Purpleheart

我同男朋友未結婚, 不過已經一齊左三年~~ 佢媽媽由對我客客氣氣到毫不客氣

作為長輩,  佢好鐘意訓話~ 仲要訓足我同我男朋友幾個鐘~ 都算~~~ 有一次去飲茶, 我男朋友做柴可夫, 到酒樓門口, 我同佢媽咪落車先, 柴可夫去找車位 ~ 到有台喇~ 佢媽咪一坐低就開始訓話, " 阿女, 你知唔知道做人最基本既係由做家務開始....你看看好多成功人士, 佢地之所以成功係因為佢地執到間屋齊齊整整.........( 10000000 words deleted )" 仲係用想全酒樓都聽到既聲量黎講~~~ 真係好尷尬~ 又唔可以叫佢 shut up~

好在我靈機一足~~~ 我望出窗同佢媽咪講 " 咦~ 柴可夫 找到車位喇~ 佢好似唔係好識泊車wor....我去幫佢睇位先 " 一出到門口柴可夫已經泊完車我即刻叫救命!!! 入到酒樓佢媽咪繼續訓話, 食飽又訓, 訓飽又食!!
到最後埋單~ 原本佢媽咪俾錢~ 我立即(皮笑肉不笑的)話 " 唔駛喇Auntie, 我請啦~~ 一直以來我都未請過你飲茶, 我剛剛加左人工嘛~~ 今次等我請啦!!!  "

由我俾完錢到柴可夫車我地返屋企 ( 二十分鐘車程 )佢媽咪都冇出聲, 亦唔再訓話, 仲笑住口話 "多謝你請我飲茶!!!"

Auntie 的心事真奇怪 !!!!!!!!!!

So there are lots of ways to solve the problem....