jiujiujiu

可能依家D功課壓力真係好大啦, 不過, 作為一個德望舊生嘅我黎講, 我由幼稚園讀到中學畢業, 我真係唔覺得有咩問題啵~ 我以前都學琴, 跳ballet, 大提琴, 補習, 唱Choir 啦! 我都唔覺得應付唔到...... 仲日日返學返得好開心添架~況且, 無壓力, 無比較的話, 人確實係唔會進步架啵..... 依家D課程有幾深, 我唔清楚, 由幼稚園到小學, D英文確實係深過人地一年架啵, 但以前响親九龍塘D幼稚園都係咁, 出明D嘅小學都係咁架啦, 我細佬妹, 表弟表妹讀根德, 芳芳, 耀中, St Catherine 都係咁架啵~ 呢D已經係20幾30幾年前嘅事啦, 點解要到依家先有問題呢....

jiujiujiu

回復 20# 大C姐


係啦! 人地set 得呢個level, 就一定係有人可以做到, 仲要係大部分啦!
確實, 名校出黎, 就算唔係最top 個堆, 連低個堆, 真係好過好多其他學校好top 個D架啵....  
我都好好彩, 我可以survive 得到, 乜唔係應該架咩~ 如果個個都得, 駛咩有人考第一, 有人考第尾呢? 如果唔係咁, D人駛鬼排晒隊爭住入名校呢.....
呢個世界, 梗係有人讀到書, 有人讀唔到架啦! 我知我咁講好刻薄, 但, 個個都做大醫生大律師, 邊個會去倒垃圾, 掃街, 洗盤碗呀~ 呢個係一個現實, 只係D人面對唔到, 唔肯面對咋嘛..... 依家D人太寶貝自己D仔女喇~ 幾歲都要幫佢著衫著鞋... 中學畢業都要阿媽老豆陪睇派位, 大學畢業都要老豆阿媽陪見工.... 咁呢D係學校問題, 定家長問題呢? 成日話唔會迫個仔學乜學物, 究竟係真係錫住個仔吖, 定掛住做野唔得閒或者唔想俾(無咁多閒錢俾)個仔去學呢..... 去學琴, 學跳舞, 學課外活動, 補習點都好過怕個仔嘈怕佢唔聽話, 就買遊戲機, 買ipad 俾佢等佢唔好騷擾你煩住你吖~