溫哥華老友記討論區 - Powered by Discuz! Board

標題: 中國不高興? [打印本頁]

作者: ricrick 時間: 2009-5-7 23:48 標題: 中國不高興?

[youtube]I1iPlMY9DSM[/youtube]
[youtube]tb8jPZArfow[/youtube]
你認為中國若沒有共產黨管治，便會出現亂子？
為何親共，又總是不認親共呢？

作者: matt72178 時間: 2009-5-8 04:20

Thanks for sharing~
劉江華無呢個料同毓民辯論, 如果他多點墨水, 呢個辯論會更好睇。

Quote from kamina1949:

總的來說,哨牙仔的議論技巧有五
一. 屈人,e.g.說對手反共等於要推翻中共政權;
二. 爭取主導權,e.g.主動發言帶對手遊花園,減少對手攻擊機會;
三.迴避攻擊,e.g.迴避"64", "親共"等問題;
四.扮理性,e.g.當他挑釁對手後或自己處於劣勢時,扮理性去阻止對手攻勢"你要平心靜氣"
五.偷換概念,e.g.爭取對手在事實上的認同,企圖引申到立場上的認同"你都認同xxx,所以既然這樣便大家都是yyy"
果然係信佢少少都會奶野.

作者: soli 時間: 2009-5-8 10:15

本帖最後由 soli 於 2009-5-8 11:20 編輯

好似話過幾日D立法會議員要返大陸幾日做咩考察﹐ 會發臨時回鄉証﹐ 唔知顛狗有無份。
而家劉江華逼到顛狗認話要推翻共產黨﹐ 有埋錄影做證據﹐ o甘條顛狗返大陸時D公安咪可以明正言順o甘捉狗告佢顛覆國家罪囉~

作者: Lik 時間: 2009-5-8 14:32

國黨呢個歪理只係會響極權社會裡面先至出現。一個文明嘅社會裡面，要有政黨輪替，咁制度先至能夠不斷改善。而每一次選舉，如果執政黨輸咗嘅話，咁咪即係俾在野黨推翻咗囉。響文明嘅社會裡面，每 3 至五年都有一次不流血政變嘅可能性㗎啦？

假如中國有民主，老共俾人推翻、攪到要倒台又有咩咁奇怪？ Soli 你呢庭支持一黨專政同極權主意嘅人，咪又只係響度偷換概念？

-力

作者: rainbow-davie 時間: 2009-5-8 14:43

中國有民主, not necessary 老共俾人推翻. it may , it may not be. but ppl in China has a choice, and the right to express their political view to approval or disapproval the government & leadership.

作者: Lik 時間: 2009-5-8 15:15

中國有民主, not necessary 老共俾人推翻. it may , it may not be. but ppl in China has a choice, and the right to express their political view to approval or disapproval the government & leadership. ...
rainbow-davie 發表於 2009-5-8 14:43

Agree.

作者: Lik 時間: 2009-5-8 15:16

國=黨呢個歪理只係會響極權社會裡面先至出現。
Lik 發表於 2009-5-8 14:32

Ugh... should have been 國=黨

作者: soli 時間: 2009-5-8 21:42

好可惜晌大陸係將國=黨﹐呢個係人地既內政﹐係唔係歪理﹐加拿大人無資格評論﹐就好似中國唔會干涉加拿大同性婚姻合法一樣。
而家D人成日話要多元﹐何況個個國家既國情都唔一樣﹐ o甘點解全世界都要奉行一種制度先叫好先叫文明?
其實我諗大家唔會o甘無聊﹐ 因為想俾人話係所謂“文明”﹐所以要先要民主掛。
多黨制同一黨專政其實各有各好。民主國家亦唔一定俾一黨專政成功。
劉江華認為即使係一黨專政﹐亦可以自我完善﹐帶領中國走向富強之路﹐又有何不可?
有幾多人認為實行民主制度既印度比中共做得好?
泰國示威政府一樣派軍隊開槍鎮壓﹐不過西方無興趣妖魔化件事。

作者: Lik 時間: 2009-5-8 23:40

Soli，你又完全錯晒喇。無錯，國=黨呢樣野的確係中國嘅內政。其他人無權去做嘅只係強逼中國去放棄呢件事，但評論，甚至係批評呢個政策係好定係壞，卻係任何人都可以做嘅。呢個咁簡單嘅概念叫做言論自由，不過我諗你都唔明白佢過中嘅真諦㗎喇～

Democracy 同 authoritarianism 當然係各有各好，但當你一旦計埋權力對人性嘅腐化、既得利益者對於改變現狀嘅抗拒等等，你好自然就會得到一個結論：靠自我完善來進步實在係太慢。而響呢個蝸牛式嘅進度之下，每日都會不停咁有太多嘅唔公義不斷發生。汶川地震同豆腐渣工程就係近期最好嘅證明。使問，響一個要對人民負責嘅民主社會裡面，豆腐渣工程裡面嘅苦主會好似依家咁有冤無路訴嗎？政府同官員又可以唔還返一個公道俾人民嗎？一個民主社會裡面，政府可以噤住一個咁大規模嘅新聞消息嗎？就算老共依家一權獨攬佢都噤唔住啦？

-力

作者: soli 時間: 2009-5-9 07:50

本帖最後由 soli 於 2009-5-9 08:54 編輯

我打漏左個字﹐我其實係想話加拿大無資格﹐你小小加拿大人發下up風當然係無咩所謂啦~
何況我都有言論自由認為咩人無資格評論咩事。lol

我又唔覺得好似美國o甘兩黨制有咩分別﹐都係既得利益者之間既鬥爭﹐亦未必會越選越好﹐就好似克林頓落台之後小布殊當選o甘﹐都公認係越做越衰。
反之睇下中共短短六十年執政﹐毛澤東死後﹐國家領導人卻越做越好﹐中國既發展亦欣欣向榮。

一般黎講﹐都係政府做得衰﹐人民先會要求改變。(加拿大就例外﹐做得好都會被推翻﹐因為太多痴線既人。)
但而家中國越做越好﹐卻有人想要中國既政治制度黎一個大改變﹐o甘係有咩居心呢?
係咪就係想中國亂呢?
講到貪污腐敗﹐bowtie之前都講過﹐民主唔係靈丹妙藥﹐同樣係港英獨裁政府統治下﹐廉政公署成立後﹐香港既貪污情況有極大改善呢個亦係事實﹐所以是否能改善貪污﹐靠既唔係民主制度﹐而係政府既決心。
豆腐渣工程係咪因為貪污腐敗所致﹐定係原本當地就無一套防地震既標準﹐我地難以得知。一味想當然而黎醜化大陸又係有何居心呢?
如果要比較﹐當年臺灣大地震﹐好多樓房倒塌﹐亦發現好多偷工減料工程(我記得有用餅乾罐當鋼筋)﹐但最後咪一係不了了之﹐一係就將責任推晒俾D工人﹐無一個建築師要上身。不過香港人無興趣醜化台灣o者。

歡迎光臨溫哥華老友記討論區 (http://loyaukee.com/forum/)