satil

做爸媽當然血淚一籮籮，點講得咁多吖。
同輩親朋有好多都選擇唔生，搵錢兩個人使，隨時放假又真係好逍遙。

做父母就顧慮多多，日忙夜忙，放假就更係麻煩多多，又就學假又就喜好。
如果子女有特別需求，有病痛，就更需心血處理安排。
責任好似永遠不完。

現在子女都大了，可自行照顧自己，作為父母可以恢復大部份的自由。

計落，要生就早生，仔女出身，自己還有健康去玩。

依家得閒就攞姨甥，姪仔嚟玩，發現新的一代（現時幾歲），真的特別醒，特別難教。

satil

回復 8# 大C姐

講真吖，邊個父母真係完全準備好，從來都無“教育子女”課程。從來都沒有任何標準，個個都係殺到嚟，勇字上，邊做邊學，又睇吓其他朋友，見到唔好，就自己避免，見到好，咪學吓。又可以同啲有大幾年小朋友啲家長，傾吓，取經。我當年咪一樣。避都避唔到，中咗咪頂硬上，點知四年後，歷史又重複一次，又整多件。

食就唔係用好多錢，醫療更加有政府，玩具衣著可以好平簡單，教育有公校。你沒有大要求的話，可以好省錢。我有好多朋友都以這低標準來養子女。但一講到有要求的一班朋友，要教乜學物，私校，課外團體活動．．．就不得了。

我嗰兩件，當年要去特殊學校，交通及學費已成萬一年，兩件，稅後２皮嘢！未計課餘學乜學物

不過捱吓捱吓，慶幸，從未有任何大風波，十幾廿年好快過，總算雨過天清。

satil

回復 11# fibbi

最可惜，政府唔認同我地嗰類特殊需要，曾多次找教育局，幫到好少。

satil

回復 15# 大C姐

咁，學前，我兩公婆都有工作，兩個細都係番全英文daycare，兩個收費接近一份人工，但明顯好處是小朋友早就可以學習團體生活，有規有矩，仲全程英文對答，唔驚要esl。現在睇番，這筆錢值得！

老人家幫手睇普遍都問題多多，太惜太放太縱，很多都會令小朋友學會玩弄大人的決定及規矩。我都提意朋友，可以的話，勿行這步。

satil

回復 20# 大C姐

我朋友個女係CBC，就係老人家揍，學埋晒啲鄉下話，年中番香港幾個月，到入pre-school, 發現講唔到英文，school board咪要佢入esl，搞咗好幾年先出番嚟。在加拿大出世，都有機會要入esl嫁。