圖書館禮儀: 係咪我過時呢? 小朋友, 妹妹, 可樂, 小朋友, 妹妹, 可樂

fishbelly

本人現正響圖書館, 見到周圍的人忽然有感而發.

我記得自細教落, 圖書館要安靜, 不準飲食, 但環顧四周, 首先9點方位 13-14 歲 0既哥仔用電話打緊野, 仲要唔關聲打到搭搭聲, 4 點位兩位 20 出頭妹妹大聲談心 (真係幾大聲下, 唔係跨張, 一D 壓低聲音0既 意欲都無), 仲要一路飲可樂添. 妹妹隔壁有個廣東話阿叔, 肆無忌憚 0甘 大聲講電話.

遠處 D 小朋友竟然可以用公眾電腦打機.

究竟我係唔係成為古老石山呢?  抑或圖書館已經變成游樂場?

fishbelly

哈哈哈, 當然係 Richmond 啦, 好容易估....

我以為上左樓已經比較靜, 點知....嗨.......

目弟 0黎 好快要移師靜修室

問題唔單只係騷擾唔騷擾 0甘 簡單, 係尊重唔尊重場合 0既 問題

fishbelly

其實管理員係知道 0既, 你 0念 下 Brighthouse樓上個設計就明白, 根本個管理員柜臺響正中間, 環顧左右, 而且不斷有 Staff 出出入入, 點會唔知, 不過我都同意根本一來 D staff 自己都講野大大聲, 二來怕被誤認為歧視, 所以視而不見.

其實 2 樓已經算好, 一落到一樓簡直好似花虛 + 夜市, 大人小朋友, 老人嬰兒, 電話聲講話聲吆喝聲共冶一爐.