溫哥華老友記討論區 - Powered by Discuz! Board

標題: 大C姐幫你消暑之"袋袋"篇 [打印本頁]

作者: 大C姐 時間: 2009-7-19 12:10 標題: 大C姐幫你消暑之"袋袋"篇

話說我識個"過氣高掙鞋女王"﹐其實身邊仲有不少少女﹐中女﹐盛女中左個"手袋降"。

唔知由邊年邊月邊日開始﹐每個女人都不定追求唔同款式﹐唔同牌子﹐唔同顏色﹐唔同場合﹐唔同價錢嘅手袋。無疑﹐呢十年八載的而且確係手袋天下。D名牌出新袋嘅速度係快過麥當當出新口味。但係講翻點解會無端端講手袋先啦。其實曾幾何時﹐大C姐都好鍾意追袋買﹐成日都俾好多籍口去買唔同嘅袋袋。"呢個多格﹐返工岩晒"﹐"呢個細細地落街買餸岩晒(但係大C姐係幾乎唔買餸)"﹐"呢個夠大﹐出trip岩晒"﹐"呢個色我無啵﹐買個嚟襯衫岩晒"... 所以其實我好明D蛋散嘅心態﹐我都係一個蛋散。

奈何D袋又越出越貴﹐閒閒地一個手袋仔萬幾蚊港銀﹐以今時今日個standard已經係算cheap。好多OL係以一個二個幾萬蚊嘅手袋囉安全感。最近同個朋友shopping又想買幾個袋﹐我就好直接同佢講﹐"你覺得呢個袋靚咩? 你真係咁鍾意?" 佢望住我﹐諗左3秒鐘﹐"其實都唔係好鍾意﹐可以唔買既。"

其實﹐好多人已經中晒"手袋降"。見到一個好似幾OK嘅袋﹐已經諗緊買邊個色好。每一次shopping都要買個袋先安樂。再講﹐好多手袋款﹐其實都係差唔多﹐多一個唔多少一個唔少﹐買左又唔會覺得好珍而重之﹐唔買又唔會有所損失。同埋我不得不同一班OL蛋散講﹐又時真係要諗自己係咩人﹐先囉咩袋。若然你做一個文員賺萬幾二萬一個月﹐你認為可以架御到個幾萬蚊袋咩? 當然﹐你真係要的話可以節衣縮食﹐或者你可以叫男友買﹐但係返到工﹐咪又係做翻一個阿四﹐咪又係俾人點。我嘅意思係﹐有時真係要諗清楚你嘅能力去到邊﹐有時你買左唔代表你用得起。某程度上﹐其他人眼光只係覺得你好捨得﹐唔會有人覺得你好有品味﹐好高貴﹐好有自幾一套。

當然﹐鍾意買袋嘅人係依然有十九幾個理由去買。但係你望住大劉身邊幾個女人﹐個個渣住個一百幾十萬嘅手袋出出入入﹐但係你覺得佢哋靚左咩? 有貴氣D咩? 好有style咩? 你要買你要用好多時係為自我感覺良好﹐但係講時裝同品味﹐就完全掛唔到鉤囉。

-- 量力而為大C姐

作者: habitrailspace 時間: 2009-7-19 19:05

鐘意就買
露靚途C想

作者: playingtoy 時間: 2009-7-19 23:41

流浪漢之「袋袋」篇

作者: eatbanana 時間: 2009-7-21 08:21

i thought 大C姐幫你"袋袋"消暑tim