返回列表 發帖
Actually, if you care to spend the time, there are tons of good places worth exploring in HK.

赤柱、石澳、大澳、好多唔同嘅離島、流浮山、后海灣、白泥、南生圍、米埔等等。要去齊嘅話真係唔係咁易。

而且講食嘅話,其實香港真係有好多又平、又好食嘅街坊檔。我最鍾意係響深水埗、旺角、大角咀、尖沙咀、上環啲舊啲嘅地方搵老店來食野。特別係果啲成間舖頭都係啲最少五、六十歲嘅阿叔、阿伯、阿嬸嘅老舖,佢地嘅手藝真係好食到絕!而最可惜嘅就係,呢啲老舖無一間就真係永遠咁少一間。可能係老人家年紀大唔繼續做落去,亦可能係無良地產商要無敵加租而趕絕老舖,亦可能係特衰政府話就話舊區重建,但查實就係徹底破壞同毀滅原有嘅舊社區、街坊鄰里嘅關係...

隨住呢啲舊香港嘅種種不斷消失,我地真係要有機會就好好把握...

-力

TOP

老店香港其實暫時都仲有好幾間嘅。其中一間最經典又易去(但食飯時間都幾難搵位)嘅就係響尖沙咀彌頓道夾柯士甸道/寶靈街咗近嘅北京飯店(on彌頓道西面,樓上舖)。

呢間老舖真係超、超、超、超掂!裡面啲裝修係我有記憶以來就已經完全無改過;而跟據我老友講,佢老竇老母後生拍拖果陣就已經係咁。

樓面啲阿叔阿伯真係個個都最少五張幾野,而老舖啲野食真係正到不得了!最不可思以嘅係價錢一啲都唔貴,我真係唔知佢間舖點頂得住...

唉...真係諗起都流晒口水...

-力

TOP

返回列表