溫哥華老友記討論區 - Powered by Discuz! Board

標題: 阿嬌認打Botox纖滅甲組腳 [打印本頁]

作者: wow 時間: 2009-6-23 14:14 標題: 阿嬌認打Botox纖滅甲組腳

阿嬌認打Botox纖滅甲組腳

阿嬌認打Botox纖滅甲組腳
首次挑戰舞台劇的鍾欣桐，為了以最佳狀態上陣，毅然打Botox告別肥腫小腿及手臂，更勇敢自爆被封「甲組腳」的慘痛經歷，認真專業！

英皇娛樂投資6位數字、鍾欣桐（阿嬌）首度演出的舞台劇《星爸亞爸》，將於8月27至30日在演藝學院演出，為了隆重其事，除劇中演員邵美君及劇帝陳淑儀外，英皇高層吳雨與霍汶希（Mani）等昨日亦有出席記者會。席上，阿嬌雙腳跪地斟茶給劇中老竇陳淑儀進行上契儀式，而陳淑儀則回贈雞毛掃，寓意她綵排時狀態「Fit」爆！

被指打Botox瘦小腿及手臂的阿嬌，昨日所見明顯消瘦不少，但左手出現淡黑色瘀痕。她坦言以7位數字酬勞擔任Dr. Pro美容院代言人，更直認打Botox：「其實我減咗唔係好耐，約個幾星期，打到隻手有啲瘀。（腳瘦咗幾多？）未度，唔係即刻瘦，要慢慢收番個線條。」她表示每邊小腿打了20針：「因為Botox打落肌肉度，要半年打一次，打完後小腿真係瘦咗，以後露小腿都冇問題。（打落塊面度？）唔會，塊面冇乜肉。」
自認夠使唔豐胸

她還自爆腳粗帶來的慘痛經歷：「呢個問題困擾咗我好耐，讀書嗰陣已經畀人話『甲組腳』，入行後又畀人話腳粗。（目標減幾多？）要着絲襪唔會歪，以前買Boot好煩，拉鏈拉唔上，因為隻腳粗得滯。」在旁的霍汶希忍不住插嘴說：「因為唔想阿嬌做舞台劇有顧忌，佢隻腳粗，成日要着長褲同長Boot，我哋唔想畀人話佢揀衫着！」

不過，阿嬌強調絕不接受面部整形及豐胸：「手腳就OK，因為最難減，之前做機都減唔到。（豐胸呢？）唔會，唔係好啱我嘅感覺，我夠喇！（怕唔怕畀人話整容？）整隻腳冇問題。」問到會否穿泳衣拍廣告，霍汶希即說：「冇咁嘅需要，會着短裙拍。」

索爆期打Botox後，阿嬌的手臂及雙腿已纖瘦不少。

粗碌期熱愛運動的阿嬌，一雙粗髀曾被嘲「甲組腳」，雙臂亦十分圓潤。（資料圖片）

阿嬌在處女舞台劇中，與劇壇前輩陳淑儀及邵美君（左）切磋演技。

阿嬌跪地斟茶，與劇中老竇陳淑儀上契。

大批Fans出席記者會，為阿嬌打氣。

SoSo姐金句：再見甲組腳，短裙唔怕着。

阿嬌打Botox告別甲組腳
鍾欣桐（阿嬌）復工後愈戰愈強，更將首演舞台劇挑戰演技。為了以最弗狀態上陣，阿嬌承認打Botox減去手腳肥肉，但整容和豐胸則免問，她笑說：「寧願整瘦對甲組腳。」

英皇娛樂投資六位數製作超爆笑舞台劇《星爸亞爸》，將於八月假演藝學院公演六場，昨日阿嬌、劇帝陳淑儀、演員邵美君出席記者會，期間阿嬌向劇中爸爸陳淑儀跪地斟茶進行上契儀式。首次做舞台劇的阿嬌坦言壓力大：「劇本好厚，絕對唔可以錯，拍戲可以NG，但台上絕對唔可以。」
為美容院代言

穿上長tee加leggings的阿嬌，明顯瘦了兩個碼，「bye bye手」和甲組腳都不見了，她說：「係呀，瘦咗好多，因為簽咗Dr.Pro美容院做代言人。（有傳你打Botox？）打手、腳囉，塊臉唔使打，已經冇乜肉，整容唔會考慮。（豐胸呢？）唔會，我夠嘞。」阿嬌謂在小腿和手臂打Botox，每隻腳打了廿針，而左手還打到有點瘀，她說：「因為大髀打Botox仲未完全證明到安全，所以冇打大髀，不過小腿就冇問題。」
曾被腳粗困擾

問她怕不怕被指打Botox整容？阿嬌笑說：「整隻腳冇問題，最緊要瘦到，呢個問題困擾我好耐，讀書時已經畀人話甲組腳，入行到依家都畀人話腳粗。」英皇唱片及藝人管理部總監霍汶希解釋：「之前阿嬌成日着長褲、長boots遮掩，但舞台劇造型就唔想有呢個顧慮，唔想畀人話佢揀衫着。」

今次阿嬌收七位數做美容院代言人，問會否着泳衣拍廣告？她說：「唔使，短裙啫。（目標減幾多？）瘦得靚，愈瘦愈好，以前買boots好煩惱，隻腳粗得滯拉唔到拉鏈。」

阿嬌打Botox減去小腿肥肉，難怪身形看上去瘦了一個碼。

阿嬌被腳粗問題困擾已久。（資料圖片）

阿嬌向劇中爸爸陳淑儀跪地斟茶進行上契儀式。

鍾欣桐（阿嬌）同舞台劇演員陳淑儀、邵美君噚日喺灣仔演藝學院，為舞台劇《星爸亞爸》舉行宣傳活動，阿嬌同陳淑儀喺劇中扮演兩父女，於是阿嬌作狀跪地斟茶畀陳淑儀上契。
認受腳粗困擾

日前有消息話阿嬌去美容院打 Botox瘦身及脫毛，阿嬌噚日身穿短袖印花上衣襯上黑色貼身褲，她明顯收身，不過手臂上多咗啲瘀痕，阿嬌非常坦白咁直認打 Botox，佢話：「我做咗美容院代言人，手同小腿都打咗 Botox接近兩星期，每隻腳大約十幾廿針，最緊要係瘦到，因為腳粗問題困擾咗好耐，家線條慢慢自然瘦番。」阿嬌強調只會接受手腳整形，面部或者豐胸絕對唔會考慮。

英皇出紀念冊

此外，英皇娛樂為慶祝十周年，稍後會推出一套紀念冊連相架，集齊英皇藝人出道至今新舊照片及真情剖白，包括謝霆鋒、容祖兒及蔡卓妍等，不過馮仁昭睇番 EEG嘅陳年晒冷海報有啲感慨，因為其中有好多已經蟬過別枝，好似有鄭伊健、陳冠希、羅嘉良、陳奕迅咁，各自各精采，至於同小小超添咗個小小小超長治嘅梁洛施，喺海報度都有出現。

一向自認四肢粗壯嘅阿嬌，鼓起勇氣打針瘦身，見佢隻手臂打到瘀咗一撻（小圖），咪話唔得人驚。阿嬌向劇中嘅爸爸陳淑儀跪地斟茶。

阿嬌做舞台劇，要跪阿爸之餘，仲要俾阿媽打㖭。

阿嬌承認打Botox踢走粗腳

鍾欣桐（阿嬌）與「劇帝」陳淑儀及邵美君，出席由英皇娛樂投資六位數字的舞台劇《星爸亞爸》記者會，由於阿嬌在劇中飾演陳淑儀女兒，現場更舉行上契儀式，阿嬌跪地斟茶給對方，而陳淑儀則送上雞毛掃給阿嬌，邵美君說：「要『弗』阿嬌，希望佢排劇時可以好Fit！」首次演舞台劇的阿嬌坦言感壓力，她說：「劇本好厚，加上唔可以NG。」對於有指她打Botox，阿嬌亦承認：「係呀！因為我一直都有甲組腳，手同腳都有打，加上我係間美容院代言人。」

一度暫別幕前演出的鍾欣桐(阿嬌)，直至早前才正式復工，有雜誌拍到阿嬌到美容院打Botox減手臂及象腿，昨日阿嬌出席舞台劇記者會時，一向好肉的她突然消瘦了，她亦大方承認靠打針減肥，誓要告別象腿。

　昨日阿嬌到演藝學院出席舞台劇《星爸亞爸》記者會，吸引了不少傳媒到場，大會又安排幾十名fans撐場。同場還有其他劇中演員陳淑儀及邵美君等，阿嬌更即場進行模擬上契儀式，向扮演父親的陳淑儀跪地斟茶。

跪地向契爺「上契」

　首次演出舞台劇的阿嬌，將於八月底演出六場舞台劇，劇中阿嬌與陳淑儀飾演父女，邵美君飾演陳的女友，大會安排的上契儀式，阿嬌亦做足全套，跪地向契爺陳淑儀斟茶，邵美君亦送雞毛掃給阿嬌，寓意她橫掃舞台劇壇。

　首次演出舞台劇便能與兩位資深舞台劇演員合作，阿嬌賣口乖說：「之前睇《男磨坊》都覺得陳淑儀老師演出好出色，睇到眼球都幾乎跌落地下，邵美君亦都演乜似乜，加上舞台劇無得NG要執生，劇本又厚，所以好大壓力。」

療程暫時只需個多星期

　昨日有雜誌拍到阿嬌，指她到美容院打Botox減手臂及象腿，無獨有偶一向「好肉地」的阿嬌，確實清減不少。阿嬌亦大方自爆受人錢財減肥，剛以七位數字簽約出任「Dr. Pro專業醫生美學中心」代言人。經常被取笑「象腿」的阿嬌，自嘲說：「我之前著Boot都拉唔到拉鏈，所以早前在手臂、小腿打Botox，每隻腳都打了二十針，我覺得無問題，同事都話我隻腳瘦了，療程暫時只有個多星期，以前讀書跑步唔知腳粗有乜影響，現在才知影響那麼大。」不過她強調不是整容，只是想減去象腿，因入行至今都被指腿粗。

面部無肉不用打針

　其經理人Mani指阿嬌此舉是不想演出舞台劇時在服裝上有顧慮，她說：「以前都是著長衫、褲，演舞台劇唔想揀衫，盡量唔好有局限。」問到阿嬌未來是否會改穿短裙？她就推說要問形象指導。問到會否在臉孔打Botox美容？阿嬌坦言不排除這個可能性，但她面部都無肉不用打針，手腳就比較難減。她收取厚酬出任代言人，是否還包括做豐胸代言？阿嬌笑道：「我夠啦，都唔我個Feel，我會做脫毛，有機會仲想打大髀，因為現時大髀打Botox唔安全。」問到會否穿泳衣拍廣告? 阿嬌不諱言不會了，覺得無需要，只會穿短裙上陣。

作者: B仔 時間: 2009-6-23 14:40

噢。。。
原來賣廣告～

作者: khaki 時間: 2009-6-23 16:28

噢。。。
原來賣廣告～
B仔發表於 2009-6-23 15:40

x2!

作者: meowmeowmeow 時間: 2009-6-23 21:11

... sigh...

作者: siumaibb 時間: 2009-6-24 07:59

算罷啦，我係佢就一係去拍甜片，一係就坤條有錢佬然後收山

作者: Littleprince 時間: 2009-6-24 08:01

算罷啦，我係佢就一係去拍甜片，一係就坤條有錢佬然後收山
siumaibb 發表於 2009-6-24 08:59

羊生唔會甘易準她收山﹐咪話我話喇。。。
這樣的一株搖錢樹﹐唔係點會最慘的時候還要她走出來笑﹖她又沒有衣沙貝拉好彩﹐比李公子看中。。。

作者: B仔 時間: 2009-6-24 08:18

羊生唔會甘易準她收山﹐咪話我話喇。。。
這樣的一株搖錢樹﹐唔係點會最慘的時候還要她走出來笑﹖她又沒有衣沙貝拉好彩﹐比李公子看中。。。
Littleprince 發表於 2009-6-24 09:01

冇錢搖的樹還是棵搖錢樹嗎？
亞Q本來咁長壽，無啦啦噠Q。。。推佢出嚟繼續做，話哂都係個姐仔，仲可以搵吓老細陪嘛～
佢都慘喇，淪落到要賣人工美女廣告。。。要同D搏上位嘅姣婆姐仔鬥生意。

作者: siumaibb 時間: 2009-6-24 08:57

冇錢搖的樹還是棵搖錢樹嗎？
亞Q本來咁長壽，無啦啦噠Q。。。推佢出嚟繼續做，話哂都係個姐仔，仲可以搵吓老細陪嘛～
佢都慘喇，淪落到要賣人工美女廣告。。。要同D搏上位嘅姣婆姐仔鬥生意。 ...
B仔發表於 2009-6-24 08:18

我覺得亞sa慘d，無端端變左閃卡案陪葬品

作者: ecwkwok 時間: 2009-6-24 11:10

不如做美白產品代言人仲好喇。如果可以將產品效果image放做巨型海報，放係紅隧入口上面就very good 喇。

作者: siumaibb 時間: 2009-6-24 13:06

不如做美白產品代言人仲好喇。如果可以將產品效果image放做巨型海報，放係紅隧入口上面就very good 喇。
ecwkwok 發表於 2009-6-24 11:10

白鮑，一樣恐怖

作者: B仔 時間: 2009-6-24 13:17

白鮑，一樣恐怖
siumaibb 發表於 2009-6-24 14:06

LASER代言人：一品一頭光鮑。

作者: Littleprince 時間: 2009-6-24 13:40

不如做美白產品代言人仲好喇。如果可以將產品效果image放做巨型海報，放係紅隧入口上面就very good 喇。
ecwkwok 發表於 2009-6-24 12:10

一定接好多投訴﹐你知D賭仔喇﹐成日比呢D對住肯定“睬睬”聲

作者: tofu 時間: 2009-6-24 16:12

so sad....cannot be 玉女 anymore.

作者: myversa 時間: 2009-6-25 14:08

13# tofu

She cannot be 玉女 forever...

歡迎光臨溫哥華老友記討論區 (http://loyaukee.com/forum/)