我奶奶癡左線

華美子

尋日晚飯後我返房休息不久，我老公好嬲咁上黎話佢媽咪終於癡左線，佢唔想再理佢。

我知佢呢番說話係氣言，於是問佢咩野事，我老公話因為晚飯時奶奶煮左Ｄ超難食既野：一碟烚到一pat pat既小唐菜，一碟淡到無味淨係得粉絲同紹菜既送，另一碟蒸到一pat pat既豆腐豬肉。我地一開始見到已經唔想食（我奶奶煮野超唔掂到一個地步，佢個女同老公都唔鐘意食佢Ｄ送，我老爺成日出街食飯就係要避開唔食佢煮Ｄ野），但都好比面食。我奶奶見我地食到既樣，就係雪櫃攞左碟兩日前食淨番少少既外賣梅菜扣肉出黎，問我地敢唔敢食，點知我同老公當係寶咁用黎送飯食晒。我食左少少飯就唔想再食落去，老公第二日返工，奶奶叫佢帶飯，佢詐家依pack左，諗住返公司就掉左佢，但我係屋企成日對住奶奶，無得咁做。奶奶問我要唔要pack定聽日lunch食，我唔想hurt佢，於是話：「唔洗啦，我聽日想食麵，因為想食Ｄ濕野，我會自己煮啦。」於是行開左。

點知奶奶個時開始發脾氣，佢一邊洗碗，一邊自言自語講：「報應囉，梗係我前世做左Ｄ衰野...」擺明想人聽到佢講，我老公問佢咩野，佢唔睬我老公，於是我老公好嬲唔理佢。我老公話佢咁多年黎都係咁，人地一唔食佢煮Ｄ野佢唔係鬧人就係講埋Ｄ悔氣說話得人，所以我老爺先唔常返屋企食飯。

真係好難頂，我同我老公結左婚成七年極少哎交，日日都好開心，但係奶奶黎住左三個月，就已經先後三四次發埋Ｄ咁既脾氣，攪到間屋成日氣氛怪怪咁，好在佢星期六就返香港啦，我唔洗再對住佢，又唔洗再食佢Ｄ核突送。雖然我好感激佢過黎陪我坐月，但係佢問得我要唔要食，應該有比人say no既機會架，無理由咁專制。我已經好忍得，呢三個月黎一句都無駁返佢，都係唔出聲算數。

我個新煲比佢煲燶左，媽咪送比我個易潔鑊比佢挖到花晒同變晒色，我一句都唔咁Eh佢，Boxing Day同老公買過晒Ｄ鑊呀盛都收埋係衣櫃度，等佢走左先敢用，如果唔係佢又整爛我Ｄ野。

我今日都唔敢出房，因為唔想對住佢個黑面神。

[ 本帖最後由 華美子 於 2008-1-4 10:56 編輯 ]

華美子

alcoholic: 係阿麻都真係幾厲害。

我奶奶其實幾唔衛生，抹完爐灶既布用黎洗碗，Ｄ保鮮紙包完生豬肉用黎包飯，Ｄ生肉同熟送放係雪櫃同一格。佢煮野永遠都煮到爛透先食，雞亦係可以一入口Ｄ肉自己同骨分開，炆牛腩由朝早九點炆到下晝兩三點，你可想言知Ｄ野食幾一pat pat。

最慘係因為佢長期睡眠窒息，記憶力衰退但又死口唔認。有好多野明明原先有佢死口話無件咁既事，講到好似我呃佢咁。最初佢死都唔肯認有睡眠窒息，猛話自己不知幾健康，後來我地同佢去做測試，結果佢係嚴重個隻，個日佢好接受唔到，成兩日無睬過我地，依家呢，咪又怕死，結果死死地氣買左架睡眠機返香港！

華美子

老公話千萬唔可以，因為奶奶份人好要面，你咁同佢講佢會將呢三個月積埋既怨氣一下子爆晒出黎，佢一爆我老公就會忍唔住把火同佢駁，到時會好難收拾局面，佢仲會嬲我多Ｄ。

華美子

相見好，同住難，尤其係一個連佢屋企人都頂佢唔順既人。

講咩野佢係我老公既阿媽，我點會唔知？係唔係因為佢係奶奶，我就連自己食乜都無自由？

係度寫出黎都只係伸下，無話要做咩野，因為我從來都無頂過佢半句。

今晚佢北比我地既湯，係已經變左，酸既。明知係變左，因為尋晚既事，我係佢面前都夾硬飲左落肚，只係食完飯佢行開時，我叫我老公唔好再飲，佢偷偷地倒左佢。

我都係媽咪，我要餵人奶，因此我食野都要好小心。比佢餵ＢＢ？梗係唔得啦，同佢講左幾次ＢＢ唔洗飲水，醫生話未到六個月唔餵得水，佢到依家都唔信，比佢餵，佢比咩野ＢＢ飲都唔知啦。平時佢最多都係自己抱下ＢＢ，餵奶就係我做。

華美子

我奶奶真係有心病，我生緊個時，佢係出面對我個妹數佢老公以前點對佢唔好。大佬，我個妹黎醫院係黎探我，唔係聽你鬧你老公。

為左多謝佢照顧左我地三個月，我地又買野ＴＵＭ佢又同佢食飯。我揍住個Ｂ都陪佢行街，只係監人食佢ｄ野呢下難頂Ｄ。

我唔同意因為老人家年紀大所以佢話乜都要遷就。有時都要睇下佢地既要求會唔會太過份。我媽咪話佢有個朋友既朋友嫁左比個寡母婆個仔，個阿媽要癡埋去honeymoon不但只，唔準佢兩公婆鎖房門，因為要時不時入房幫個仔ＣＯＭ被。有一晚入個仔房見到佢同個老婆咩緊，仲鬧個老婆係淫婦，呢Ｄ咪有心理病囉，結果兩公婆離婚收場。

無既，我吐下苦水姐，唔係要比番Ｄ面色奶奶睇。

華美子

Utraman, 想問下你結左婚未？聽你既口吻唔似結左婚既人。有好多野，過來人會明白多Ｄ。

過埋聽日佢就走啦，我唯有忍多一日，做戲都要做埋佢。

華美子

Ultraman, 如果奶奶好似你咁明事理就好啦，我唔係無同佢傾過架，之前有好多野我平心靜氣同佢講，不過講唔夠半句佢已經閘晒鋼，於是咪算囉。不過話時話，佢都唔係完全唔開通個隻，只係有好多野佢認為係岩就無人講得佢掂。

佢老人家好要面，煲燶左我個煲時佢一句對唔住都無我都無同佢計，仲驚佢唔好意思於是我講番句：「唔緊要，我都試過有兩次煲燶野啦」，點知佢仲要講：「你個爐都唔係有火個隻既，所以我睇唔到火」，佢個時人係房度，有無火都睇唔到啦，但係我都無同佢講咩野。佢洗自己Ｄ衫攪到Ｄ衫甩色染污左個廁所地板洗唔甩，比我發現，佢就實牙實齒話係我個廁所發毛，我咪又係唔出聲同老公自己死命咁擦個地板。

我岩岩生左ＢＢ坐完月無幾耐，爭扎左好耐先克服到產後抑鬱，唔係咁樣都要受人地既氣嘛，起碼都唔好係呢個時候丫。每日要湊住個仲未完全定晒時既BB，最初個個幾月連瞓都無得好瞓，我真係無預過照顧ＢＢ之外仲要受奶奶氣，個種疲勞式轟炸，係自己既屋企竟然無透氣既地方，你了解新手媽媽的難言之忍嗎？

華美子

家家有本難唸的經，我講左幾次我無出過半句聲駁佢，只係想係度訴下苦，而且岩岩過左坐月期同埋叫做攪得掂產後抑鬱，好多人好似睇唔到咁係咁插我。

訢苦都比人鬧，我都無咩野好講。

我奶奶唔係七老八十，佢岩岩今年先退休。煮野一pat pat 係佢幾廿年都係咁煮法。如果佢老公頂佢唔順（試過打佢老公攪到叫警察），佢個仔頂佢唔順，佢個女頂佢唔順，我諗錯既未必係佢身邊人，不過都咁多年，我都唔期望佢會改。

華美子

謝謝你, Alcohol。其實我奶奶和你奶奶一樣都係好污糟既人，佢屋企既梳化有虫所以無人敢坐，廁所地板又濕又有虫，牆紙甩左一半吊吊fing，我講比我媽咪聽佢都唔敢相信。我老公係加拿大住左七年，返到香港自己屋企都好唔慣，佢話細個成長一直都唔知完來香港間屋咁難頂。

不過都謝謝大家，不論你教訓我又好鼓勵我又好，我都謝謝你地既意見。