小叻

原帖由 B仔 於 4-3-2009 11:49 發表
上兩代嘅恩怨，令上一代分裂。
我嚟D下一代嘅，應該插手幾多呢？

冇得話唔理，上兩代向上一代SUN，上一代向你SUN。

作為一個敬老孝順嘅下一代，冇地位向某個上一代同上兩代攤牌同出聲。又冇理由睇主另外兩個上一代同上兩代嘅人 ...

好難解決~ 解鈴還需係鈴人..你做唔到D乜..就算你幫口好番..之後又嘈過﹐最後怨埋你咪仲衰!

小叻

B仔~ 點解既?講黎聽下? 我有問題既上一代(即我夫母)和我上上一代 (已故)以前嘈到顛(講緊十幾年前既事)又話精神病又話俾人打小人等等...我細細個剩係喱係間房等戰況減緩先蒲頭~ 出去盞俾人轉移視線俾人鬧賤骨頭..etc...

千萬唔好做和事老呀~~~~

小叻

嘩係~ 眼都亂埋~ 甘係唔係上兩代A 錢亂FING﹐上兩代B 唔like﹐之後上兩代B遭軟禁? **中文太深﹐怕get 錯**

其實都係為左錢者~ 唔晒軟禁呀? 上兩代AB 一齊住? 可唔可以接走上兩代B? 上兩代B既仔女呢? 你係A or B 既下一代呀? 你上一代企係A 定B ?

等天收要等好耐架~ 而且我覺得世界係唔公平既~ D賤人往往都活得好happy,,,,

小叻

超難搞﹗  你仲要係A下一代... 正所謂心背係肉手心又係肉..心痛都沒計..見步行步~

唔好比A做D更傷害B既耶啦~ sigh~ poor u

小叻

小心最後佢地既矛頭指向你呀~ 話你搬弄事非﹐係要搞到家破人亡你至開心。(我本人聽都聽左幾次)
我個邊話離婚講左十幾次﹐頭個幾次我都幫手做和事老~ 又喊又羅兩個細既出黎幫阿媽~ 唔記得第幾次~ 又話離婚~ 我咪同我阿媽講一個月唔埋又嘈, 離婚可能好D~
好啦出事啦~ 本來開始都好好地既~ 之後唔知做乜 (可能老豆未plan好啦) tum番阿媽﹐之後咧兩個夾埋話我搬弄事非﹐係要搞到家破人亡你至開心。 又話我黑心呀~無人性呀~ 兩個細十歲都未夠就要佢地無阿爸阿媽﹐等等。頂﹗ 所以話啦~好心無好報~ 學我男友話齋~ 佢地既事佢地處理﹐唔好加意見﹐佢地決定左要我地幫先幫。