返回列表 發帖

夜生活女王2009士啤騷Chapter 4: 初戀

小C妹始終也逃不過......

每年小C妹都會被邀出席大小婚宴﹐而每次小C妹都絞盡腦汁去逃避這種飲宴。尤其一些似熟不熟﹐很久不見﹐或根本不認識出席名單上任何人的婚禮﹐小C妹都會很快婉拒。

這次表妹的婚禮是例外。除了受了大C父的壓力以外﹐其實日理萬機的小C妹也很久沒見一些親朋戚友。不竟﹐有些"表嬸"﹐"舅公"的年紀也不少﹐這些場合再見到他們的機會可說是買少見少。當然﹐在收到囍帖的時後﹐小C妹已經心裡有數﹐婚禮會在一個5星級酒店舉行﹐表妹夫應該來頭不少。

但一如香港婚禮作風﹐新娘必雖換三次晚裝﹐幾set手飾及髮型﹐如在拉斯維加斯出騷般。在司儀(當然是某某2-3線TVB主持)的落力鼓厲下﹐新郎一次又一次做出獎門人裡的神乎奇技﹐只為搏台下"觀眾"一點尷尬的掌聲。但云云"環節"當中﹐小C妹對新娘新郎的兒時照片最為感興趣。一開始都是以雙方的BB照作序幕﹐之後可能有些兒時點滴﹐畢業時與家人的合照等等。但通常到這裡﹐一跳便會跳到新娘新郎剛相識或第一次去旅行的照片。

每次小C妹都不由自主地想﹐他們的前男/女友在那裡? 當然﹐為免尷尬﹐雙方都一定不願在這場合展示舊情人。但對小C妹來說﹐這些人﹐這些經歷﹐正正是新娘新郎最終走在一起的原因。一想到這裡﹐小C妹便開始遊魂﹐想到一個曾經聽過最浪漫的愛情故事......



新悅是一個香港典型土生土長的女生。中學畢業後﹐機緣巧合下﹐到了夏威夷升學。新悅並不是出身於富裕家庭﹐生活費都是靠在當地唐人餐館打工賺來的。雖然人生路不熟﹐又半工半讀﹐對於一個從來未走出過香港的少女依然充滿瞳景。

可能是這種開心樂天性格﹐很快便認識她畢生的初戀 -- 一為經常到餐館的客人﹐J先生。


"像無盡綠色的仲夏 似月滿那深秋
 像投落夜空的流星 似踏雪地留步印
 像橫越大海的白浪 似墜鴨背水點
 像蹓躂在芳草河邊 似是卻未全是愛..."



J先生是一個從匈牙利到夏威夷工作的科學教授。嚴格來說﹐他除了不停到大中小學做演講外﹐他的正職是寫作﹐研究。雖然有著言語障外﹐他們兩個都身在異鄉﹐難怪特別投契。感情很快在浪漫的背景下激增﹐相識不久已住在一起。

J先生的收入不穩定﹐亦沒有很多積蓄﹐所以他們只有住在J先生的車上﹐一方面方便他去演講﹐另一方面亦省了租金。每天當新悅上學上班﹐J先生便架著車在島上穿插。晚上新悅下班後﹐她便會帶一些點心返回車上跟J先生作晚餐。簡單的生活﹐但他們卻過得很開心。在這大半年間﹐世界好像只有他們兩個一樣。


"是最單純的傾心 是最坦然的關心
 無憾亦無悔過去每段光陰
 若愛戀能終一生 若愛的人終於可步近
 無限地嘗試 找這一吻"


當新悅與小C妹分享這段回憶的時候已經40多歲﹐但她也不自覺地嘴角撬起。她還記得在夏威夷的某一天﹐J先生突然有一個決定﹐他們兩人的經歷從此改寫。

-- 待續

今次打得好辛苦﹐要好快咁打﹐因為聽日趕住要飛落美國。

下個禮拜見。

-- 夜生活女王

TOP

大C姐, 去美國小心d, 我地等你返黎架喇~
保重~

TOP

有D吊癮,anyway, 等妳返黎埋尾

TOP

嘩。好浪漫。兩條友訓一架車。撞岩半夜有人黎打劫。咪起身同佢死過。橫掂J先生係科學教授。隨手拿幾部科學書「才定」死個賊。攪掂。朝頭早去公廁刷牙。夜晚去游泳池沖涼。總之。有情飲水飽。好啦。趁C姐睇唔到,等我呢啲蛋散黎寫住先。

她還記得在夏威夷的某一天,J先生突然有一個決定,他們兩人的經歷從此改寫。J先生說:「哈哈哈!賣打零,魚撈鑊,我已經完成左我既新發明。登登登凳:經歷改寫機。有左呢部機,我地既經歷就可以從此改寫。」完。

TOP

咁似007?

TOP

訓車係訓RV下話?

TOP

早晨各位。

Greetings from LA。

我好想講﹐對如一D好恨去旅行嘅蛋散嚟講﹐可能我咁講好節墮﹐但係確之然我係好憎好憎好憎去美國。尤其天時暑熱﹐真係好怕去呢D無雲﹐又乾掙掙嘅地方。對我呢D視皮膚如命嘅少女係好囉命。

我琴日偷到時間去Palm Spring買嘢﹐但係真係差點兒中暑。我覺得夏天去沙漠地區真係人間地獄。當然﹐都係自己囉嚟衰﹐又要幫人買嘢﹐自己又想掃D平嘢。而最得人驚係﹐咁多頂尖名牌﹐竟然係無嘢食﹗你好好哋有間cafe都交貨啦﹐但係真係得個爛鬼food court﹐仲要無選摘。最後我係咩都無食﹐齋飲水﹐買左7個鐘頭﹐買左無數咁多袋嘢。

同埋我覺得另一個好怕去LA嘅原因係我極唔鍾意D路。真係"蹬"到你抽筋。同埋你唔係住喺Santa Monica, Newport Beach果D地方﹐真係好把鬼。唔好話咩啦﹐Hollywood我都嫌熱﹐夏天一定要住近海邊﹐唔係就乾死。當然今次係無得俾我揀啦﹐出得trip就預左要挨。唯有day off鼠去靚D嘅地方囉。

好啦﹐我就返架啦﹐你哋唔好太掛住我。

拜拜~

-- 購物女王

TOP

早晨各位。

Greetings from LA。

我好想講﹐對如一D好恨去旅行嘅蛋散嚟講﹐可能我咁講好節墮﹐但係確之然我係好憎好憎好憎去美國。尤其天時暑熱﹐真係好怕去呢D無雲﹐又乾掙掙嘅地方。對我呢D視皮膚如命嘅少女係好 ...
大C姐 發表於 2009-7-13 23:14

唔駛講咁多喇, 有時間就買多d 野, 促進一下美國既零售指數啦!

TOP

有時C姐都好有大將風範。不過唔關我事。蛋散一樣有蛋散既風範。

TOP

返回列表