/愛

大C姐

道德表準呢D我真係唔識評。

我唔係咩社會系教授同咩教權威。

我個人覺得思想要開放﹐行為可以保守。但係以家D人搞到思想封閉﹐又唔識性知識﹐又一知半解﹐又對性無研究﹐但係就好愛囉嚟講﹐扮到好open。

其實婚前性唔性行為呢D好old school﹐你自己鍾意無咩所謂。唔做又唔代表保守﹐你可能有個人教會obligation姐。即係等於有D人初一十五食齋。

但係有D人結左婚﹐男女都有﹐完全無諗過點享受性愛﹐亦唔注重性喺關係裡面嘅重要性。性係應該得到快感﹐得到安慰﹐得到安全感﹐得到愛嘅感覺﹐所以先會叫做"做愛"。你話有愛無性得唔得﹐其實就根本係一個問題啦﹐一段關係如果無性趣﹐無sexual attention﹐聽住啦ladies and gentlemen﹐係一個友情。

性係咪一定等於愛呢個係好多人嘅誤解。愛撫﹐錫﹐同埋其他身體接觸﹐如果令你有快感﹐性興奮﹐或者高潮都可以攝入為性。當然﹐一般普遍法律上解釋性行為都係比較specific係因為某程度上方便行政。所以D蛋散唔好回一句"咁你即係話同未成年濕吻同有身體接觸犯法姐﹗" -- 講多次﹐法律不代表所有社會道德表準或生理同科學嘅解釋。

尤其港女好多都淨係囉性嚟做一個任務﹐或者獎勵男友嘅一個方法。做又未必投入﹐亦唔去研究自己身體。無高潮就覺得"女仔好多時都無架啦"就久而久之覺得有愛無性都得﹐甚至覺得好正常。

呢個世界個基本生物本能係繁殖﹐當然好多人可以argue人類有思想有文明同其他生物有別。但係人都係動物﹐離不開七情六慾。只古以來都好appreciate呢方面嘅需要﹐而覺得做愛係一個非常文明﹐非常合情合理嘅行為。如果兩人決定結合﹐又無"性"(我嘅解釋)﹐就好可能係有心理/生理病。老實講﹐一段有愛無性嘅關係﹐同一段有愛但係一方面有性冷感嘅關係係兩回事。如果同你partner無性趣﹐你要先問自己係咪同所有人都無呢?如果係﹐就請見醫生﹐因為呢個可能係病。

如果結左婚好耐﹐性生活減少﹐又或者生活壓力﹐生理/心理病而有性冷感呢D又係另一個課題。


-- Miss Sex

ricrick

Miss Sex，hehe，好懷念呢個名，好童年feel

ricrick

不如C姐你討論/教下點樣到達你的G點啦

大C姐

我聽到有人講性係cherry on the cake真係嚇親我。

ricrick

吾好ignore 我啦

如果女仔投入但無高潮,正常?

大C姐

原帖由 Anonymous 於 2009-2-23 22:58 發表
如果女仔投入但無高潮,正常?

如果女仔投入但係無高潮﹐都有幾個可能性。

一﹕心理/生理。個女仔係咪無咩經驗? 係咪一向都無高潮? 如果之前有﹐突然無﹐或者對手唔同所以無都有好多可能性﹐建意見醫生。
二﹕一般短暫性冷感。可能有壓力﹐賀爾蒙失調﹐多嘢諗﹐性愛時都可能唔能夠放鬆。如果係長時期可以試下學跳舞﹐做yoga,多D發掘一D令自己感覺sexy嘅活動。甚至乎需要同partner配合﹐要多D同partner communicate你點先有感覺。雙方要多D互動同creativity。試多D唔同方式﹐包括前戲﹐可以令自己更加了解性興趣。


-- Miss Sexy

rainbow-davie

一篇令人感動既文章.  
love u

大C姐

原帖由 rainbow-davie 於 2009-2-23 23:18 發表
一篇令人感動既文章.  
love u

多謝﹐我有好多gay fans。

如果女仔前戲有高潮﹐但係性愛時無高潮,正常?
女仔害怕告诉他