所以話你 Soli 知少少就扮代表。Too simple, sometimes naive呀～ 
毓民同肥佬黎一直都有血海深仇，更睇透肥佬黎會想借捐錢來收買影響力，所以當年五區公投果陣已經前後講過好多次話社民連絕對唔可以收肥佬黎嘅錢。所以一直以來，毓民無論係當年響社記又好，今日響人民力量又好，佢老人家日日都要出去跑山、籌期，周圍向市民乞錢，所以先有丐幫之名。無奈陶阿豆唔爭氣又無遠見，自己立場唔夠硬淨又見錢開眼，收咗肥佬黎條數。毓民最後並非唔知，但點都唔容許呢筆錢撥入五區公投嘅經費裡面，而缺裂嘅成因亦多數係由此起。
大狀黨果邊，除咗大口驊俾阿爺揸住腎囊之外，我睇唔到佢地有乜野地方係俾肥佬黎應響到。佢地一向都比較溫和，成日就唔想同白鴿投共鳥擘面，有時會搞到有啲曖昧。但大是大非當前，特別係同法律、規則有關嘅事，佢地一定企得好堅定，唔會同建制派同偽民主派同流合污。
反為白鴿投共鳥嘅所作所以，我由反對五區公投開始留意到，有好多野都要倚靠肥佬黎同生果報來幫佢撐腰、護航、做宣傳工作。簡單啲講，生果報嘅立場直情就好似變咗白鴿黨嘅立場咁滯（日月報亦有時可以指使白鴿黨應該點做點做）。其實，我唔會怪責肥佬黎捐錢來想買返多少影響力，我只會怪白鴿黨無腦、無腰骨、無能力，俾人牽住個鼻來行。
奇怪嘅係，民賤聯嘅大水喉流量又何只係民主黨、公民黨嘅10倍？捐得錢俾民仔嘅唔係阿爺嘅衛星組織就係親中人士同集團。阿爺插手香港事務嘅事實比肥佬黎想做民主派嘅金主更為赤裸。當然，你就永遠唔會見 Soli, Peter, Rocky之流去提起呢啲野。
-力 |
發表於 2011-10-18 13:23
| 
