Lik

力仔, 平時真係唔覺得你份人咁講求證據架woh.
咁邊處有證據顯示長毛冇收人錢呀?
mcjohnjohn 發表於 2009-4-1 23:52

大佬，家陣你指控緊人地喎？人地係 defendant，而你係 plaintiff 喎？響現代社會寧縱莫枉嘅理念之下，疑點歸於被告，你要指控佢，搵證據嘅責任就哽係響你身上啦？

哎呀，對唔住，小弟唔記得咗麥莊莊你老兄係住響現今呢個日漸大陸化嘅香港裡面，而寧縱莫枉嘅理念亦漸漸變成官字兩個口同埋 guilty until proven innocent 添...

-力

Lik

If that long hair liar makes $50,000 a month as a legislator and still lives in public housing, then he is probably abusing the public housing system, since his income is way above the limit to qualify. Public housing is for low income families. He should be kicked out of public housing.peter236 發表於 2009-4-2 13:33

毛哥上介選立法會嘅時候好似亦有人提出過呢件事，但結果係點阿力就唔記得喇。不過無論點都好，富戶住公屋嘅話係要交貴租，而毛哥一日無俾房屋處趕嘅話就即係佢有依足條例去做啦？再者，大家都知道毛哥實收嘅人工其實得果一皮，其餘嘅都捐咗去做公務，所以其實佢實際上都係一個窮人喎？窮人住公屋，又有乜野問題呢？

-力

Lik

捐咗去做公務?
做mud公務呀? 講清楚好wor!
chunsh 發表於 2009-4-3 01:00

阿力估計／相信有一部份錢應該捐咗俾社民連做會務同運作經費，而有一部份就用咗來自己um荷包補貼議員辦事處嘅運作經費：毓民、大舊、甚至乎係非社民連會員嘅何秀蘭都講過好多次政府俾議員嘅實報實銷津貼其實好多時都唔夠用。

-力

Lik

長毛打官司大部份都係因為俾人告既居多。
soli 發表於 2009-4-3 09:16

On車！唔識野就唔該你自己去查吓毛哥攪咗幾多單 JR。早前有單 JR 輸咗，依家社民連都幫佢跑緊山、籌緊期，如果唔係分分鐘監都有得佢坐。

同埋，你知唔知咩叫做公民抗命？

今日唔得閒，你 Soli同學你自己去做 research 啦。

-力

Lik

首先，阿力要話俾D無知兼白黐嘅人聽，社民連咁多個大佬每次進行公民抗命嘅時候，都絕對有坐監嘅預算。特別係響某D議題上（例如民間電台嘅抗爭），社民連更巴不得特衰政府判佢地坐監來特顯政府嘅不公。

同一道理，每次社民連響議會裡面犯規，佢地做得出就一定會認，而且亦會欣然接受主席懲罰性嘅裁決，唔似得個狗噏權爆完粗之後又唔敢認，不認不認還須認之後卻依然要左閃右避同死雞撐飯蓋。

個人覺得長毛可能為低下階層發了很多聲, 但亦無需要被過份英雄化, 大搞個人崇拜主義.
fishbelly 發表於 2009-4-4 03:32

阿魚肚哥，小弟想指出一點：將社民連三子英雄化嘅，並非社民連自己，而係一眾街坊見到社民連佢地能夠響呢個污煙瘴氣嘅體制裡面幫市民出頭，出一口惡氣，而自發性咁支持佢地嘅行動。個人崇拜主意係毛賊呢D咁無恥嘅人先至會做，所以小弟希望魚肚哥唔好攪錯。

-力

Lik

可惜大部份人都係甘於安逸, 好似我地兩個專搞破壞 0甘.

唔知我地兩個個 account 遲 D 會唔會比人 ban 呢?
fishbelly 發表於 2009-4-4 17:31

甘於安逸其實一D問題都無，講真，與世無爭、安享天年邊個唔想？但係甘於安逸會變得容易俾人誤導，而咁嘅話就會變得好大鑊；。但偏偏香港嘅傳媒早已經歸晒邊，公信力響同中港有關嘅事嘅重要時刻卻往往係接近零。

唉...

-力

Lik

陳水扁都坐左幾年“公民抗命”監啦﹐點知道仲衰過以前國民黨班黑金友。soli 發表於 2009-4-4 23:07

笑咗～ hahahaha~

對臺灣毫無認識就唔好出來獻醜啦。美麗島事件坐完監之後，民進黨班人個政治光環幾咁勁呀？

凡百元首，承天景命，莫不殷憂而道著，功成而德衰。不過呢句古文，我睇怕你都唔識㗎啦～

-力

Lik

我係話班“公民抗命”友既本質原來仲衰過以前國民黨班黑金友﹐ 唔該讀下上文下理傻笑啦~
soli 發表於 2009-4-5 18:31

講真，我唔認為賤扁響做總統之前真係賤得咁緊要，不過呢個係令一個 topic，我地講開先再講啦。

-力

Lik

不過, 政府唔會咁蠢去打壓佢地, 因為越打壓佢地, 支持佢地既人會越多.
mcjohnjohn 發表於 2009-4-6 03:09

好對唔住，偏偏特衰政府就係咁on車。淨係生果金果壇野已經係最好嘅證據啦？施政報告之前成個立會已經講過好幾次話生果金要無條件加到 ＄1000，但係件9up權都係唔見棺材唔流眼淚，唔俾毓民deng佢蕉都唔得。

大家放長雙眼來睇下5月尾／6月頭果陣9up權又會唔會派錢攪野？佢到時先做嘅話就一定俾人鬧佢咁遲先派，唔派嘅話就聽七一人人落維園逼個政府去派，左右都係死。

-力