对感情怎样排除“玩”这个想法

我23岁啦，不知道为什么，到目前为止和每一个男友拍拖都只是抱着玩的心态，其实这个年龄差不多该结婚了，但是我好像离结婚这些事情还有十万八千里远，好似连自己都未照顾得掂。

见到身边一个朋友，仅仅大我年半，同距男朋友认识4年，拍了两年，再过两年她毕业就结婚了，虽然距地从来无咩热恋，但真系好稳定，打风都打5甩。

另外一个大学同学，去trip既时候认识左个master，结果两人认识10日就做了男女朋友，当初我们都觉得是未知数，但现在过了差不多1年半他们两个已经结婚了。。也是23岁

而我好似到而加为止都未有一个识左超过半年的朋友再变成男朋友，全都系识了不够两个月就开始了，虽然性质也不是一夜情，但基本上我感觉完全没有感情基础的感情发展不长，好像在浪费时间，但是认识了一两个月的男仔追你的话你样样事拒绝也不是太好，我其实不是想拒绝对方的好意，只是想认识耐一点互相看清楚对方的缺点，看看能不能接受再决定拍5拍。但我怕我一拒绝他现在的好意他会以为我不想和他开始。真不知道怎么办好。

有无人有经验，点解我对每一个都好似只系玩，都未开始就想着不会同这个人结婚，不会和他来真的，他肯定不是最后一个，我戒备心真是很重。

fibbi

23 is so young to get married! at least to me. Why get married because of the sake of getting married? I still believe it's LOVE and able to make life time commitment that is the root cause of marriage.

那我恐怕到30岁都5知道有无找到结婚对象...

Nam

23 好細之嘛，當然係唔會諗結婚啦！
我會去諗結婚時，應該係25打後！

同一個人一齊係唔應該有目的，你係咪諗得太多呢?
相處落，覺得係OK 嘅，又到適婚年齡咪結婚囉！
結婚年齡無話係幾時㗎喎！

even 我大過你，叫做有少少穩定收入，老實講係有少少結婚壓力，因為身邊個個都結婚了，但問心，事業岩岩叫做有起色，結婚嘅話我怕會阻我發展！

Nam

我以前都會好似你咁諗，點解次次拍拖都唔長，唔係對方未定，就係我唔想同佢結婚！

再過多幾年，你出嚟社會做野，對方同你心智成熟，好自然就會以結婚為前提！

不過，我同現任基於某啲原因，第一日起就決定要一生一世，分開並唔係一個option咁囉，可能係咁，佢啲friend 成鬼日以為我哋已經係同居關係，因為太似老夫老妻！

blueberry

比你年輕既人一早結婚既有唔少﹐大過你好多既人都仲未考慮結婚既都有好多。點解要同人地比較﹖比較得多﹐你就會迷失你自己。

23 歲可以話已經係成人﹐但對於大過你(例如我﹐同樓上果位)黎講其實仲好細﹐所以根本就唔需要見到人地同年既朋友結左婚﹐就急急腳o甘諗自己都差唔多要結啦o甘樣。o甘早替自己定下規範﹐你會錯失人生好多野。人人都有自己條人生路﹐又無話法例規定你要 23 歲前結婚﹐做咩o甘恨嫁﹖

我好欣賞你唔會隨便開始一段感情﹐會真係考慮清楚先肯開始。不過﹐你係咪考慮太多呢﹖無錯﹐要看清楚一個人先好放心去愛對方係應該既﹐但係﹐如果真係鐘意對方﹐你唔會只係著眼對方既缺點﹐而係同時間欣賞佢既優點。如果你欣賞佢份人﹐就算佢有缺點﹐如果呢 D 缺點唔係致命傷﹐你都會同樣喜歡佢。但在我看來﹐你好似唔係真係鐘意你身邊果 D 追求你既朋友﹐而係基於佢地追求你﹐你怕拒絕左﹐將來真係喜歡上佢地﹐佢地已經另結新歡﹐而你自己又找唔到男朋友最後嫁唔出。

情況就好似﹐ebay yahoo 網上拍賣﹐你見到一件野幾好﹐但係個價唔 arm 心水﹐或者你想睇定 D 先﹐但係又驚拍賣時間結束﹐呢件野會被人 bid 左或者賣家唔會在放上來﹐你之後會買唔到。

男女朋友既感情﹐好多時候都唔係基於友情開始既。比起從友情開始了解對方﹐成為男女朋友之後再了解既都大有人在。我建議你如果有你覺得條件既好既男仔追求你﹐你可以先坦白同佢講你未準備好﹐不過肯進一步大家親密 D﹐讓大家了解下對方(我只既親密﹐係約多D出黎見面﹐或者傾多 D 偈)﹐如果你真係鐘意左對方﹐你係會自己知道既﹐到時就聽從心裡面既想法行事吧。

tofu

why you want to get marry?  because you love him so much and want to marry him, want to have a stable relationship or 身邊個個都結婚?  if you don't even know why you want to do it, you better wait and see
"""但我怕我一拒绝他现在的好意他会以为我不想和他开始。真不知道怎么办好。"""
you should tell him what is your concern.  if he respects you, he won't push you to start the relationship

我系发贴人

多谢楼上甘多位

个问题系，我单身的时候身边有男仔对我好好好好，非常甘好，我又很容易习惯了常常有人照顾，每天有人发短信和电话，所以我有时候一觉醒来可能会一下子就想到他了，但我心里可能并不是爱他，只是因为距也很成功，各样条件都很好，我内心其实没有太抗拒，只是我觉得自己心里喜欢的不是他啊。

所以有时候距对我好，我不知道该不该拒绝，拒绝的话我怕他以为我对他一点意思都没有，不拒绝的话好像对不起自己真正的感觉

可以这样说，他不是让我迷恋那种类型，只是他各样条件很好，对我也很好，我不知道该怎么办好。我在想如果他开口向我确定关系的时候我该怎么回答，是答应还是说再想想再等等，如果答应了就好像有点勉强自己，如果不答应我怕他以后都不和我谈了。

我以前都會好似你咁諗，點解次次拍拖都唔長，唔係對方未定，就係我唔想同佢結婚！

再過多幾年，你出嚟社會做野，對方同你心智成熟，好自然就會以結婚為前提！

不過，我同現任基於某啲原因，第一日起就決定要一生一 ...
Nam 發表於 2009-7-27 23:51

那岂不是为了结婚而拍拖？

blueberry

看你的留言﹐我覺得你想要追求的戀愛是熱血式的﹐「愛上對方」對你來說是那種你會很迷戀﹐是那種「好鐘意佢好鐘意佢」既興奮感覺﹐對嗎﹖你那位男仔條件好好﹐看起來是條件很不錯的對象﹐所以你都會心思思想繼續被佢疼愛﹐被佢照顧﹐不過對你來說可惜的就是對方沒有那種令你心動的熱血感覺。

如果你根本不喜歡佢﹐你一早已經拒絕了。不過你又唔捨得﹐唔捨得放棄有個o甘好既男仔對你獻慇勤。我覺得你是對佢都有好感﹐不過因為未達到你既「心動水平」所以你才十五十六。

現實唔同戀愛小說﹐有幾多情侶對對方既感覺真係會是那種激烈既戀愛感覺﹖就算開始的時候有﹐到了真正走在一起﹐隨著時間過去﹐熱情都會淡下來﹐取而代之既就係平淡細水長流式既感情。

你既然覺得接受對方係對唔住你自己勉強你自己﹐o甘點解又要拖住對方﹐接受對方既好意﹖你覺得這樣對他公平嗎﹖如果你自己無意思既話﹐就唔好浪費人地既時間同心血。人是很脆弱的動物﹐不論是誰也會想別人對自己好﹐會照顧自己﹐渴望被愛被重視。話自己太習慣有人對自己好﹐其實根本就係對自己軟弱既一個藉口﹐最終你唔止傷害到佢你自己都會受傷。曖昧係對雙方無好處的﹐除非對方知道你對佢無意思但還是想要對你好。

當然你也可以嘗試接受對方﹐看看究竟會不會有那種戀愛的感覺..... 可能你自己都喜歡佢﹐但同你想像中既「戀愛感覺」不同所以你就覺得自己唔係鐘意對方。你可以嘗試去多點了解對方﹐而不是被動地讓對方照顧你(講得難聽點就是 kiu 埋雙手等佢黎 approach 你)﹐了解多點對方的喜好﹐對方的事情﹐說不定當你發覺到你腦裡面都是充滿著他的影子時﹐你就知道其實自己係喜歡對方的呢﹖又或者﹐當你了解多點的時候﹐就會發覺你可能只會當他是朋友呢﹖

如果你決定想要嘗試接近對方﹐一開始未必需要答應當對方的女朋友﹐你可以坦白和對方說你未準備好﹐但就會進一步和對方多點交流﹐了解多點對方。這樣的話說不定會有新的發現呢﹗