|
 
|
本帖最後由 jiujiujiu 於 2012-7-23 20:05 編輯
終於去到我Seattle 覓食"朝聖"之旅嘅最後一站~ 我都聽過人講, 呢Seattle 間鼎泰豐唔係特別好食架喇, 但, 話晒都咁出名, 點都要去會一會佢嘅~ 去到當然要等位啦, 仲要寸到要齊人先放你入去, 唔齊人就唔該等到齊人先俾枱你囉~ 但係入到去, 我都以為自己去左間西餐館, 好多server 同埋busboy 都係老外, 仲要一坐低就俾杯冰水過你, 我真係懷疑自己去左食鬼佬嘢! 不過話時話, 佢哋個service 又確實係好到不得了嘅!我哋叫左好多嘢呀, 有: 南翔小籠包, 菜肉紅油抄手, 蝦肉鍋貼, 排骨湯麵, 肉絲炒年糕同埋芝麻小包嘅~
- 南翔小籠包: 個皮好薄, 但唔知點解個皮有D韌, 不過, 都好多汁, 而且, 味道呢, 就真係無人哋講的咁差啵~ 可能因為聽左D朋友講, 所以無乜expectation 卦~
- 菜肉紅油抄手: 正唔正宗我唔知道, 但味道都唔錯啵~ 唔太辣, 但係好flavorful, 特別係個汁~
- 蝦肉鍋貼: 個賣相幾特別, 但面頭個塊嘢, 又真係好脆! 個皮都唔厚, 個餡都OK, 但個鍋貼入面就無咩汁囉~ 但個味道都唔錯~
- 排骨湯麵: 個麵煙煙韌韌, 唔錯呀~ 個湯就淡咗DD, 而個炸排骨, 就好台灣囉~ 其實都好味架啵~ 但就細碗咗DD囉~ 我哋3個人, 一人一"住"就KO左碗麵喇! 不過就好多排骨囉!
- 肉絲炒年糕: 味道都OK, 唔會太油, D年糕又無黏埋一堆, 都算唔錯, 但就真係精緻左D喇~ 成碟嘢都"畢"唔到4碗!
- 芝麻小包: 個賣相就同小籠包一模一樣, 個皮都一樣韌韌地, 個餡就有好澎湃嘅芝麻餡~ 不過又唔係太甜, OK架~ 細細啖食, 就無咩特別, 但如果成粒放入個口爆呢, 就好過癮喇~ 但最搞鬼嘅係, 黏牙嘅唔係D芝麻, 而係D皮囉~
鼎泰豐
人山人海齊整包
小籠包燈
南翔小籠包
嘩~ D薑絲粗到吖!
菜肉紅油抄手
蝦肉鍋貼
排骨湯麵
肉絲炒年糕
芝麻小包 |
附件: 您需要登錄才可以下載或查看附件。沒有帳號？註冊
|
發表於 2012-7-23 19:47
| 
