本帖最後由 jiujiujiu 於 2012-7-7 17:59 編輯
我都知道好多人去過架喇, 不過, 橫掂尋日同D friends 食得咁開心(我意思係因為啱傾飯腳, 所以開心呀!), 咪post 下囉!!!! 呢間野, 點寫好呢, 真係有D難度, D野真係好大碟, 有D野唔錯啦, 但真係漏左D囉~ 但尋晚我地6個人, 真係傾得好開心, 笑到趴响度, 所以, 查實食過D乜, 好唔好食, 都已經唔係一個issue喇!
我地叫左D咩, 等我諗諗先.... 吖, 有: Sweet & Spicy Chicken Wings, Calamari Fritti, Pizza with fresh tomatoes, anchovies, basil, Italian sausage& artichoke hearts, Fettuccine Gamberreti, Spaghetti Bolognese 同埋Ravioli Lobster 嘅.
- Sweet & Spicy Chicken Wings: 真係普普通通架咋, 我地又唔想要Hot Wings 或者 BBQ Wings, 咪叫左呢個囉, 諗住橫掂有人遲到, 純粹食住等架咋! 但就有D似泰式雞醬味囉~ 點解我去親邊度食親sweet & spicy 野, D人都咁鍾意俾D泰式雞醬我架! 我想食泰式雞醬, 我自己可以去大X華買啦!
- Calamari Fritti: 呢個OK啦, calamari 都無乜特別, 唔係特別好, 但又唔差囉~ 都係咁上下味, 無炸燶, 唔太咸, 亦唔太淡, 外面脆, 入面都唔韌, 不過不失啦!
- Pizza with fresh tomatoes, anchovies, basil, Italian sausage & artichoke hearts: 呢個呢, 真西麻麻, D anchovies 咸左D, 我知道anchovies 係意大利咸魚, 我又唔係未食過, 我本身都鍾意食anchovies 架, 但尋日個pizza 上面D anchovies 實在太咸! 不過, 佢地個pizza 唔係咁得唔關個anchovies 事, 係個crust 同埋係成個combination 唔係好得, 好多地方D pizza 好食過佢, 所以, 有比較就自然有高低喇! 不過, 亦都不至於唔好食同埋難食嘅...
- Fettuccine Gamberreti: 呢個唔錯wor~ D蝦都好大隻, 無煮到老晒, 個sauce 又唔太杰唔太稀, 剛剛好! 但.. 我唔記得叫人俾D Parmesan cheese 過我囉......
- Spaghetti Bolognese: 肉醬意粉! 酸左D囉, 但撈埋個Fettuccine Gamberreti 就OK喇~ 我平時食親意大利野都唔會叫紅汁架, 怕有D地方煮得唔好會太酸吖嘛, 不過咁多人一齊食, 一人食DD, 無乜所謂, 咪事但囉~
- Ravioli Lobster: 呢個都唔錯, D汁都好味, 攞呢個D汁點個pizza, 都好, 可以遮左D咸味!
整體嚟講, 嚟呢間野, 叫D specials 就唔駛擔心唔好食, 但就一定要擔心食唔晒要攞走囉~
Sweet & Spicy Chicken Wings
Calamari Fritti served with tzatziki sauce
Pizza with fresh tomatoes, anchovies, basil, Italian sausage & artichoke hearts
Fettuccine Gamberreti prawns, garlic, in a white wine cream sauce
Spaghetti Bolognese homemade tomato meat sauce
Ravioli Lobster serve with Rose sauce |
發表於 2012-7-7 17:43
| 
