溫哥華老友記討論區 - Powered by Discuz! Board

標題: 大C姐陪你放暑假之fashion編 [打印本頁]

作者: 大C姐 時間: 2009-7-15 22:28 標題: 大C姐陪你放暑假之fashion編

Good evening everybody~

好耐無用大C姐呢個朵﹐有D唔關。

終於可以放暑假﹐出完一個trip﹐應該有幾個月留喺Vancouver﹐可以同各位蛋散say個hi。其實有D嘢好想講﹐事源最近出trip撞翻個朋友﹐呢個朋友有"過氣高掙鞋女王"之稱。

聽呢個名已經如雷灌耳﹐知道佢好唔少嘢啦。確之然呢個朋友係好鍾意買嘢﹐見到D手袋係真係個個都覺得靚﹐個個都想買。但係其實買完係咪真係好鍾意﹐又未必啵。今次見面緊係shopping啦﹐佢竟然忍到手唔買袋﹐我都好好奇。原來佢今年人工減左一截﹐差唔多一半。當然﹐對於好多香港人嚟講已經算好唔錯﹐但係而家佢同朋友租緊半山﹐又做開指甲﹐的士出入就唔少得啦﹐當然支出不少。

所以最近呢位朋友都無咁闊綽﹐盡量唔買貴嘢。當然去到LA依然買左對Jimmy Choo高掙鞋﹐但係比起一個袋﹐已經係算平﹗佢同我一齊去shopping見我無咩買嘢﹐好奇問我﹐"你點解咁忍得手? 以前都見你買一個二個手袋面不改容﹐以家你好似無咩買嘢﹐你近排都唔惦呀?"

呢個問題突然hit中我﹐令我都諗一諗﹐從邊年邊月邊日開始﹐我大C姐無再喪買名牌? 其實我收入今年係多左﹐所以唔係買唔起﹐但係眼見一個二個呢D所謂名牌袋真係其實差唔多款。好多時一見到個袋﹐你已經知你用兩次已經會悶。幾靚都好﹐絕大部份嘅袋係真係極唔襟睇。同埋我其實在諗深D﹐我係覺得人真係大個左﹐自信心多左所以唔洗靠幾萬蚊一個袋去話俾人聽我有消費能力。老實講﹐今時今日咩個名牌已經唔係身份特徵或者代表你有品味。

之後我個朋友都有駁我﹐話"車~ 你一身都係名牌啦﹐萬幾蚊件褸都係咁買。你扮咩洗盡沿華唧﹗" 呢個又唔同啵﹐衫呢家嘢係好個人。我又唔係一定要明牌﹐但係我鍾意﹐又襟睇襟著的話﹐我會好捨得買囉。好多人都成日問我點著衫﹐我都唔知點答。好多人著衫﹐或者打扮﹐都無個人風格。你見人著你又著﹐見D靚妹仔著咩你一把年紀又去跟。當然﹐有好多人都可能識著得好decent﹐好大方﹐但係可能又無個人特色。所以呢﹐著衫打扮呢D係好主觀﹐你又要好有guts去堅持你個look。你著得三五七年﹐就會變做個人風格架啦。

即係好似D人扮高貴走去整gel甲。以為整完好有品味﹐周位問人"呢個款靚唔靚呀? 呢隻色新架﹗" 恕我直言﹐整呢D厚笛笛嘅gel甲只係有兩種人﹐一種係食飽飯無嘢做嘅C9﹐另一種係無內涵無其他興趣嘅靚妹OL﹐日日返工都係講是非講劇集講明星講化妝。你幾時見過高貴嘅Chanel廣告裡面個model會整閃石花花立體gel甲?? 你真係要好無聊好無聊先可以忍受兩個禮拜徙幾個鐘去整手甲﹐又要好得閒每次去諗要整咩款貼咩閃石油咩色為求每次唔同之後去煩D男友"我D手甲腳甲靚唔靚呀? 岩岩整架﹗靚咩唧﹐你都睇唔到﹐你覺得上次個色靚D定係今次唧? 我親翻件衫架﹗你望真D﹗"

每次我見到呢D女﹐我都想代佢哋D男友一腳伸埋去。

-- 時裝界響噹噹紅人大C姐

作者: ricrick 時間: 2009-7-15 22:32

吾著衫最靚

作者: 大C姐 時間: 2009-7-15 22:34

吾著衫最靚
ricrick 發表於 2009-7-15 23:32

你估個個都有我嘅勇氣同身材咩。

-- 咪女郎

作者: ricrick 時間: 2009-7-15 22:35

快D show off 你對G奶啦！我等左好耐

作者: Littleprince 時間: 2009-7-15 22:57

同埋我其實在諗深D﹐我係覺得人真係大個左﹐自信心多左所以唔洗靠幾萬蚊一個袋去話俾人聽我有消費能力。老實講﹐今時今日咩個名牌已經唔係身份特徵或者代表你有品味。
說得好呀。。。可惜好多人仲係未明

作者: fibbi 時間: 2009-7-15 23:01

講起Gel甲，我又唔覺得係高貴，反而係cutie，是關Gel甲都係日本流行先，算係潮掛，但係唔會覺得high class囉。不過咁，我都有整，但係就唔係Gel，用番自己啲真甲。

作者: Yui 時間: 2009-7-16 06:29

本帖最後由 Yui 於 2009-7-16 07:38 編輯

我鐘意睇大師姐寫生活點滴多過愛情連續篇，呢個Fashion topic我就有得講兩句。

名牌時裝手袋鞋真系有拒既魔力，早幾年定力唔夠，見到心頭好真系面不改容，買到失控。雖然無大師姐甘富貴買幾萬蚊個袋，但以我當時賺錢買花帶既年華，d錢好自然左手來右手去，買衫買鞋買手袋都曾經系我既最大‘成就‘！唉，也許當時年紀小，唔識得唸長遠d儲下錢，甘宜家買樓既首期就鬆動得多。

但令我突然覺悟唔再敗家既主要原因都唔系因為錢，而系系一個好偶然既幾會下讓我睇會到’Less is More" 既真諦。當我打開個衣櫃見到多到就來‘lum’既手袋，我竟然豪無興奮感覺，凈系覺得比d袋霸左好多空間同要處理拒地好麻煩。另外每日唸下今日用邊個袋好呢？然後要打開d塵袋先可以用，跟手又要將d銀包鎖匙手巾之類既品件搬來搬去。。。久而久之覺得好煩好厭倦。最終好似小朋友對待玩具既心態，玩完一輪無灑興趣就將拒地長埋床下底。就這樣結束左我沈淪名牌手袋既年代。

Gel甲呢樣野，我同大師姐既睇法大致相同。我認識一個人有一次令我好深刻印象，拒用左$600 HKD 同4個鐘去幫十只手指戴皇冠，唔系黐實系指甲上面個種，而系十只手指頭上都有Rolex個5粒立體“鑽石”系到晃動，型狀之怪異令我毛管直豎。但最難忘既系加左冠冕既玉手既主人頓成廢人，因為驚整‘luck’ d 閃石，乜都唔做得，袋里面電話響唔聽得，皮膚癢唔抓得，差d連手都唔洗得，真系唔知為乜。我覺得大開眼界，原來真系有人會甘愚昧無知。

作者: tsumorichisato 時間: 2009-7-16 09:40

同YUI 一樣, 平時搭唔到嘴, 不過你講到 "你幾時見過高貴嘅Chanel廣告裡面個model會整閃石花花立體gel甲??"..........

好同意好同意, 我結婚果陣只做左french manicure, 好多人話點解唔做花甲啊, 仲以為我唔捨得果幾百蚊, 我都無解釋, 不過解釋都唔明架啦

話時話....我已經無左買袋既衝動, 我寧願買隻表好過...

作者: Littleprince 時間: 2009-7-16 10:39

8# tsumorichisato

同意呀。。。有時諗 D 袋根本唔值甘多錢﹐好多係買個 DESIGNER 的名氣同設計之馬

作者: Yui 時間: 2009-7-16 12:12

好同意好同意, 我結婚果陣只做左french manicure, 好多人話點解唔做花甲啊, 仲以為我唔捨得果幾 ...
tsumorichisato 發表於 2009-7-16 10:40

咦，我又系窩！我結婚時個修甲姐姐不停說我做花甲，又show灑sample我都無動於中。最後只系做左French Nail，拒既表情話我知拒未見過一個甘‘求其’同孤寒既新娘。我又系懶得解釋甘多。

作者: 大C姐 時間: 2009-7-16 17:19

講起Gel甲，我又唔覺得係高貴，反而係cutie，是關Gel甲都係日本流行先，算係潮掛，但係唔會覺得high class囉。不過咁，我都有整，但係就唔係Gel，用番自己啲真甲。 ...
fibbi 發表於 2009-7-16 00:01

當然﹐女為悅己者容﹐修甲好平常。你無嘢做﹐遊手好閒﹐少奶奶生活﹐你大可以整得有咁誇得咁誇。但若然你係一個OL﹐整到鬼5馬6﹐連萬字夾都拎唔起就把鬼啦﹗

同埋好浮誇果D款真係好俗氣﹐好bad taste。即係好似D人唔識化妝﹐但係咩都放上塊面。日日徙幾個鐘但係化完一D都唔覺靚左。

-- 素顏大C姐

作者: 大C姐 時間: 2009-7-16 17:24

11# 大C姐

同埋我好想講﹐有taste, 有style﹐自自然然由頭到腳都會show到出嚟。你無taste無style﹐你拎個幾十萬嘅手袋都唔會俾人感覺有品味。

作者: fibbi 時間: 2009-7-16 23:39

有taste同style都要有身材至得架，唔係個個好似大C姐你咁樣靚身材正嘛

作者: smt 時間: 2009-7-17 00:26

我可能有點 OT
不過識得一啲人﹐佢地有錢有 taste 有 style﹐著到一身靚靚﹐
可惜一開口就十分失禮﹐著到幾好都冇用。

作者: 大C姐 時間: 2009-7-17 16:27

有taste同style都要有身材至得架，唔係個個好似大C姐你咁樣靚身材正嘛
fibbi 發表於 2009-7-17 00:39

我絕對覺得唔同身型都可以著得有taste﹐但係老老實實﹐要著得靚都一定要keep﹐個身材太離普都好難有美感。

但係都係講比例﹐就好似整gel甲﹐見到果d港女5尺都唔知夠唔夠﹐手又細又薄﹐但係D手甲就又長又厚。Come on baby﹐我好想知呢D係咩美感呢?

-- 愛美神飛彈大C姐

作者: habitrailspace 時間: 2009-7-17 17:33

一曰到黑齊up都無相
D小花就好有guts
Gup大痴姐

歡迎光臨溫哥華老友記討論區 (http://loyaukee.com/forum/)