比雷曼更低回報的投資 雷曼, 低回

hium

睇咗哩篇文之後有啲感慨， 唔係因為發覺"子女唔會供養父母"...  相反， 我有啲意外發覺完來 "養兒防老" 哩個概念都重係好 common... 想知道大家有咩諗法同埋對"生細路仔"哩個"步驟" 又有冇唔同嘅原因哩？

http://hk.news.yahoo.com/article/090712/3/d5p8.html

前陣子看到有關「子女是否願意供養父母」的調查報告，發現超過五成受訪者認為父母有責任退休後經濟獨立，不應指望子女供養，調查結果令人擔憂。「積穀防饑、養兒防老」一直是中國人傳統觀念，但今時今日已經不復存在。你們看到這調查感驚訝嗎？若在半年前看到，我會很驚訝，但今天我知道這是鐵一般的事實。

　　近半年很多家長會竟邀請我分享如何教導家長理財的講座，起初我覺得奇怪，但有一次一位中產家長對我說：「唉！呂Sir，現在邊有家長要求子女供養呀？佢哋自己能夠照顧自己，我哋已經偷笑。」另一位大學教授對我說：「我一定要努力賺錢，第一，個女現在二十幾歲，還在外國讀碩士，讀完了，都唔知佢搵份工夠唔夠自己使；第二，我現在每個月也要寄錢畀佢，我將來都係要靠自己了。」

　　在某一次家長講座中，有家長對另一位家長說：「你哋呀，花咁多錢在子女學習語文或興趣上，動不動就花幾萬元去買一套學習英語的教材，又說用幾多錢去學琴，你哋覺得有回報嗎？這投資比投資雷曼更蝕呢！」他好像說得很悲哀，但……卻是實情。

　　望父母繼續「接濟」

　　另一邊廂我聽到一位快要畢業的大學生說：「呂Sir，你咁out㗎，現在是甚麼年代呀？供養父母？」他說時的語氣很驚訝。我問：「吓，咁父母養大你，當佢哋年老時，你供養佢哋有唔妥嗎？」他立刻回答：「當然有啦，我大學畢業，出來工作最多得萬幾蚊，自己都唔夠使啦。好在我的爸爸媽媽已講明不需要我畀家用！」

　　以上幾段對話，已經反映了很多「問題」，新一代已經不再認為供養父母是理所當然的責任，反過來希望父母繼續「接濟」他們；反映了父母只擔心子女辛苦，不斷接濟他們，而他們的抗逆能力就不斷減弱。

　　各位家長，你們的確很叻，能夠賺到或儲到很多錢，但可以更有智慧地運用你們的血汗錢嗎？你們投資了很多在孩子身上，他們的語文能力或許很好、鋼琴技術高超，但他們的品格呢？他們對長者的態度如何呢？不是在家中對你們呼呼喝喝；動輒就大發脾氣嗎？不是有少許辛苦就辭職嗎？

　　或許是時候思考一下，你們何時才願意投資在教導子女有更好的「品格」；何時才會學習忍手，不要動不動便幫他們「抗逆」；又或是只顧不斷滿足他們物質需要？現今大多數的年輕人皆沒有打算供養父母，悲哀嗎？誰惹來的禍呢？

hium

咁如果你覺得你宜嫁要有"回報"所以要供養父母， 咁又係唔係你第時有細路嘅時候又會期待佢供養返你呢？ 同埋你想要細路仔嘅原因又會唔會係"養兒防老" 或害怕自己將來老來寂寞哩？
如果係咁諗， 又算唔算自私哩？ 到頭來都只係為自己退休生活打算而"投資" 所以先生細路仔？ 定係只係因為自己鍾意細路仔覺得好可愛都想有一個？ 咁,咁樣又係唔係算自私哩？ 因為都始終都係因為"自己想" 咋喎？
純討論。。。 我係唔了解宜嫁個世界係點運作所以想聽多啲意見咁姐~ 歡迎討論~

hium

我認識一個男人30幾歲，晚晚帶老婆番阿媽到食飯，食完拍拍patpat就走，臨走仲要攞兩個生果走（個老婆會好似系supermarket甘揀個最好最靚既先攞). 兩公婆都有收入，不過就豆零家用都無出。

個阿媽本來有分工有收入都 ...
Yui 發表於 2009-7-13 13:45

我都有識過有個朋友大學畢業之後再去用屋企錢再讀專門學校先去做份同佢大學 degree 冇關係嘅工， 成三張幾都做咗幾年野結婚娶老婆重係屋企比錢， 咩錢都冇儲過但係買第一層樓屋企比晒首期但係買邊到都唔俾干預。。。

又有見道有啲老人家有好多仔女， 佢哋不停咁供養自己啲仔女包括結婚後嘅居所， 連自己嘅物業都賣埋， 諗住咁多仔女， 點都會有個會同自己住同照顧吓自己， 點知到頭來佢哋都重要搵租屋住， 只係因為啲仔女同佢哋嘅另一半覺得佢哋好難相處同麻煩， 唔想同佢哋一齊住。

hium

我覺得做父母既首先唔好甘功利，生兒育女當投資呢種心態其實唔要得，直接或間接地會影響下一代既價值觀，看什麼都利字當頭。

我將為人母，但真系無唸得甘長遠如"養兒防老"或講究"回報"等等。當初想要BB系出自女人 ...
Yui 發表於 2009-7-13 15:24

我好同意你嘅說法～ 多謝回應～

hium

Biologically speaking, humans (all animals in fact) give birth to the next generation to continue their blood lines. The salvation of the next generation is already a 'return' on the 'investment'. I a ...
BiscottiGelato 發表於 2009-7-13 19:29

我一路都以為係得我自己咁樣諗係好自私 ( at least 我爸媽都成日話我諗得太自私）， 原來都有人同我同一樣嘅諗法， 多謝你！都解開咗我嘅一個心結。。。
我嘅諗法同你好相似， 我係出於一個好普通嘅家庭， 爸媽宜嫁都已經半退休狀態， 完全冇財政壓力。 但係我係一個好普通嘅女人， 嫁咗俾一個都係普通嘅男人， 做咗好幾年野喺宜家先開始有小小錢喺袋， 對於我哋哩啲普通人嚟講， 養活自己同儲夠錢俾得起首期真係好難！ 如果我唔係咁幸福幸運爸媽都唔使我照顧， 我諗我哩世都唔使指意可以真正擁有自己嘅家！