返回列表 發帖
本帖最後由 山羊座 於 2009-3-18 22:51 編輯

點解所有既回覆都咁negative既?
其實我地都唔係知道好多detail 係咪唔好咁一面倒去講個男仔唔好要分開呢?

首先我講聲唔好意思 我講野好直既
唔arm聽 可以當我無講過

所有感情都係一個mind game 無論你喜歡唔喜歡玩
兩個人響埋一齊 要長久
就一定要用心去將段感情維新

依你所講 你段感情已經形成左佢係你生活既全部
而你只不過係佢生活既一部份
講真個句 佢仲駛乜放咁多時間響你身上呢?
佢已經知道你既所有咪就係佢lor
已經唔需要打比你 問喂做緊咩啊
因為佢覺得你咪就係無野做緊 等緊佢 掛住緊佢lor
都知道既野 仲駛乜去find out?

男人就係咁 熱戀期比女人短好多好多
熱戀過後好容易會變成習慣
唔係佢唔愛你唔鍾意你 只不過都知道sai你D野喇
咪吸引唔到佢個mind
所以呢 做女人千期唔好咁available
唔可以比佢覺得你既生活只有佢
人就係犯賤 唔識珍惜

你諗下 當你唔知道佢呢一刻做咩既時候
都會有諗 啊 佢依家做緊乜呢
我覺得你應該開始有返個自己既生活
等佢有時唔知你響邊 估下 就會緊張你多D
返工都有放假既時候啦
拍拖 甚至結左婚都應該有比大家放下假既時候
男人好承受唔到感情既壓力架

學下獨立D
當你問D男仔 你鍾意呢個女仔D咩
都有聽過 我鍾意佢夠獨立 恩賞佢夠自主
有無聽過 我鍾意佢夠chi身架?

愛情不是人生的全部
佢所講既"don't miss me too much, there are more in life than dating"
我唔覺得佢咁講係代表佢已經唔鍾意你
佢所講既只不過係事實

你自己都識講
"同埋我宜家比起啱啱同佢一齊又真係肥咗好多, 生活一團糟… 又唔怪得佢嘅… 宜家最重要嘅係我点先可以rebuild and improve my life..."
有時間唔好放sai落佢身上
留返D比自己
增值下自己 build up返D信心
個人有自信 你男友都會眼前一亮架

情況未必有其他人講得咁壞
你愛佢都想佢開心
如果佢性格唔係個種鍾意日日chi住個種
放開少少 佢會開心D 你有可以搵返自我
到大家見面既時候 個種可能比較短但係寶貴既相聚
一定會比日日對住 日日拿住個電話但係無野講來得真貴
好老實講 分分鐘你男友依家響第二個forum開左個post
話我女友好chi身 初初識佢都唔係咁既...
好好同佢溝通下 唔好成日只係用女人既角度去諗愛情
所有野都會美妙D

祝你好運
題外話... 我係女人...

TOP

返回列表