simplistic

冇錯冇錯﹐真係唔可以得罪奶奶
對佢來講你永遠係外人﹐可能對你來講都覺得佢係外人,所以我地冇0個種親人先會有的批評權利

我對自己阿媽煮既野無論係餸,飯,定湯都一定每餐“彈”過一輪先滿意﹐不過奶奶煮的只要唔係壞同熟我就照食可也
之前同佢一齊住半年﹐發覺佢好似有d味覺白痴﹐成日煲魚湯但就腥到老爺同姑仔都唔太惦﹐粉葛湯變到一pat漿糊﹐飯霉霉爛爛﹐所有餸都超鹹﹐如果0個個係自己阿媽就一早發老脾了
當然差唔多每餐都係我挨義氣做捧場客﹐唔理三七21化身做垃圾桶一概話好味

一向唔食青豆﹐矮瓜﹐冬菰髮菜豪C﹐雞腳等等﹐阿媽煮 = 4都唔食﹐奶奶煮? 。。。 Bring It On !!!
湯仲一定要一飲而盡﹐問你添唔添?
緊係添啦。。。點知奶奶就會好開心地去換隻外面食越南粉0個d大size碗幫我添到滿滿
咁點啊﹐唯有心裡一路OS一路笑笑口飲落肚