真面目 : 網上揞名爆　明星衰大貪臭史

本帖最後由 wow 於 2009-7-5 17:06 編輯

集郵女星、召妓男星又 S 小姐 … … 揞名爆愈揭愈多，總之一味靠估。早前發生疑似郭可盈的電話錄音外洩事件，事後在網上電台「潮頻道」中的爆料節目，過氣艷星李思蓓和嚴淑明加把嘴爆料，最近又有新發現。
上週五兩人在節目中，揞名大爆藝人名模貪小便宜臭史，又踢爆三色台花旦「鬼妹公主」為攞名牌靚衫，主動向名店高層送上門，搞到辣㷫電視台話事人，事後慘送入雪櫃被罰。
有傳廖碧兒無辜變嫌疑者，週一身為主持的嚴淑明對本刊不置可否，只說：「哈哈哈 … … 唔好開名喇！」

特徵
‧ 外國回流
‧ 樣貌甜美
‧ 當時男友為男士瘦身代言人

曾有「話題女王」又傳過係變性人的嚴淑明，上週五（ 19 日）和另一主持李思蓓，在阿叻陳百祥開設的網上電台「潮頻道」的《娛樂我明串你》內，大爆花旦臭史。（以下為內容節錄）

「鬼妹公主」冧老外  衫
嚴：嚴淑明李：李思蓓　
嚴：三色台有個喺外國返嚟、好甜好 sweet 嘅花旦「鬼妹公主」，當時冇人覺得佢原來咁識玩手段、咁貪心。話說佢同我代言嘅纖體公司老闆娘好熟，而老闆娘個女嘅鬼佬男友，係一間連鎖名店嘅晚裝 supplier 。每年台慶都有好多藝人借衫，「鬼妹公主」唔知點樣攞到鬼佬個電話，然後上咗去佢間 workshop 揀衫，而鬼佬亦贊助咗一件畀佢，「鬼妹公主」後來成日帶埋爸爸，或者自己一個上 workshop 探鬼佬添！
李：咁後來件事有冇穿煲？
嚴：有一日，個鬼佬好 guilty 咁同老闆娘個女話：「對唔住，我做錯咗事，我受唔住誘惑呀！」跟住就畀咗張相佢睇，事後佢話睇完即時扯火，我諗可能係一啲好親密嘅相。鬼佬後來想撇甩「鬼妹公主」，咪惟有不斷借衫畀佢囉！由於老闆娘同三色台高層 × × （節目播出時以嘟嘟聲代替）好熟， × × 了解件事後就雪咗「鬼妹公主」喇！

2 高層揭盅
據嚴淑明所講，「鬼妹公主」事後知衰，返電視台上高層間房喊，求對方畀次機會，但該高層只同佢講：「如果你真係想做，你就去搵 × × × 啦，佢肯幫你㗎喇！」由於嚴淑明將三色台兩位高層的稱呼與名字都開咪講了，故播出的時候，高層稱呼是以「嘟嘟」音代替。不過據節目幕後人員向本刊透露，當日嚴在節目內說出的 2 個高層名字，分別是珍姐（曾勵珍）和陳志雲。
週一（ 22 日）記者致電嚴淑明，對於廖碧兒成為嫌疑之一，她沒有強烈否認，仲話嚟緊節目有更爆嘅料喎！
F ：《 FACE 》　嚴：嚴淑明
F ：網友估「鬼妹公主」係廖碧兒？
嚴：唔 … … 我哋應該要尊重人，或者犯錯嘅會改過呢！
F ：有工作人員話畀我哋知，兩個高層係曾勵珍同陳志雲喎？
嚴：吓 … … 哈哈哈，都係唔好開名喇，我哋唔係想搞是非，只係想話畀聽眾知明星都係普通人！
係囉，唔開名仲有排估囉！

兩單碎料
除咗「鬼妹公主」，嚴淑明在上週五的節目中仲有幾單碎料爆，包括「大笑哥」同「貝殼 model 」貪小便宜，想聽足版可以上「潮頻道」網站： http://hk.uonlive.com/pro/EMU

「大笑哥」拍劇搶餅
近期勁紅的「大笑哥」，有次去一間著名餅店拍外景時，借啲意拎住一盒嘢問店員：「呢啲咁得意嘅，咩嚟㗎？」店員見佢拎住唔願放手，於是話：「你鍾意就送畀你啦！」諗住「大笑哥」見好就收，點知佢貪得無厭，有劇組人員見到佢離開餅店時，手上拎住 4 大袋餅！估唔到外表 man 到爆的「大笑哥」原來成個師奶咁貪少便宜！

「貝殼 model 」帶阿媽擸贈品
李思蓓：
算係名模的「貝殼 model 」，出親活動都有媽咪陪伴左右，睇佢鬼妹仔性格以為佢唔計較，點知有次出席一個化妝品活動時，竟然當眾同佢媽咪、助手齊齊掃走十幾袋內有試用版化妝品的贈品袋，而同一款產品更攞咗廿幾樽，當時有好多記者在場，但佢哋依然面不改容！至於「貝殼 model 」媽咪仲厲害，當時佢個女做代言的一間公司過咗合約期仍然繼續掛佢寶貝女張 poster ，佢見到後嬲到衝上嗰間公司質問對方：「你做乜仲唔搣落嚟？」態度極之惡劣！

唔想搞是非呀！唔開名喇！ ( 真實對白 )
嚴淑明（右）同李思蓓（右）經常喺節目大爆明星醜事。不過由於播出內容冇指名道姓，就算係網上亂噏，被數臭藝人都冇仇報。

「鬼妹公主」

你唔係講緊我呀？我有向嗰間鋪頭借衫，不過係問女仔 PR ，唔識咩鬼佬 supplier 喎！ ( 真實對白 )

嫌疑公主洗冤錄
我肯定唔係我呀！ TVB 好多花旦都喺外國返嚟啦，而且我借衫都係經理人幫我借㗎！ ( 真實對白 )

附件: 您需要登錄才可以下載或查看附件。沒有帳號？註冊