食環署無人性趕絕雞蛋仔阿伯 - 時事區

Rank: 3 Rank: 3

11^# 跳轉到 »

發表於 2011-4-12 16:28 | 顯示全部帖子

本帖最後由 FiChai 於 2011-4-12 16:31 編輯

每一輩嘅人有佢自己一套價值觀同尊嚴，就好似有好多上一輩嘅老人家覺得如果自己有仔有女，但卻俾子女送咗 ...
Lik 發表於 2011-4-12 09:57

"每一輩嘅人有佢自己一套價值觀同尊嚴，就好似有好多上一輩嘅老人家覺得如果自己有仔有女，但卻俾子女送咗去老人院住係一件羞家嘅事、係子女不孝一樣。如果FiChai 兄你老豆老母係咁諗，但你老哥卻硬係要送佢地兩老入老人院，咁你就真係不孝喇。同一道理，老一輩嘅人一般都認為如果自己仲行得走得，但卻要走去攤大手板問政府攞綜緩係一件仲折墮過做乞兒嘅事。"
呢個我當然明白亦什同意。但係唔代表唔攤大手就可以理直氣壯去打劫。所以我話要行得正企得正咁自食其力又唔靠人先值得他人尊敬。你唔係唔明箇中分別吓嘛？

"我又唔信你樣樣循規蹈矩，揸車50唔超速、freeway 80行到足呀？"
係，我會揸快過50同80，但係如果阿sir捉我，我唔會大大聲話我冇錯！仲要質問返佢轉頭，做乜要捉我咁冇天理！咁我問你勒，究竟係邊個錯？

"換咗我去做官嘅話，我唔敢話我會做得超級好，但卻可以好肯定咁講句我唔會好似班狗官做得咁撚差、咁撚戇車！"
我明白你有一番熱血，唔排除當年煲呔都有你同樣嘅抱負，只可惜宜家都係日日俾人鬧。人在江湖，如果你敢話你會做得好過佢，可以唔駛日日俾人小，即使隔日小一次都好吖咁，我衷心希望你能夠坐言起行，向住呢個偉大嘅目標邁進！祝你馬到功成！

Rank: 3 Rank: 3

12^#

發表於 2011-4-12 22:27 | 顯示全部帖子

吳伯話晒都係自食其力，賣雞蛋仔又唔係賣忽得、K仔，咁又點樣唔算係行得正企得正呢？自己贊到錢得來，街坊 ...
Lik 發表於 2011-4-12 21:19

依你嘅偉論，既然亞伯响不准擺賣既地方兼無牌販賣都咁理直氣壯，即係响禁煙區可以食煙、咸濕書可以賣俾十二歲學生哥、男人可以入女廁、差人可以唔捉賊....，因為佢哋全部都有苦衷得黎又唔係十惡不赦。其實一句講哂，根本法律就係多舊魚，市民應該鍾意點就點。唔怪之得你話如果你做官就包保冇人鬧啦，因為到時香港都變成天堂咯，天堂又點會有人呢！

Rank: 3 Rank: 3

13^#

發表於 2011-4-12 22:53 | 顯示全部帖子

換咗係你俾阿 sir周到你開快車，你點都會同個阿 sir講兩嘴，叫佢放你一馬掛？但當個阿 sir係擺面玩針對，個個飛車友都唔捉，但就淨係一個星期捉你三次 50 zone行 60，票控之餘仲要充公埋你架車，咁唔知 FiChai兄你又會點睇呢？
Lik 發表於 2011-4-12 21:19

不如咁講啦，你試過飲醉酒渣車，又冇車死人又冇俾人拉，咁係咪代表你醉駕係啱嘅呢？咁你又會以後都醉駕呢，車神？

如果要我直接答你，我會咁諗：梗係啦，人哋揸波子、法拉利、林保，我就揸架86..... 司域仔，唔係阿sir唔想追佢地，係阿sir根本追唔到啫！咁我咪認命把啦！咁既然已經俾人拉過一次咯，都仲唔知衰仲係都要揸得懶快，結果又俾阿sir再捉多三幾次都仲係咁硬頸咁唔信邪，係都要繼續揸快啲，除咗話自己有型之外，唔係抵死係乜嘢呢，吓話？！

Rank: 3 Rank: 3

14^#

發表於 2011-4-12 23:01 | 顯示全部帖子

所以咪就搞到而家d 人覺得鬧鬧插插呢一條係出路law~

你諗下, 無牌擺賣都可以被咁多人支持, 仲要個傻仔政府真係要扮哂聽民意去恩恤... 咁究竟幾時應該恩恤, 幾時先企硬呢? 老實, 我真係覺得政府一定要o係適當既時候企硬. 一個比人刮兩巴就退縮既政府, 點會有能力o係適當時候o係阿爺面前真真正正表達香港人既訴求?
mcjohnjohn 發表於 2011-4-12 22:54

所以我一直都想vote阿力做官囉！