leo_tsoi

譚玉瑛姐姐 - 4歲嘅時候响屋企附近見到佢搵小朋友玩"閃電傳真機"嘅問答遊戲，我無玩佢都送左份玩具比我。嗰陣好開心。
宣萱 - 13、14嘅時候响一個商場見到。我入笠，佢出笠，擦身而過。
劉丹 - 响商場迎面而過。仲記得我個frd嗌︰"叉燒丙啊!!"。佢仲對我地笑。
吳毅將 - 都係响商場迎面而過。行過左先認到佢。
"基哥"李兆基 - 見過兩次。一次係13、14嘅時候响一間酒樓。因為我老豆都係慈雲山長大嘅，所以同佢係識嘅。佢走過黎同我老豆＆阿嫲傾計。第二次係舊年見到佢响旺角"吉"魚蛋。
陳冠希 - 見過兩次。一次响劉德華演唱會。散場出黎見到佢上車走。第二次响"毛線"錄影廠。係一個類似"勁歌"嘅節目。我去幫人舉banner。
李彩樺 - "毛線"錄影廠show舉嗰個banner就係佢個名嘅。
陳豪 - 前個禮拜响銅鑼灣見到。我坐响車入面，佢响馬路邊行，近距離迎面而過。

leo_tsoi

漏左一個。5歲响北京機場見到張國榮。同佢有一張合照。