Lik

唔同意老四今次嘅講法。畢竟，六四係大是大非，係事實與謊言嘅分別，而並非意見嘅辯論。我殺你全家、崛埋你祖宗山墳就係殺你全家+崛你祖宗山墳，過中並無唔同嘅事情發生，因為事實只有一個。

再者，小弟亦並無禁止他人嘅言論自由或權利，而我亦無呢個 power 去封殺他人、唔俾人地開聲。只不過當有人發表可恥謬論之制，小弟一定會出來小七佢。

反而行之嘅係，共匪響國內禁止民眾對六四發表任何言論，亦區禁有關人事，侵犯他人自由，呢啲事先至係最可恥。

-力

Lik

MJJ，做牆頭草，想兩邊都儸着數，最後只會受到兩邊嘅人都鄙視。

其他嘅，你自己諗啦。

-力

Lik

事情冇論係所謂 大是大非 或者係 小是小非 ，只要係有兩個人以上，就有可能有不同嘅見解。

如果一旦覺得人哋嘅睇法同自己唔同就下筆傷人唔俾人哋講，

咁嘅做法同共產党嘅一言堂有乜分別呢？

当然唔排除有時會有人係不可理諭。

如果係咁只要唔同佢一般见識咪得囉。否则同佢又有乜分別呢？
老友四號 發表於 2009-6-12 00:21

四號此言差矣。

芝麻綠豆之瑣碎事自然無須要同人地一般見識，但大事大非之事仲要出來混淆視聽、偷換概念嘅問題卻非常嚴重。而最大鑊嘅係，當狗up權、陳一鑊、呂智障等狗奴才所講嘅說話有人相信、有人支持、有人會因此而懷疑事實嘅真確性，咁嘅事態就實在太過嚴重。

道理係越辯越明（如果對方肯理性對話嘅話）；筆下傷人，要佢地不斷出醜，其實只係對方理屈詞窮嘅後果。阿力成日插人，但一唔會講啲違背良心嘅說話，二唔會潑婦罵街式嘅非理性惡意中傷，但我會不斷去用唇槍舌劍去令對方出醜，令到佢無地自容咁、無力反駁咁自動收聲，繼而無法繼續宣揚歪理。而類似嘅事情響 LYK 亦屢見不鮮。菊姐嘅六四親自表述，中國國內嘅電腦侵犯私隱監控軟件，四川豆腐渣工程嘅事，有人能夠對於呢啲野而宣揚為共匪辯護嘅歪理論述嗎？而呢個做法同共匪利用佢國內嘅極權去禁制他人言論，又點會無分別？

試想像一下，假如有人要為德國納粹黨 WW2 嘅罪行開脫，又或者有人要為日本皇軍嘅南京大屠殺而辨護嘅話，你話條友點會唔被千夫所指、萬人唾罵？

-力

Lik

老夫 認為自太平天國後由晚清、民國、至解放一切權力擁力者或維護權力擁有者，都有一個共同的信念，就是 「現在死一百人；可避免將來死一千人」，

六四  会不會是這個信念的悲剧結果呢？
老友四號 發表於 2009-6-12 00:51

但呢個概念本身就經已不合現代嘅普世價值。響現今世代嘅人道主意立場之下，根本唔會容許呢一百個人嘅犧牲（因為響現今世代嘅普世價值之下，人命係無價嘅）。如果呢個謬論講得通嘅話，咁當年沙士爆發，香港政府會做嘅就唔係 quarantine 而係殺Q晒啲病人；禽流會做嘅就唔係殺雞、洗樓，而係殺人、洗太平地；豬流感會做嘅就唔係封鎖酒店 7日，而係叫解放軍將酒店連同酒店裡面嘅所有人夷為平地。

而偏偏中共就犯下呢個違背現今世代普世價值嘅重罪。

或許二十年前 "人命無價" 呢個概念無今日咁強，但即使如此，咁亦唔能夠成為為中共脫罪嘅依據。而血洗天安門就更係點都講唔通。

-力