Lik

如果唔係阿爺預先西選過嘅話，投邊個都無問題。但如果係通過小圈子選委會首先揀過嘅話，咁就一定會投百票來以示抗議！

-力

Lik

戇能鳩嘅低能仔，

阿爺欽點、西選過先至再俾你揀嘅候選人，仲算唔算係自己有得揀呀？阿爺侖完再吐返出來俾你食果舊骨頭，你估同你自己夾果舊肉無分別呀？

弱智...

-力

Lik

個問題係。。。無個揀得落手。
fibbi 發表於 2011-2-9 15:41

因為無個揀得落手，所以先至要投百票來履行公民責任，但又同時表達不滿。

-力

Lik

唐唐：
紈絝子弟一名；最近仲憑一句「車毀人亡」而得罪晒好多八、九十後嘅後生仔女。

振英哥：
同大地產商有仇，會搞亂、搞淋個市。而且極會向阿爺顯媚，上咗位嘅話絕對有可能將23條同其他惡惡法霸王硬上弓式來通過。

犯婦人：
蜜口劍腹之輩；表面義正詞嚴、公正不阿，實製上卻會依照阿爺嘅意思而行事。過去立法會做主席嘅時間就有眼你睇。

葉劉：
基本上成功洗低，擺脫咗當年 23條孽瘤掃把頭嘅壞形像。但過往言行始終係隱憂，需要多啲時間來繼續觀察。

黃淫龍：
極為陰濕、奸險之小人也。身為律政司卻屢次司法不公，對達官貴人就從輕法落，對小市民、反對人士就極力打壓。基本上同振英哥兩個可以話係最能夠為禍香港嘅特首人選。

鬍鬚曾：
勉強好過唐姓紈絝子弟，但依然係無能。從佢呢幾年來啲垃圾財政預算同實際政策就可以睇到。

陳四萬：
時而勢易，家陣唔會出來跑呢趟渾水㗎喇～

鼠目成：
能言善辯，可惜多數只會為阿爺切詞狡辯。而且早兩年前已經看破紅陳，知道阿爺並唔會真心全力咁去撐民賤聯，所以唔再盞戀權位，唔會肯哽做特狗呢隻死貓。

政棍卿：
卿姑七友出賣港人嘅故事有無聽過？ Enuf said.

毓民:
有魅力、有見識、有口才、亦有理念，本來係上上之選，但可惜為人太過火爆，適合繼續做草莽英雄多過做特首。

田大、二少：
上一次商人治港帶來嘅建華之亂都有眼你睇㗎啦？唔好來 take two 喇～

一眾富二代：
香港仲俾呢班大地產商害唔夠咩？

Lik

加多一個：

民主女神余大狀：
能言善辯，能力同形象都極好，而且理念亦容易能夠被大多數香港人接受，本來係極好嘅特首人選。但一來阿爺唔會信民主女神（名都有得你叫，又點會肯信佢？），而且余大狀腦部生咗個良性瘤，特首呢啲咁惡哽嘅三煞位做咗盞攞佢命。

其實講到尾，最最最重要嘅並非係邊個做特首，而係香港需要一個完善、普及而平等，同每個香港人都有均等權利去參與來選特首嘅方法。而均等嘅參與權利，就包括人人都有權去提名候選人，而唔係等個小圈子選委會先幫我地西走／阻止一啲阿爺唔 likey 嘅人去參選。

-力