AAC

原帖由 FleetlineLF 於 2008/8/11 13:52 發表
本人都相信 pepsis2 0既理念, 係有唐人老闆的確係好好人, 不過真係得好好好好好好好好好好少數, 本人亦曾遇過, 但佢本身係位 "蕉仔", 太太係西人, 就連處事作風理念各樣都係完全西化, 所以我由始至終都係當佢係一位 ...

好多年前都曾在"廢柴"的重建項目部門服務，感覺就是高層非常政治化及官僚，假如沒有後台又唔埋堆，都好難企得穩。畢竟係家族生意，唔係上市公司，老闆想點玩都得，撈唔撈隨便你。
又打過在北美受高等教育的華人老闆，一樣係無制度，要開OT時，就拍晒膊頭話兄弟班幫幫忙，當然係白做，但當你需要取回一些公平待遇時，就會擺回老闆款，覺得伙計斤斤計較。都唔明是否華人商業需要壓榨伙計，減輕成本，才能有生存的空間 ？

AAC

原帖由 FleetlineLF 於 2008/8/11 18:28 發表
Purpleheart 講得無錯, 有 D 人做爛市, 結果呢老細就開始坐大.  AAC 更加係講出0左 "廢柴" 集團裏面0既精髓!!!!!!!

當一個機構或組織內有太多群帶關係，個個高層都係皇親國戚，而成為大小利益集團的話，企業就會好難攪得好。
呢方面，不能不配服港英時代的英國公司，將擁有權和行政權分得清楚，減少不必要的利益衝突。

AAC

在華人公司打工，話就話同聲同氣，但語言上的容易溝通，並不等同合作得法，或士氣高漲，以自己以往在本地打華人工的經驗(有幸也受過"廢柴"幾斗米)，老闆往往是努力定下制度的人，但也是拼命摧毀自己所定下制度，理由好簡單，他/她以為自己是皇帝，叫你度橋，寫manual，執法.... 但到利益關頭，就以自己的心情來司法，講乜都得，結果周圍的馬仔，一係被迫做應聲蟲，擦鞋黨，或是看不過眼走人，惡性循環，最後受損的又是誰 ？