寸古天樂 創急口令 詹瑞文開騷笑爆嘴

Guy

寸古天樂 創急口令 詹瑞文開騷笑爆嘴

李家仁醫生的洗腦歌〈小明上廣州〉，日前熱爆網絡，點擊率至今已有成五十多萬人瀏覽，兒歌之中李醫生呢首歌都算巴閉！

而巴閉到就連詹瑞文一連兩場的紅館騷《踢館》都要變身做詹家仁，唱出A貨版〈小文上廣州〉。〈小明上廣州〉的歌詞騎呢，而〈小文上廣州〉的歌詞，如「小文上廣州　飲啤酒落牛油 小文問阿媽　搞乜嘢咁無厘頭 小文上廣州　搭高鐵換條喉」非常搞笑，而當詹Sir唱出一句「省姐撚撚呔撚」時，被問到呢句意思係乜時，佢就話：「咁你就要問吓古天樂，因為佢拍攝內地汽車廣告時，就話想節能、輪胎能。」

寸古仔國語屎，台下的觀眾已經笑到合唔埋嘴，之後詹瑞文又教大家新急口令「一蚊人民幣　一蚊Hong Kong幣 你話人民幣威　定Hong Kong幣雞」搞到全場哄動、拍爛手掌。


小文上廣州 飲啤酒落牛油

小文問阿媽 搞乜野咁無厘頭

小文上廣州 搭高鐵去換條喉

小文亂咁嗡 想節能 輪呔能

港式國語的確妙 盞鬼兼得意

bopomofo冇句掂 比人哈哈笑

Beijing Shanghai與Guangzhou 國際新都市

小島小島的故事 嘆氣真失意咯

一蚊人民幣 一蚊Hong Kong幣

你話人民幣威 定Hong Kong幣雞