如果你好朋友響外地結婚,理應出席or not?難題!
我同我老公有個好難決定的問題。我地有個好朋友出年會響日本同個日本女仔3月擺酒,他求左婚後就assume溫哥華有大概20人搭飛機出席。我地其實好開心他終於娶老婆,不過個心就十五十六覺得為左他的banquet去一趟日本就有D唔知點,我希望問下大家意見。
點解我地會gum struggle?唔想去D原因係:
1.原本我地PLAN左今年11月去北海道,同我阿媽去。加上我地想11月去多過3月
2.我地唔係同女家熟,直頭係唔識,因為個女仔同我個FRD拍拖唔係好耐就返左日本,一路LONG DISTANCE左一年後決定結婚。那個banquet聽落好似女家擺酒,我地個friend唔係好清楚交代過
3.如果兩個人為左去hum一係就要去日本多轉,對我地兩口子來說機票酒店好和味。當然我朋友冇好似D外國人gum包住宿啦,包埋機票啦gum。我地都唔想他使gum多錢啦
4.我地好驚個wedding攪唔成,因為呢PAIR人能夠結得成婚我同我老公覺得實在太出奇。原因係咩唔好問,我怕講左出來比人知呢個朋友係邊個哈哈。有咩事機票酒店訂左咪好老土?
5.我地唔去就情願封份大D人情比個friend
6.個friend又唔係去左唔番來,反而係個日本人會跟他過溫哥華,仲會之後有個溫哥華ceremony。我有問自己唔係見證他們行禮就OK嗎? 他們係響溫哥華簽字,gum道理上我去睇個ceremony都OK嗎?
7.係個朋友決定要就個女仔在日本擺,唔響vancouver擺,但係唔代表 vancouver gum多人都要出錢又出力gum去日本hum?!?
另一方面,想去D原因係:
1.唔去的話我地個心驚有愧於個朋友
2.真係想見到他娶老婆個開心樣
3.怕有大部份人都會縮沙唔去,又什至冇想過要去,因為係個friend一相情願覺得有20人會去,which我覺得個可能性好低,因為連我同我老公個心都有動搖。個婚禮得O個五六十個人(連女家),如果真係唔好彩有一半唔去,我地兩個人頭係對個新郎哥好重要
4.當然怕個friend會唔開心啦,他一定會好失望
5.如果唔係個朋友坐定粒六我地會去我地冇gum guilty,但係而家好似唔去唔得
希望各位比D意見我呀,我地而家好似內心有魔鬼同天使對抗緊gum...
[ 本帖最後由 katamari 於 2008-5-18 20:28 編輯 ] |