綜援碩士生 死性不改 金融界, 死性不改

Lik

http://www.eastweek.com.hk/index.php?aid=11961



「性格決定命運」，此話一啲都冇講錯，早前碩士失業生梁健鵬搵工事件成為全港熱話；深入了解後，才知道鵬仔畢業三年冇工做，見工二百份悉數落空，很大程度因為佢個人態度問題。經媒體廣泛報道後，唔少僱主願意施以援手，但佢又嫌茶餐廳月薪低兼夾冇前途，結果都係冇上班。

近日金融界老友話畀一言聽，原來鵬仔想進軍金融界，實行要做金融才俊。話說有家華資金融行招聘投資顧問，工作主要係替客戶買賣黃金或外匯，鵬仔畢業於中大統計學系，成績相當「標青」，於是的起心肝申請。

點知約好見工時間，最後鵬仔竟然臨時甩底，搞到股票行好唔高興；即時翻查資料，細心睇之下，先發覺原來係綜援碩士生，難怪會咁冇交帶。再睇睇個履歷，鵬仔特別交代以前喺某家公司任職個上司名稱，仲寫明自己離開原因，係公司無糧出。

奉勸鵬仔一句，即使你智商點高、讀書成績點好，出嚟社會工作係兩碼子事，倘若死性不改，怕且都冇公司願意請。

Lik

其實每個人嘅成長都被佢嘅童年深深咁影響，而我無記錯嘅話，呢位哥哥仔嘅童年卻係非常孤寂嘅，所以佢根本完全無 develop 到連普通人最基本嘅 social skill。

另一樣就係價值觀。人有返咁上下大，除非有啲乜野好強烈、life changing 嘅經歷，如果唔係做人嘅價值觀基本上唔會有好大嘅變動。個哥哥仔一直都覺得社會對佢唔太工平，而因為佢本身就無 social skills，所以亦唔覺得呢樣野有幾重要。（上次生果報同另外一家傳媒約佢，佢都無啦啦甩過底，又一啲都唔積極）。呢幾樣價值觀上嘅野佢唔徹底改過嘅話，其實佢真係好難有運行。

正路來講，我覺得應該要有啲社工、心理醫生等等嘅人去輔導吓佢，等佢可以有幾會徹底改過處世觀念同 social skills 呢兩樣野先得。

-力