窮富翁大作戰 II YouTube, 全世界, 香港

Lik

田二少掃街





第一、第二個 series 嘅片，其實依然有好多。阿力覺得田少呢個比較完整，而另外果兩集就講吓成個總結。

如果要睇其他片嘅話，YouTube 連結仲有好多。我絕對會建議大家繼續睇。

但睇返香港特衰政府，坐擁龐大財政儲備，金額足夠四、五年完全唔抽任何稅項都足夠應付嘅水平，係全世界無一個政府會咁戇車如止守財。但佢偏偏善財難捨，冤枉甘心。綜援唔加、最低公資唔肯提到一個有尊嚴嘅水平，錢又唔肯派來舒解民困，政策仲要繼續無止境咁去對大商家、大企業傾斜。

其實對於最窮困嘅人來講，你政府派咗啲錢去俾佢，佢本身就已經會立即使咗佢來舒解現時嘅生活，亦即係會將啲錢重新投放返落個經濟上面，帶來財政效益。而向呢個 multiplier effect 之下，政府實際上所拎出來嘅錢亦會遠遠咁少過佢 initially 發放出來嘅果舊錢（因為有稅收）。

寫到好激氣，唔寫喇。

-力

Lik

阿女，

我會咁講，同中國大陸好多鄉下地方相比，住籠屋嘅人依然相對地舒服好多，但咁並唔代表籠屋戶唔慘，而只係中國大陸嘅好多鄉下人生活得更苦。但呢條 thread 係講香港嘅弱勢社群，所以大陸果邊嘅事就暫時唔講住。

籠屋戶的確好慘，而最諷刺嘅就係，以尺價來繼，籠屋嘅租金遠遠地貴過豪宅，但特衰政府卻依然死都唔肯考慮 poverty housing、復建公屋、同調整高地價政策，更正如我一開始所講，死都唔肯主動啲來扶貧同改善貧富懸殊嘅差距。鬧佢係PK，絕對係無錯。

遺產留俾下一代唔係問題，問題嘅核心係因為政府嘅政策對大有錢佬嚴重傾斜，製造壟斷、破壞營商環境，而繼而抹煞晒所有社會留動嘅力量（destruction of social mobility）。無咗 social mobility，有錢人會繼續無止境咁有錢落去，但中、下階層就永遠無法向上爬。

之前個 series 裡面嘅人，我相信只係富裕，而未達到如田二少、周少爺嘅權貴、一級富豪嘅地步。所以佢地選擇去做多啲幫人嘅 opportunity cost 相對地比較少，但同一時間，佢地所能夠做到嘅亦無權貴同富豪一族咁多。始終，問題嘅核心係在於政府嘅政策，而以個人影響力來講，權貴同富豪始終更有能力去遊說政府來做多啲野。

我衷心咁希望，田二少會好好咁記住呢兩日嘅經歷，特別係赤貧果份無助感會點樣磨滅一個人嘅意志，然後會改變一下自己工司旗下嘅政策，同去影響同行同政府為弱勢社群做多啲野。

-力

Lik

擺明就係為選票而造勢㗎啦，但起碼佢肯企出來最前線，親身、切實咁體會一吓社會上最弱勢嘅一群人嘅生活係點過，而唔係好似班神仙狗官、特狗咁閉門造車、車毀人亡。其他幾多賤精連呢啲似樣嘅門面功夫都唔會做啦。

-力

Lik

不過我亦想指出，即使田二少、周少爺等等出來做場咁嘅 show，其實弱勢社群每日真正面對嘅，比佢地又可止苦多百倍、千倍呢？人地見你係田二少，講句說話都最少會好聲好氣。換咗係片裡面嘅平哥，如果平時掃得慢少少，你睇吓會唔會俾人 diu 到開花？就算係 JuJu小姐，如果真係響茶餐廳度做，人地會唔會淨係叫你扭吓布，企出出面拉客，做啲咁輕 kang 嘅野？

-力

Lik

掃得慢->掃唔晒->俾人 diu

一樣嘅嗟