Lik

大學畢業依家響香港搵到幾多錢？普通來講應該搵唔到 $15000 一個月囉。

我唔知道大學畢業後五年要搵到年薪廿萬（月入萬七）有幾難，但可以肯定嘅係，就算真係年薪廿萬，身處香港地，你估平時唔使使錢咩？淨係搭車同食飯兩樣都去咗你唔少啦。有 grant loan 又要還 grant loan，無 grant loan 都要俾返多少錢老竇老母買野食掛？七除八拆之下，又可以淨返幾多？

而且，200幾萬嘅樓會響邊處呢？山卡啦嗎？定係天水圍、上水、或者沙頭角呢？

-力

Lik

個個香港人冇錢但係都想買樓
成日D節目都話月薪10000但係又話樓價貴
好心搵塊鏡照下
你買唔起樓就唔好買

個個淨係識話點解樓咁貴
又唔反省下點解自己咁廢30幾歲仲係搵1萬幾 ...
快樂牛郎 發表於 2010-1-3 17:40

每個人當然要對自己負責任，但政府又何嘗能夠逃避對自己廣大市民嘅職責？只係瘋狂右傾，眼裡面只有大資本家而無晒小市民，咁又算係點？Obama 都識講 Main Street 無好日子過嘅話，Wall Street 亦都唔會有好日子過。

人地話發財立品，但偏偏特衰政府就唔會咁做。而從你嘅言行之中，好明顯牛老哥你亦係一樣，只知道一將功成萬骨骷，而絲毫唔知道咩叫做社會責任。

-力

Lik

以前都講過
樓根本唔係生活必需品
而係奢侈品
快樂牛郎 發表於 2010-1-3 22:13

投資樓 (investment home) 無錯係奢侈品，但有邊個人頭訂唔需要有塊瓦來遮風擋雨？從長達角度來睇，有棟自住樓嘅大數點都平過儸啲錢去交晒租。咁講法嘅話，自住樓又點會唔係生活必需品？

當然，個個人嘅 priorities 唔同。有人選擇去唔買屋而張啲錢用響其他地方，呢個係佢地嘅選擇，亦無得去怨啲乜野。但當社會上有一大班腳踏實地、又巡規導矩嘅人想去為生活而買屋都因為樓價高企而無法做到嘅時候，咁好明顯就係社會失行嘅寫照。

-力